بيت السعادة ( روايات ليبية ) مكتملة

البارت الأخير 🔥

بيت السعادة الحلقة الاخيرة 😍🙏 وصلوا الاحفاد كلهم في وقت واحد و كلهم كيف يلي ناقمين على جدهم
صابر : رناد و سمر و سامي وارين  كيف مافمهتكم محد يتكلم مع الجد
رناد : لييش 😭
صابر : عشان نردوا كلنا نعيشوا هنا 😍
رناد : بااه 😍❤ قمر : خايفة 😂
نور : اسس حتى انا بطني خلاص 😂✌ صالح محمد : هي سمو و خشوا
صالح عبد الرزاق : سمو عليه قلبي مابين يديه 😂✌ صابر : تعرفش تبطل هالتفاهات 😂 هي
قمر : 😍😍 وروود
ورود : 😫 مش مصدقة انا في حلم ولا في علم 😢
صابر : 😂 لا حقيقة بلا جو هي نوضي نخشوا استاحشنا الحوش
ورود : 😒 وانا نحساب انكم مستاحشيني
نور : 😂 تزعليش اصلا لولاكم راه مجيناش
قمر : هي خلينا نخشوا (الجد كاين مقعمز في الصالة شافهم)
الجد : باهي يلي جيتوا (كلهم يشوفوا لبعضهم مفيش ولا جواب )
الجد : قولوا لاهلكم نبيهم ضروري بعد ساعتين في حاجة مهمة
صابر : عمي علي مش حيرضى يجي
علي : اني جيت
كلهم : 😲😲😲 صابر : كيفف
الجد : كلموا هلكم قبل
علي : كلمتهم وفي الطريق جايين .
.
(عند اسامة و احمد )
اسامة : كله منك معش اشتغلت
احمد : وشن دخلني مرات البنزينة
اسامة : مزال ساعتين الهم و نوصلوا
احمد : انا ندف وانت ولع
اسامة : هيي
احمد : اووف واخيرا اشتغلت 😍
اسامة : هي اركب طريقنا مزال طويل 😪 (نردوا لحوش العيلة )
الجد بمأن كلكم جيتوا و التميتوا نبي انقوللكم حاجات واسمعوهن كويس اولا انا تجوزت البنت اهيا في يوم جاني بوها يبكي و قالي :
اب نورهان : بالله عليك يا صلاح ساعدني
صلاح : شن في ؟؟ اب نورهان : بنتي عمرها 23  طلع فيها الورم (ربي يبعده علينا) و معنديش كيف نعاينها بالله عليك تجوزها
صلاح : بنتك عمر احفادي راه
اب نورهان : بتموت ساعدني بالله عليك .
الجد : الليلة هذكي مرقدتش من التفكير قلت نتوكل على ربي و نساعدها تجوزتها و شلتها لتركيا تعاين و الشهر يلي فات لما قلتلكم بنقعد كان عندها آخر جلسة كيماوي و قلت بنطلقها تشوف حياتها وكان معاها خوها وانا كنت نعامل فيها كويس عشان متقولش هو شافق عليا و اهي اوراق علاجها شوفهن
محمد : 😲 صحح
عبد الرزاق : 😱
خليفة : حقااا
الجد : امبكري حلفت صابر عشان يوريني مكان علي و مشيتله و فهمته الوضع
ورود : سبحان الله كيف قدرت توهمنا ان انت تجوزتها بالسيف عليها
نورية : خيرا تفعل شرا تلقى
محمد : سامحنا لان ظلمناك 😢
الجد : الاب ماعمره يشيل في قلبه على اولاده 😍 تعالوا يا خرفان استاحشتكم
رناد : ميييري
ميري : نعم
رناد : منسيتش  شكالاتي 😤 وينها
كلهم : 😂😂😂 الجد : تو نشريلك احلى منها
رناد : احلللى جد نححبك 😘
ميري : انت من يبي
اسامة : العيلة كلها
ميري : دقيقة ، بابا
الجد : نعم
ميري : في واحد برا يقول هو يبي عائلة كل
الجد : من ؟
اسامة : اناا
كلهم : 😲
ورود : اميي
نورية : اهديي
الجد : نعمم شن تبي جاي ؟؟ اسامة : طبعا نعرفكم على نفسي اسامة عيسى .... نكون ولد اخ جدكم و طليق عمتكم واب...
