بيت السعادة 🏠❤11
علي التفت لبوه وقال:
هه مزال عندك وجه تتكلم
الجد : هييي انت راني بوك اعرف كيف تتكلم
علي : ماهو هضا يلي كاسر ظهري انك بووووي
الجد : انت شارب حاجة مش ليك ؟؟
علي : بالله فهموه كويس هالمراهق وانسى ان عندك ولد واسمه علي (جاي بيطلع وقف وقال) اه قبل لانطلع سلملي على نورهاان واااجد
الجد : ش ش شن يقول اهوا شن يلي ضارب مخه
نورية : انت مش متحشم على وجك متجوز بنت في عمر احفاادك اهو عاجبك منظر الحوش هكي فاااضي ارحم روحك و ارحم البنية المسكينة
ورود : انهينك على انجازك العظيم تشتت العائلة في وحدين يتمنوا تكون عندهم عيلة هكي بس مع الاسف
صابر : شن ياجدي يا قدوتنا قول فسر شن يلي خلاك تتجوز
الجد : انتم من قاللكم
نورية : عنجد من قاللنا هه وخلاص تعالي يابنتي نرقدوا الواضح بوك مخاطراش يرسي على بر
صابر : انا بنمشي اي شيء اتصلن بيا
نورية : طمني بعد توصل
صابر : ان شاء الله
(في حوش محمد )
بلقيس : انا مش مستوعبة مزال
نور : اصلا من يلي مستوعب و الله بكاني عمي علي
نوران : ياااروحي عليه و الله يسخف ربي يصبره
احمد : جدي ليش دار هكي ؟؟
صالح : نوضوا ارقدوا احسنلكم
نور : وانت
صالح : بنراجي صابر جاي في الطريق
نور : بندير حاجة ناكلها من يبي
صالح : ديريلي نص جبنة و كثري الهريسة حتى صابر
نوران : مخاطريش بنمشي نرقد
بلقيس : حتى انا
احمد : وانا
(رقدوا كلهم الا صالح و نور يراجوا في صابر )
نور : حسه جاء
صالح : ايه
صابر : اااه في وقتهن و الله جعان .
نور : شن صار
صابر : ناكل تو نحكيلكم
(كمل صابر اكله و حكالهم )
صالح : علي وين مشى
صابر : و الله ماني عارف نرن عليه مقفل
نور : و جدي قعد هكي بدون اي ردة فععل ؟؟
صابر : كلهم كووم و علي لما يحكي مع جدي كوم ثاني و الله دمعته شوي و تطيح
نور : وعمتي ورود
صابر : ولا حرف ، بوي رقد ؟!
نور : من بكري
صالح : انضر شن صار في عمي خليفة و عبد الرزاق
صابر : عمي عبد الرزاق في فندق كلمني امبكري صالح وعمي خليفة منندريش
نور : استاحشت اللمة من توا
صالح : ربي كاتب هكي الله غالب هي انا بنرقد
نور : حتى انا نعست
صابر : امشوا انا مش جايني النوم
نور : يلا good night
.
.
صابر : الو قمر
قمر : بسم الله شن فيك
صابر : آسف كان نوضتك من النوم
قمر : اي نوم بالله مفيش حد رقد غير امي و بوي و ارين
صابر : مش حننسى هاليوم طول عمري
قمر : و من يقدر ينساه خطرها شن صار ؟؟
صابر : (و حكالها )
قمر : لا جدي استخف رسسسمي
صابر : خفت نتصادم معاه و تصير مشكلة اكبر من المشكلة هذي
قمر : رد بالك مش ناقصين نحنا توا زعمك علي وين مشى
صابر : مش عاارف وين اكيد فندق بس اي فندق ؟!
قمر : عندي فكرة
صابر : شن
قمر : بكرا امشي انت و صالح خوك و خوي و أسألوا عليه في الفنادق
صابر : اييه فكرة و الله و هذي الجامعة أسبوع و تبدأ الهم
قمر : هممم وقسم بالله امشي ارقد واضح من صوتك تعبان
صابر : اييه و الله هي تصبحي على خير
قمر : وانت من اهل الخير
.
.
