بيت السعادة ( روايات ليبية ) مكتملة

البارت 12

بيت السعادة 🏠❤ 12
ورود : قصتي بدت لما كان عمري 19 كنت نقرأ في كلية الفنون هدكي السنة في يوم جيت متأخرة
:
ورود وهي تبكي :  حي علياا تأخرت
...: عليش تبكي
ورود : تأخرت على الامتحان
....: صاحبي الدكتور نوضي
___________
نضت ومسحت دموعي و فعلا كلم الدكتور و خشيت و درت الامتحان بعد طلعت لقيته قالي
___________
.....: شن يا بكايا حليتي
ورود : هههه حليت و شكرا لانك ساعدتني بس انت من ؟؟!
اسامة : انا ولد عمك
ورود : تكذب صح انا معنديش عمام
اسامة : هاك بطاقتي الشخصية اقريها
_____________
فعلا قريتها و طلع ولد عمي تفاجأة لان بوي ماعمره جابلنا سيرة ان عندنا عمام طلب مني ان منجيبش سيرة لحد اني عرفت قعدنا على علاقة سنة كاملة بعدها قالي ان بيجي بيخطبني جاء بس مع الاسف بوي رفض بعد أسبوع قلت لامي لو متجوزتاش حنهرب معاه طبعا امي خافت كأي ام تخاف على بنتها مشت كلمت خوتي لهم عمامك وقالتلهم ان هم ولي امرها عادي تجوز قالوا لبوي ان طلعتلي منحة دراسية و بيمشي معاي عمك عبد الرزاق فعلا تجوزت اسامة كنت نحسابه صح يحبني طلعنا لمالطا بعد شهر طلعت حامل مبيتش انقول لاسامة اني حامل  خفت بعدين قلت بعد انجيب نحط بوي في امر الواقع
في يوم كنت فيه راقدة نضت من نومي نسمع في اسامة يتكلم
اسامة : حندفعه ثمن يلي داره فينا وآهي بنته الوحيدة مرتي و هو ميندريش نبيك غضوة تمشي اتقوليله
ورود : و الله لو حد منكم يمشيله يا اسامة تحلم بعدها اتشوف بنتك او ولدك  ونحرمك من الابوة
اسامة : من قالك نبيها اصلا
_____
صدمني وقتها منسحاباش بهالقسوة اهيا والبنت خافت ممشتش لبوي وان اتصلت بعبد الرزاق وقلتله يلي صار وانا معش نبي منهه شيء جاني عبد الرزاق ثاني يوم و اسامة كان واصل ليبيا وانا قاعدة في مالطا ______________

عبد الرزاق : هو حل واحد
ورود : شن
عبد الرزاق: حتى هناء حامل انجيبها هنا قبل الولادة بشهرين و تعطيها بنتك على اساس توأم
ورود : و الصغار
عبد الرزاق : امي و صبايا خوتي كلهن قاعدات
________________
جت هناء بس خسرت البيبي في الشهر السادس  و ولدت و جبت بنوتة سميتها ارين ايه ارين هي بنتي حاولت نستغل فرصة ان عايشة معاي و نعطيها من حناني شوي و اسامة معش سمعت عليه شيء
صابر : ارين هي بنتك صح
ورود : اييه
صابر : وعد مني حتردلك و حتجيك و اتقولك ماما
ورود : هه
صابر : وعد ، باه ليش جدي رفض ؟!
ورود : لان قبل لا يتوفى جدي عمي تجوز وحدة تونسية بالسيف على جدي و جدي غضب عليه لما توفى جدي كان عنده حوش كبير و محل كله كتبه بإسم بوي و عمي معنداش اي حاجة و بعدين صارت مشاكل بينهم .
صابر : باهي نوضي ارتاحي انا بنروح
ورود : صابر خليه سر
صابر : ولا يهمك
(روح صابر من عمته و هو يفكر هل هو نفسه الولد يلي هدد جده هضك اليوم ؟)
مر اسبوع غريب على الكل و جت المدرسة و الجامعة كل واحد يفكر شن بيصير معاه في السنة هذي .
نور : زعمك كم نحصل ضربة خلال هالسنة 😂
نوران : زعمك نقدر انجيب تقدير كويس 😢
بلقيس : كم بنجمع فلوس في الاسبووع 🙆
صالح محمد : زعمك نصفي موادي
صابر : انضر نقدر نتوفق بين هالمشاكل
(ويقطع عليهم صوت امهم )
بسمة : هيااااا وقت
قمر : يارب نتغلب على خوفي
اروة : وهذي آخر سنة ثانوي بنشد روحي و بنقرأ
مروة : يارب ابلة الرياضيات ساهلة 😭
هناء : يابنااات هيا طولتن
( مشوا كلهم لمدارسهم و جامعاتهم و صغار العم تلاقوا في المدرسة لان يقروا في مدرسة وحدة )
مروة : استاااحشتك يا كلبة
بلقيس : حتتتى انا و الله
نور : شنجك اروة
اروة : ماشي الحال وانتي
نور : كيف ما اتشوفي مفيش حماس مجد : بالله من عنده حماس غير ارين 😂
نوران : لان اول سنة بس 😂
(في جامعة اكرام )
احمد في سره : واخيرا جييتي اووف يا احمد تي شن بنت شفتها يوم راه
اكرام : قلبي ليش يطق هك بسرعة امشي و متشوفيش
( خشت القاعة تراجي في الدكتور طول ما جاء )
اكرام : هذي اولها كرهته قبل ما انشوفه
شوي ويخش الدكتور و يطلع .......
احمد : انا معيد هنا و حنقريكم ( وضحك ضحكة على جنب لاكرام )
اكرام : كممملت عليك هم
احمد : انت يا طالبة قلتي حاجة (ويأشر على اكرام )
اكرام: لا 😡
.(فاتن 3 شهور و الوضع زي ماهو و اعجاب احمد باكرام يزيد )
في حوش عيسى :
اسامة : نبي نردها نبي بنتي
عيسى : اصبر تو نلقولك حل
رتاج : كله منك خبز يدينك على قولت الخليج
ملاك : اسكتي حي عليك
اسامة : بنمشي لعمي
عيسى : مربوحة
احمد : بنجي معاك
.
.
قمر : الو اكرام
اكرام : يا هلا
قمر : قررنا نحنا الاحفاد بنمشوا لحوش العيلة بس متقوليش لامك و بوك تو يجيكم صابر يشيلكم قوليلهم ماشيين لحوش عمي علي
اكرام: اللله استاااحشته الحووووش و الله 😢 تمام هي نتلاقوا
.
.
تتوقعوا كيف حتكون صدمة الجد و احمد و الاحفاد ؟
الي اللقاء غدا في آخر حلقة من #بيت_السعادة