الجد : هييي اوقف طليق شن
ورود : انا تجوزته قبل 6 سنوات
الجد : كيييف 😲😲 ورود وهي تبكي : كنت طايشة مسمعتش كلامك كنت نحسابك عشان تكرهم بس مش عشان مصلحتي 😭😭 الجد : وتوااااا
ورود : 😭 عرفت كوويس معنى تخاف على صغارك 😢
اسامة : ياعمي و الله نحنا مانكرهوك بس شن شعورك تشووف بوك ولا خوك في اليوم يتألم مية مرة وانت ماعندك ما ادير راه و الله تجوزتها بالحلال الله و أسأل خوتها
الجد : مشااء الله و الخوت يندروا ؟! ورود : بالله عليك ماتزعل بالله 😢😭 و الله غلطتي و عرفتها وقاعدة ندفع في ثمنها الي الان 😢
عبد الرزاق : ارين
ارين : نعم بابا
عبد الرزاق : لالا اهو بابا 👈 (أشر على اسامة )
الاحفاد كلهم : 😲😲😲😲 عبد الرزاق : محد ينصدم (وقاللهم القصة من الاول)
الجد : اللله يسامح يا بنيتي الله يسامحك و انت يا اسامة امشي شوف حساب بوك كم فيه و قبل 3 ساعات كتبتله نص هالحوش واهو الاوراق
اسامة : معش نبي منكم شيء غير بنتي و امها بس
الجد : بنتك من حقك بس امها آهي هي و راحتها
اسامة : ارين بابا تعالي
ارين : انت مش بابا 😒
عبد الرزاق : عيب ارين هو بوك كاين مسافر بس راه و اهي ماما
ارين : ليش تكذبوا اهي عميمة ورود
ورود : ارين انا امك 😢😢 مش عمتك
اسامة : تعالي يا بنيتي
ارين : نبييش (مشت اسامة مشى للمربوعة مع الرجاالة واحمد بعد خفت الزحمة لمح اكرام بس قعد يقول مستحيل تكون هي واكرام من الصدمة معش ركزت )
صابر : ارين حبيبتي
ارين ؛ نعم
صابر: امشي ل بابا و ماما راه هما يحبووك و ميرضوش فيك شيء و حرام ماما تبكي ولا ؟؟ ارين : باهي هما ليش خلوني ؟؟ حرام انا بنتهم 😢 (صابر من قوة كلامها حضنها وقال )
صابر: لان جدو قاللهم متجوزوش و قصة طويلة تو يقولوها ليك هي نوضي امشي ل بابا
ارين : هي 😍 (مشى صابر و معاه ارين في يده )
ارين : باااابا (ومشت جري حضناته لان حست بشيء )
اسامة : ياروح و عيون و قلب بوك 😭 الله قديش تمنيت هاليووم
ارين : بابا انا نحححبك صح انت وماما خليتوني لكن هكي انا نحبكم 😍
اسامة : وعد مني مش حنخليك مرة ثانية لين نمووت 😍
ارين : ونعيشوا انا وياك و ماما
اسامة : امشي قولي ل ماما نوضي نعيشوا مع بابا
ارين : حاضر (وناضت )
الجد : يااروحي 😢
محمد : كيف بهالسرعة ؟
صابر : الصغار مش كيف الكبار الصغار يحسوا راه .
.
