بيت السعادة 🏠❤10
في الصبح كل واحد ناض و معنداش خلوق للثاني قعمزوا على فطور كل واحد يشوف للثاني و ساكت بدون اي حركة :
ميري : ماما هادي ورقة كان قدام الباب
نورية : هاتيها واضح عليها مهمة
(فتحت نورية الورقة ولقت)
انا مرت صالح الثانية اسمي نورهان بنية صغيرة عمري 23 سنة بوي جوزني لصالح عشان فلوسه وحاليا انا في تركيا مع خوي مش عارفة امتى توصلك الرسالة بس نبي منك حاجة وحدة تساعديني و نتطلق من صالح و هضا رقم اختي لو تبي توصليلي اتصلي بيها و تعطيك الرقم 0927.... نورية : مستحيل يلي قاعدة نقرأ فييه مستحيل
محمد : خيرك يا امي شن في
نورية : بوووكم انت وياه متجوز وحدة عمر احفاده ومش متحشم على رووحه في شن قصرت معاه انا فييي شننن
خليفة : عطيني الورقة
علي : اقراها بصوت عالي
(قرأ خليفة الرسالة )
علي : مسسسسستحيل 😱😱😱
نورية: شن يلي مستحيل دارها و تجوز
علي : تصدقوا البنتتت اهيا حبيبتي
كلهم : 😲😲
علي : متستغربوش ايه حبيبتي البنت الوحيدة يلي حبها قلبي لمدة 3 سنوات تخايلوا قبل أربعة شهور كلمتي وهي تبكي قالتلي في واحد عمر بوي خطبني و بوي وافق قلتلها ارفضي انتي لياا قالتلي رضا الوالدين اهم وسكرت و من يومها حالتي حاالة وفي الاخيير يطلع الافندي متجوزززها
عبد الرزاق : اهدى يا علي مرات مش هي
علي : تي ماااه معاااك الحق اتقولي اهدى لان البنت يلي حبيتها اهي مرتك و ام صغارك اهو رقم اختها عنندي كنت نكلم في اختها نطمن عليها تي خزززي (حشاكم )على الدنيا يلي هكككي تي من وين بنلقاها ولا من وين بالله ( ناض و طلع و مش عارف وين يمشي الدنيا مسكرة عليه )
نورية : درررتها بيدك يا صالح
محمد : و الله معاد قاعدها في الحوش
نورية : اركح وين بتمشي انت الثاني
محمد : نأجر مكان لين نلقى حوش للبيع
وانتي يا امي كان بتجي نحطوك فوق رؤوسنا
نورية : حوشي مش طالعة منه
خليفة : انا بنطلع وخلي المراهق يعيش فيه
عبد الرزاق : بالله يلي بيقعد بعد يجي يقوله يرحم هالبنية و يرحم ولده على الاقل
نوران وهي تبكي : يلي خفففت منه صاار
نوور : اسكتي و نوضي وتي دبشك
صابر : بنقعد مع جدتي و عمتي
ورود و دموعها على خدها : بالله عليكم متطلعوش بلكي تطلع كذب
محمد : كذب ولااا امي اتصلي بأختها و قوليلها تصر على بوي يجيبها ل ليبيا وشوفي ردها
نورية : مييري هااتي التيليفون
ميري : تفضلي ماما
نورية : اهو يرن ، الو
نجود ( اخت نورهان) : الو من معاي
نورية : انا مرت صالح
نجود : وصلاتك رسالة نورهان (كاينة فاتحة على السبيكر و الكل يسمع محمد اشر لصغاره بمعنى نوضوا بنطلعوا )
نورية : ايه يا بنتي بنسألك سؤال
نجود : تفضلي يا عمتي
نورية : اختك كاينة تحب واحد اسمه علي ؟؟
نجود : اييه كيف عرفتي
نورية : شن يشتغل
نجود : يشتغل في عيادة خاصة
نورية حطت يدها على جبهتها : يابنتي قولي لاختك تصر على صلاح يجيبها ل ليبيا و بعدين خلي الموضوع عليا
نجود : ان شاء الله حاضر
(سكرت نورية على نجود و التفتت لصغارها وقالت) : هضا هو الراجل يا بنياتي عمره ما يكتفي باللي عنده ردن بالكن تطيحن في نفس فخ نورهان وانتم يا ولادي ردوا بالكم على بناتكم راه الفلوس وسخ دنيا توا شن استفاد بوها بنته صغيرة يناري محتاجة لحنانه هكي يدير فيها .
