بيت السعادة 🏠❤5
(نزلوا كلهم لوطة )
نور محمد في المطبخ: ميري
ميري : نعم ماما
نور محمد: في حليب و تمر
ميري : يس ماما في
نور محمد: تمام حطي على عدد العيلة
.
.
الجد : بسم الله شن في حليب وتمر و اسود وحالتك حالة
نور محمد: ولدي مات
الجد : ربي يرحمه
عبد الرزاق : ههه في الجنة ان شاء الله
نور محمد : 😭😭😭 تضحكوا عليا
علي : 😂😂 تو بالله عليكم وحدة تيليفونها خرب تلبس اسود و توزع حليب وتمر 😂
صالح محمد: ربي مايبلينا
صالح عبد الرزاق : 😂😂 الحمد الله على نعمة العقل اهو تيلي 😲😱 وينه
ارين عبد الرزاق: هو مش نظيف انديرله دوش
نور محمد : سلمها بنت عمي النظيفة منوصيكش
صالح عبد الرزاق: جيبيه و الله جربي تحطيه في مية قتل يا فرخة روان
(صالح لحق على فونه في آخر لحظة 😂)
ريناد محمد : ميري
ميري : نعم
ريناد محمد: انت كويس ولا
ميري : ايه
ريناد محمد: و انت طيب وااجد
ميري : شكرا 😍
ريناد محمد : نبيك تمشي لاحمد و مجد افتحي عليهم الصالة لان انا سكرت عليهم وهما من بكري يخبطوا
ميري : روح انت افتح
رناد محمد : لو مشيت حيضربوني 😭
ميري : كلاص انا افتح
رناد محمد: شكككرا
مجد عبد الرزاق: توووو اتشوف رناد الكلبة
احمد محمد : اهي جت ميري بتفتح
ميري : انت ايش في
مجد عبد الرزاق : وين رناد
ميري : انا مايعرف
.
.
الجد : هي نوضوا كل واحد يرقد .
احمد محمد : ماما
بسمة : نعم
احمد محمد : اتفقنا انا و مجد و صالح ولد عمي خليفة بنباتوا مع بعضنا
بسمة : لا
الجد : خليهم يابنتي امشي ارقدوا في الدار الزايدة (عندهم في الحوش دار كان جاهم ضيف يرقدوا فيها ) .
بسمة : خلاص امشي
احمد محمد : شكككرا يا احلى جد
نورية : و جدة ؟😏
احمد محمد : و جدة في العالم 😘
(ركب كل واحد لجناحه )
جناح عبد الرزاق🏠 اروة : رقدتي قمر
قمر : لا مجانيش النوم
مروة : حتى انا 😭
قمر : تعرفوا خايفة
اروة : من شنو
قمر : ليا فترة نحلم بحلم شين بكل لكن نهايته كانت حلوة
مروة : شن هو
قمر : بنمشي نرقد مع ورود
اروة : وجك
مروة : احسن عشان توسع الدار
.
.
ورود : من
قمر :انا
ورود : خشي
قمر : عادي نرقد معاك
ورود : تعالي
.
.
(في جناح خليفة )
اكرام : اووووف مكسدة بروحي احسن شيء نمشي نحضر فيلم لالا ناكل تي لا اممم
سمر : هيي سامي اكرام هبلت
سامي : ايه تتكلم بروحها
سمر : شن انديروا
سامي : شيء خليها تكمل حي حي اهي ناضت بسرعة امشي .
اكرام: و الله مافي احلى من ورود نكسد عندها .
.
.
ورود : من
اكرام: انا
ورود : خشي
اكرام: حي قمر هنا
ورود : شن فيك
اكرام: كسدت ومش جايني النوم قلت انجيك نهدرز عليك
ورود : تعالي .