نورية : ورود
ورود : نعم
نورية : عطيني حبوب رأس رأسي بيتفحر
ورود : نعصرلك ليم
نورية : لالا عطيني الحبوب بس
ورود : تفضلي ، استاحشت ..... استاحشت حسها في الحوش ااااه ياربي صبرني
نورية : معش اتصل ...
ورود : آخر مرة في تركيا قالي نبي بنتي وانه يردني
نورية : يا بنتي معاك حق تزعلي بس انتم تشتتوا على شان بنتك لازم اضحي
ورود : و الله عشان بنتي اندير اي حاجة خلي توا تهدأ الاوضاع بعدين ساهل
.
.
الجد : شنن درتت انااا اووووف هدمت حووش بكامله اناا شن جوزني بس شننن
(في الصبح الساعة 8) صابر :صباح الخير
كلهم : صباح النور
محمد : شن الاوضاع غادي
صابر : جدي روح و تلاقى هو و علي
بسمة : شن صار
صابر : ياريتني ماشفت شن صار (وحكالهم)
محمد : لا حول ولا قوة الا بالله
صالح : هي راه تأخرنا
بسمة : وين
صابر : بنمشوا اندوروا عمي علي
بسمة : ربي يحميكم ان شاء الله
( طلعوا يدوروا في الفنادق بس بلا جدوة ملقوشي )
صالح عبد الرزاق : شن الحل تواا
صالح محمد : استسلمت
صابر : وين بيمشي باااهي
صالح محمد : يمكن ساافر ؟؟
صالح عبد الرزاق : حيييي اذكرت
صابر: قوول
صالح عبد الرزاق : مرة جيته في الدار نهدرز عليه قالي انه شراء شقة في ....
صابر : مصح وجهك وهضا وين تذكر
صالح محمد : هيي نوضوا نمشوا
(ناضوا و مشوا )
صابر : اهي سيارته و اخييرا
صالح عبد الرزاق : هي نسألوا الحارس على رقم شقته
صابر : كنه ميسمعش
صالح محمد : بلكي راقد
علي : جيييت
صابر : واخييرا
علي : شن جيبكم
صالح محمد :نردوا يعني
صابر: وخر ترا بنخش رجليا خلاص
علي : امشوا روحوا
صالح محمد : غير اعبى
صابر : صالح عبد الرزاق تعال
صالح عبد الرزاق : ايوا
صابر : امشي جيب خوتك وصغار عمي خليفة و صالح تو يجيب خوتي عشان نغيروله جو ( مشى كل واحد بيجيب خوته و امقايلين لعلي انهم بيحيبوا فطور 😂)
رناد : عمووو
نور : هجووم
علي : عليك فطور
قمر : دلوعنا شقتك بيرفكت
علي : هضا من ذوقي
نوران : جعانة 😂
علي : الثلاجة فاضية 😌
ارين : عموو
علي : عيونه
ارين : انت حلوو و نحنا نحبووك معش تزعل 😢
علي : حي على الفصعونة طلع عندها لسان 😂 حاضر يا روح عمو
( قعدوا عند علي لعند المغرب بعدها روحوا و صابر مشى لحوش جده لقى ورود مقعمزة في الحديقة )
صابر: السلام عليكم
ورود : وعليكم السلام
صابر : ليش قاعدة هنا
ورود : الحوش غملي قلبي 💔
صابر : لان بنتك مش فيه ؟؟
ورود : 😱😱 كيف عرفت
صابر : مش مهم كيف عرفت لكن شن هي قصتك اعتبريني خوك او صديقك و فضفضي
ورود : قصتي .......
.
.
تفاعلوا عشان انزللكم قصة ورود و من بنتها ❤
#بيت_السعادة
أنت تقرأ
بيت السعادة ( روايات ليبية ) مكتملة
Юморرواية يتغلب عليها الطابع الكوميدي ولكن لا تخلى من التشويق و الغموض ، الرواية تحكي على أب و يعيشوا معاه اولاده و احفاده في نفس الحوش ، شن المواقف يلي حيواجهوهم و هل حيكون في النهاية بيت السعادة ام حينقلب لدعاسة ! #بيت_السعادة #بقلم_أبرار #rwayat_b...