ارين : نبي ماما وين
اروة : ماما غادي
ارين : نبي امي انا مش ماما هناء
اروة : عميمة ورود 😲؟ ارين : اها وين
اروة : في دارها
ورود : منبيش حددد خلوني بروحي
ارين : ماما انا ارين
ورود : اريين (وفتحت)
ارين : ماما
ورود حضنتها بأقوى مايمكن : ااااه يا روووح امك 😭😭 يانبض قلب امك
ارين : انا زعلانة راه 😢
ورود : لييش
ارين : ليش عطيتيني لخالي عبد الرزاق
ورود : تو تكبري و تعرفي
ارين : هي نمشوا مع بابا 😍
ورود : تعالي نمشوا ل بابا ( طلعت ورود وفي يدها ارين و نورية قعدت تزغرت هي و الكنات 😍 ورود نادت اسامة على جنب )
اسامة : انا آسف
ورود : عشان بنتي مسامحتك دنيا و آخرة 😢
اسامة : توا تكلمنا انا وعمي و بنجوا نعيشوا هنا حتى هلي
ورود ::😍😍 الله
اسامة : و الله احتمال غضوة انجوا و لا مش عارف
ارين : جعانة 😪
اسامة : ادللي شن تبي
ارين : نمشوا للمطعم 😍 ( وافقت ورود و طلعوا لاول مرة كعائلة مع بعضهم و ارين تهدرزلهم على اول يوم ليها في المدرسة اما باقي الاحفاد قعمزوا دائرة في الحديقة . )
صالح عبد الرزاق : معني مصدوم لكن فرحت لعمتي
قمر : هاليوم مش حننساه
صابر: ولا انا احلى ايام هالسنة
اروة : نغيروا الموضوع
نور : نحكيلكم على مقالب امتاع المدرسة 😂
نوران : تي حي و الله شيبت الابلات 😂
نور : رناد عندها فأر زغيرون و ملمسه حقيقي فيه بطمة تفتحه خشت ابلة الرياضيات وهي دبة تلفتت لسبورة و تشرح و انديره ليها 😂 تخايلوا وحدة سمينة و تنقز 😂😂 و مرة انا و نوران مقعمزين و اول مرة تخش ابلة الكيمياء شوي قعدت تسأل قلتلها انا وحدة تحساب روحها تتخايل قعدت تشرح على السبورة و وقفت وراها تلفتت و تلقاني و تلقى نوران مقعمزة و تطلقها عييطة خلتني نندم 😂😂😂 صالح محمد : و بوي كل يوم غادي لين حفظوا وجهه 😂😂
قمر: 😂 انتم خلوكم مني تخايلوا الدكتور في نص القاعة و يقولي يا قمر 😂😂 في وحدين يحسابوه يغازل فيا ميحسابوشي اسمي 😂😂 صالح عبد الرزاق : 😂😂😂😂 وووه
نور : اكرام وين
مروة: قالت بتساعد ميري اتبل الشواء .
.
اكرام : مش مصدقة 😲 المغرور يطلع ولد عم بوي 😂
احمد : ولا انا متوقع ان المتكبرة تطلع بنت ولد عمي 😂
اكرام : عاد توا ديرلي واسطة 😌
احمد : في عينك ايه وعلى فكرة غضوة جاي بنعيش هنا 😂😌🙌 اكرام : كملت 😂 هي امشي راه حد يشوفنا ويفهم حاجة ثانية (ارين هدكي الليلة رقدت يالا ورود و احمد مقدرش يرقد من الفرحة و اشامة كذلك ثاني يوم جو عائلة عيسى سكنوا كان في جناحين مسكرات واحد خداه اسامة و الثاني هله 😍) بعد مرور سنة 🎈🎆 صابر : عمي عبد الرزاق
عبد الرزاق :نعم
صابر : طبعا من بعد اذنك واذن الموجودين نبي بنتك قمر
قمر ؛😳 اروة : حي ما قردة بتتجوزي 😂
عبد الرزاق : انا معنديش مانع و اكيد حتى هي 😍
علي : وانا نبي ملاك بعد اذنكم طبعا (ملاك بنت عمه )
احمد : مدام اليوم العالمي للخطوبة وانا نبي اكرام المتكبرة 😌
الجد : 😂 خدوهم مني الف مبرووك 😍
نورية ، فاطمة : لولولولولولوي ( وانتهت قصة بيت السعادة و في الختام الرسالة يلي حبيت انوصلها ان امك و بوك مهما داروا حيكون في مصلحتك و حيجي وقت و تفهم و نورهان حاولت تهدم بيت شخص لولاه راه قعدت تتألم طول عمرها واسامة عرف بغلطته و رد بنته و مرته و ورود تنازلت عشان بنتها اكرام واحمد صدفة جمعتهم وكانت نهايتها حلوة و علي ربي عوضه ب بنت عمه كانت له ام و اخت و صديقة و حبيبة عوضاته على نورهان و حبوا الحياة و عيشوا كل يوم بيومه راه الفرح ميدومش و لا الحزن يدوم بس تفائلوا ).
شكرا لدعمكم ليا 😘😘🎆❤ #بيت_السعادة