(في جناح محمد )
بلقيس: نور
نور : ها
بلقيس : وين نوران
نور : تلعب في كارطة مع صالح و صابر
بلقيس : شن رأيك نلعبوا معاهم 😍
نور : نووضي ديري ببكورن و جيبي تشيبس وتعالي
بلقيس : هيي ثواني
(ناضت بلقيس دارت ببكورن و نور مشتلهم )
نور : سلاااام
صالح : بالشوية الناس راقدة وين تحسابي روحك
نور : في تركيا
صابر : خيرك جيتي
نور : اسسع هيك بدي العب وبلقيس بتجيبلكم حاجات وجاية حتى هي
نوران : قلتلك من الاول تعالي بس انتي مضروبة
نور : اسمعوا بنلعبوا ويلي يفوز يشرط على الخاسر
صلاح : هه كان فزتي 😂
صابر : موافق
نوران: تم
نور : تم نراجوا بلقيس
بلقيس : جيتكم
نور : درنا شروط يلي فايز يشرط على الخاسر
بلقيس : اووك
نور :هي بسم الله
(اول شوط فازت نور )
نور : اووووه هي عمي صالح
صالح : 😏 شنو
نور : تمشي تنوض بابا قوله نبي نخطب
صالح : مصحح وجك
نور : مش قدها
صالح :قدها ونص اهو ماشي
(مشى طقطق على دار النوم طلعتله امه )
بسمة : بسم الله خيرك
صالح : نبي بوي
بسمة : بوك الساعة 1 شن فيك
صالح : غير كلميه
محمد : خيرك
صالح : نبي نخطب
محمد : امشي سلم ولدي شكلك كنت تحلم
.
.
نور : 😂😂😂 ووه منظرك فضيع
صالح : بنردها ليك متفرحيش
نور : باه 😌 .
(في جناح عبد الرزاق )
صالح : كسااد زعمك نرن على وحدة نكسد عليها 😂 لالا خلاص بنتوب اممم احسن شيء نمشي لعلي اكيد مكسد 😍😂
.
.
علي : خش
صالح عبد الرزاق: مرحب
علي : خير 😪
صالح عبد الرزاق: خير خير جيت بنكسد معاك
علي : وتيت شنطتك
صالح عبد الرزاق : 😂😂 ايه من العشية واتية
علي : بيفضى الحوش و بنكسد
صالح عبد الرزاق : خود اجازة
علي : منقدرش الناس عاطيهم موعد
صالح عبد الرزاق : شن بتخطب ؟😍😂
علي : تفكيرك مسخ 😂😂 حط فيلم وسكر فمك
.
.
صالح الجد : نورية رقدتي
نورية : لا و الله
صالح الجد: تذكري لما جبتي محمد كان احلى يوم عندي ولا يوم عرسه
نورية : ولما جت ورود كيف فرحنا
صالح الجد : و كبرت عائلتنا وصرنا جدود ل 17 حفيد
نورية : اللمة تنسي الهموم تعرف احفادنا كل واحد وعنده مشكلة بس يمشي في روحه ويضحك
صالح الجد : ونور هالبنت عمرها 16 ومفكرتش تعقل 😂 بس تعرفي لما نسافر عشان الشغل نفقد هضا كله شطانتهم
نورية : هههههه عشان تعرف بس انه بيت السعادة وان شاء الله ديما معمور .
_________________
يأتي الليل حامل احزان النهار و تبدأ عقولنا و قلوبنا الحرب وفي الاخر ندع الحرب قائمة و ننام
#كتاباتي
________________
أنت تقرأ
بيت السعادة ( روايات ليبية ) مكتملة
Humorرواية يتغلب عليها الطابع الكوميدي ولكن لا تخلى من التشويق و الغموض ، الرواية تحكي على أب و يعيشوا معاه اولاده و احفاده في نفس الحوش ، شن المواقف يلي حيواجهوهم و هل حيكون في النهاية بيت السعادة ام حينقلب لدعاسة ! #بيت_السعادة #بقلم_أبرار #rwayat_b...
