غرام أحفاد الشمس

الجزء الخامس عشر

نظر مالك لشقته وجدها عباره عن كومه من الدمار اغمض عينيه ييأس وهو يبحث عن مفتعله المشاكل

مالك: اطلعي يا نسمه يا حبيبتي انا مش هعملك حاجه يدوبك هنتفاهم بكل هدوء وتحضر انتي فين

نسمه بطفوليه: نسمه مش ورا الكنبه يا أبيه فنظر مالك الكنبه سرعان ما قفز خلفها فصرخت نسمه بفزع وظل يدغدغها بمرح وصوت ضحكاتها تملئ الشقه

مالك: هي فين الداده يا نسمه ازاي سبتك تبوظي الشقه كده

نسمه بطفوليه: مش انا اللي عملت كده دا الداده اه بجد هي اللي عملت كده ونزلت بسرعه وقالتلي مقولكش بس انا مقدرش اخبي عليك حاجه يا أبيه

مالك وهو يحتضنها: لا صحبه مبادئ اوي يا اختي ازاي نسمه دي يارب اومال الاعصار عامل ازاي
-------------------------

في صباح اليوم التالي في مكتب يزيد كان يجلس يتابع بعض أعماله حتي طرق أحدهم الباب

يزيد بصوت عالي: ادخل يا مالك فدخل مالك وهو ينظر له بتعجب

مالك: انت عرفت ازاي أن أنا اللي بخبط

يزيد وهو ينظر للاوراق: كل واحد ليه خبطه مميزه يعني اي حد بيخبط بيعمل نعمه معينه وكل واحد ليه نغمه محدده بعرفه منها

مالك: طب ما انا ممكن اخبط بطريقه تانيه مش بصخب ممكن بهدوء

يزيد: بس انا مبعرفكش من الخبطه أنا بعرفك من حركه صوابعك نفسها علي العموم سيبك من الموضوع فين الورق فمد له مالك الورق

مالك: بص دي الورقه بتاعه المسجون نفسه بس لقيت الصوره متغيره فجبت جرنال وو فقطعه يزيد: بعرف اقرأ علي فكره مش جاهل

مالك: خلاص يا عم براحتك أنا هشوف الشغل بقي

يزيد: استني صحيح فرح اسد بعد بكره متنساش ها

مالك: يا عم اسد كلمني وقالي أنا اصلا حتي من غير عزومه

يزيد: عارف يا عم بفكرك فهز مالك رأسه وخرج بينما امسك يزيد الورق وظل ينظر به بتمعن وأخرج ورق من درج مكتبه ظل ينظر للاوراق سرعان ما تأكد من شكه ولكنه اغلق الاوراق وهو يخطط ماذا سيفعل؟!
----------------
بعد يومين كان الجميع يتحضر فاليوم زفاف اسد والاء وكتب كتاب قيس وفرح كان الجميع مشغول بما يفعله بينما اسد يجلس بكل برود علي الفراش ويلعب بابجي فدخل عليه يزيد ومالك الذي حضر معه من بدايه اليوم

مالك: اسد انت بتعمل ايه

اسد: استني بس احسن البوت هيموتني يا عم اخري يا حمار

يزيد: يا حمار والبوت يبقي اللي في دماغي صح مالك فذهب مالك بخفه وهو يسحب الموبايل من يده بسرعه

اسد: بطل برود يا مالك وهات التليفون

مالك وهو يرفع الهاتف لاعلي: انت عبيط يلا انت فرحك انهارده