بيت السعادة 🏠❤ 4 الجد : نعم شن تبي
اسامة (ولد اخ صالح الجد) : نبي حق بوي يلي خديته
الجد : حق بوك مش عندي ويلي عندي هضا كله انا يلي درته وهي انسى عنوان حوشي فاهم
اسامة : ربي يذوقك يلي ذقناه ( اسامة اكبر واحد في خوته عمره 27 وبوه عنده مرض القلب وصالح معنداش خوت الا خوه اهوا عيسى )
(قبل ربع ساعة )
في جناح محمد 🏠
صالح محمد : صابر
صابر محمد : هاا
صالح محمد : وتيت شنطتك
صابر محمد : مزال
صالح محمد : شن ادير
صابر محمد : شيء بننزل لجدي بنهدرز معاه
صالح محمد : اقلب ربي يثبت عليك ان شاء الله .
(خلي انردوا توا )
.
.
الجد : صابر 😲 ش ش شن ادير هنا
صابر محمد : شيء توا جيت اندور فيك ( ميبيش يقوله انه سمع )
الجد : شن تبي
صابر محمد: شيء مكسد قلت نهدرز عليك
الجد : باهي انقول ل ميري ادير شاهي باللوز واتجيبه للحديقة
صابر محمد : تمام
الجد : نحس فيك مش على بعضك
صابر محمد : خايف انقولك ( الجد هنا خاف )
الجد : تي شن تخاف انا جدك عادي قول
صابر محمد : نبي نكمل قرايتي برا بس بوي رافض الفكرة
الجد : اقرأ البكالوريس هنا و الماستر و الدكتوراء برا
( قعدوا الجد و صابر يهدرزوا )
خلي نعرفكم على عائلة عيسى 👪 (عنده بنتين و ولدين)
عيسى الاب : يا ملاك
ملاك بنته الكبيرة عمرها 23 : نعم بوي
عيسى : جيبيلي الدواء
اسامة : السلام عليكم
كلهم : عليكم السلام
فاطمة الام : وين كنت
اسامة : في الشغل
رتاج بنته الصغيرة عمرها 19 : ماما شن اندير الغداء مفيش خضرة
اسامة : احمد وين خليه يجيبلكم خضرة
رتاج : يعني تعرفش خوك نوم بس لما تكلمه يقولك معنديش ما اندير
احمد ولده الثاني عمره 22 : سمعت اسمي
اسامة : امشي جيب خضرة محترمة
احمد : عطيني المفاتيح
اسامة : هاك و متطولش
(انردوا لحوش الجد )
في جناح خلفية 🏠
اكرام : ماما
امها : شن
اكرام : وتيت شنطتي بننزل لعمتي
امها : انزلي
سامي : ماما
امه: ها
سامي : بنشيل هذي معاي ⚽
امه: تشيل عينك اشري غادي
سمر : ماما
امها : شن انتي الثانية
سمر : بنمشي بنلعب مع رناد
امها : امشي
(عند ورود )
ورود : اها بنمشي بكرا لتركيا ليش اه ههههههه لالا خلاص سكر الباب يطق ، من
اكرام خليفة : انا
ورود : خشي
اكرام خليفة : فاضية
ورود : كيف ما اتشوفي قدامك الدار مقلوبة خيرك
اكرام خليفة : شيء
ورود : لا فيك شيء بس متبيش اتقولي واضح من وجهك راه
اكرام خليفة: 😭😭😭
ورود : خيرك بسم الله
اكرام خليفة: نحبه و منقدرش نقعد بلاه دقيقة
ورود : من حي علمك
اكرام خليفة: لما انشوفه نضحك معنى ميتكلمش 😭😭
ورود : وشن صارله
اكرام خليفة: 😭😭 راح معش لقيته
ورود : من ؟
اكرام خليفة: قلمي الكبير 😭😭😭😭
ورود : 😱😱 البكاء هضا كله عشان قلم يا تافها رقدتيلي عظامي
اكرام خليفة : 😂😂 خلاص آسفة
ورود عزقت عليها المخدة : نوضي اقلبي وجهك 😡
قمر عبد الرزاق : سلام
اكرام، ورود: وعليكم السلام .
قمر عبد الرزاق: صوتكم عالي شن في ؟؟
ورود : الاخت تبكي و امدايرة عزاء عشان قلمها الكبير
قمر عبد الرزاق : يلي فيه ازرق
اكرام خليفة : ايه
قمر عبد الرزاق : يلي من فوق اصفر
اكرام خليفة : 😲 ايه
قمر عبد الرزاق : يلي محايته صفرا
اكرام خليفة : وينه
قمر عبد الرزاق : 😂😂😂 امبكري خوتك سمر و سامي يلعبوا في مدرسة واخدينه
اكرام خليفة : وااااككك ياربي صبرني منرتكبش فيهم جريمة
ورود تعايب : ياربي صبرني منرتكبش فيهم جريمة
اكرام خليفة : 😂😂 flowers
(في جناح محمد )
نور : ااااه ياكبيدتي رحت وخليتني ياوليدي لييش
نوران: سلام قول من ربي الرحيم شن فيك
نور : ريييييناد قتلت وللللدي (وعلى فوتت بسمة اممهم وتسمع ولدي )
نوران : اي ولد طيح سعدك 😱😱
نور : اااه ولدي يلي معنديش غيييره مشى وخلاني
نوران خافت تحساب اختها انجنت : خلاص اسكتي من عصافير الجنة ان شاء الله 😂
نور : تتسهوكي ان شاء الله تلقيها في ولدك
نوران : ايااه علينا نور شن صارلك
نور:خشيت اندوش طلعت لقيت ريناد مغرقه ولدي في الطاسة دروحه ادوشله
نوران: ولد و طاسة
(خشت بسمة معش تحملت وشدتها من ودنها )
بسمة : قولي خير مانقددك ونخليك تلحقي ولدك ، قوولي من ولدك
نور : الفون نحكي على الفون قسم بالله 😭😭 (بسمة معش عرفت ضربتها و لا تضحك طلقتها ومشت )
نوران :انتي ناقصة عقل رسمي بدون نقاش 😡
.
.
بسمة : هههه و الله حالة محمد : شن في
بسمة :بنتك تنوح من الصبح ولدي و ولدي و في الاخير طلعت الست رناد مدوشه ل تيليفون نور و خرب
محمد : 😂😂😂😂😂 وووه عليك جيل
#يتبع
#بيت_السعادة
أنت تقرأ
بيت السعادة ( روايات ليبية ) مكتملة
Mizahرواية يتغلب عليها الطابع الكوميدي ولكن لا تخلى من التشويق و الغموض ، الرواية تحكي على أب و يعيشوا معاه اولاده و احفاده في نفس الحوش ، شن المواقف يلي حيواجهوهم و هل حيكون في النهاية بيت السعادة ام حينقلب لدعاسة ! #بيت_السعادة #بقلم_أبرار #rwayat_b...