عبد الرزاق: بناتي ضيء عيوني ولا يمكن في يوم ان اندير فيهن هكي هي ياصغاري لموا دبشكم
خليفة : هنا رأس بنيتين حتى لو قعدن نحطهن فوق رأسي ولا يمكن نعطيهن لراجل كبير هي نوضوا وتوا رواحكم .
( طلعوا كلهم من حوش العيلة يلي ياما صاير فيه و عاشوا فيه احلى ايام عمرهم بس غلطة الشاطر ب100 )
علي : نجوود نجود : نعم
علي : حلفتك بالله نورهان متجوزة واحد اسمه صالح ...
نجود : بسم الله كيف عرفت
علي : لاااااانه بووي لااانه بوووي (وسكر)
لاااانه بوووي (قعد يخبط على الدومان) ااااااه يااربي
(في تركيا)
نورهان: صالح
صالح : نعم
نورهان : نبي نروح معاك
صالح : وين ؟؟
نورهان : ليبيا استاحشت هلي و عيلتي ليااا وين عليهم بالله عليك 😢
صالح : خلاص تو نحجزلك انتي وخوك
نورهان : 😍 ربي مايحرمني منك (وفي سرها : ربي يرحمك الراحة يا صالح كيف ما حرمتني منها )
صالح : هي قريب وقت الطيارة توصي على حاجة ؟؟
نورهان : سلامتك ❤
.
.
(في ليبيا)
نورية : الحوش يلي ضيه ما يطفى و طفأ و يلي مايخلى من الضحكة و خلى و يلي صوت الصغار و لعبهم مغطيه اختفى و المشاكل يلي يحلوهن في ساعة قعدن و نور يلي مقالبها ميبطلنش و ضحكتها متفارقهاش و بكت شن مزال بصير شننن ؟.
وروود : ااااه على قلب الام لما صغارها يبعدوا عنها .
نورية : بوك اليوم مروح و تلقيه توا في الطيارة خليه يجي نشوف آخرتها معاه
ورود : حي صوت الباب
(ناضن نورية و ورود و صابر كاين مقعمز في الصالة )
نورية : عليي يا ولدي شغلتني عليك
ورود : خيره دبشك هكي
علي : جاي بناخد دبشي و بنطلع صابر منوصيكش عليهم
صابر : كون هاني
(ركب علي ياخد في دبشه و نورية و ورود قعمزوا في الصالة مع صابر )
نورية : يااارب احفظهم ياربي احميهم (وفجأة الباب انفتح )
الجد : بسم الله خيركم
(كلهم وقفوا قعدوا يشوفوا لبعضهم )
الجد : انا نتكلم خييركم !!!
(وهنا على جيت علي بشنطته )
الجد : علي ويين طالع
(علي التفت لبوه وقال )
......
كيف حتكون المواجهة بين الاب و ولده ؟؟
#بيت_السعادة
أنت تقرأ
بيت السعادة ( روايات ليبية ) مكتملة
Humorرواية يتغلب عليها الطابع الكوميدي ولكن لا تخلى من التشويق و الغموض ، الرواية تحكي على أب و يعيشوا معاه اولاده و احفاده في نفس الحوش ، شن المواقف يلي حيواجهوهم و هل حيكون في النهاية بيت السعادة ام حينقلب لدعاسة ! #بيت_السعادة #بقلم_أبرار #rwayat_b...
