بيت السعادة 🏠❤ 8
الجد : ميري انزلقت وهي تسيق و جبسولها رجلها توا اتصل بيا علي وخبرني
نورية : 😱😱 لا حول ولا قوة الا بالله يناري على هالمسكينة
خليفة : و شن بيديرلها ؟؟
الجد : قلتله خليها في المستشفى لين نروحوا
نورية : احسن مادرت و الله .
نوران : جدو
الجد : نعم
نوران : نبي نمشي معاك انا غضوة
الجد : معش شايل حد
نوران : تمام نور في الزايد 😔😒
الجد : خلاص و درتيلي قضية
نور : حتى انا نبي نمشي
الجد : هني روحك 😡
نور : تمام 😢 ( وجت بتنوض )
الجد : باااهي امشي
نوور : احلى جد في العالم
( روحوا للفندق و كل واحد يفكر في حاجة شاغلة باله )
نور في بالها : لامتى يا نور بتقعدي هكي اضحكي فيهم و جوا في حاجة مش قادرة اتقوليها ؟؟
نوران : اااه يا نوران لامتى خوفك ان العيلة تتشتت مسيطر عليك
قمر : ياااربي كيف بنتحمل السر يلي لو عرفوه عمامي و جدي حتتهدم العيلة
اكرام : هالصدفة لوين تبي توصل بينا ؟؟
صابر : من الولد هضكي وليش يهدد في جدي ؟؟
صالح محمد : جدي ليش دااار هكي لييش يبي يهدم العيلة يااااربي ساعدني يارب
ورود : لامتى يا ورود بتقعدي اتشوفي في بنتك قدام عيونك و مش قادرة تمسيهااا لامتى .
( سلموا امرهم لربي و كل واحد عنده سر خافيه عشان متنهدمش العيلة )
(في الصبح)
نور : حي حي نوران نوضي اكيد جدي يراجي فينا
نوران : 😱 وقت الساعة 9 هييي
بسمة : من بكري انوض فيكن و انت شيء
رناد : ماما
بسمة : نعم
رناد : بننزل للحوض انا و احمد
بسمة : بنطلعوا للمول خليه بعدين الحوض
محمد : وين نور و نوران بوي يراجي فيهن
نور : نازلة وتيت
نوران : حتى انا هي
.
.
الجد : و الله قريب مشيت و خليتكن
نور : خدتنا نومة شن انديروا ؟؟
نوران: معلش جدو حقك علينا
الجد : حصل خير
.
.
صابر : صالح صالح محمد: ايوا
صابر : صرفت فلوس
صالح محمد : ايه وانت
صابر : مزال وين صرفتهم
صالح محمد : لوطة تلقى زي المكتب الصغير غادي صرفت
صابر : تمام
.
.
ورود : امي بننزل للريسبشن
نورية : من يلي من بكري يتصل بيك من صبح ربي مبطلش رن
ورود و لون وجهها تغير : هضا ا المشغل يسألوا عن شوية حاجات
نورية : تمام
.
.
ورود : هااا شن تبي
....: نبي بنتي
ورود : نعم على اي بنت تتكلم اه قصدك بنتك يلي متبيش تعترف بيها ولا امها يلي استغليتها بوي مكانش موافق و تجوزتك وفي الاخير ادير فيا هكي خليتني انشوف بنتي قدامي اتقول لوحدة ثانية امي ولا نقدر نتكلم
.....: انا اعترفت بغلطتي ونبي نردوا انا وانتي و بنتنا و نعيشوا حياتنا
ورود : انسى ( وسكرت صابر شافها جاي بيجيها لما سمع كلمة بنتي وقف )
صابر في سره : 😱😱😱 بنتها و قدامها مننن يا عمتي مننن ياربي كل مرة نكتشف حاجة تهد الحيل (وخر ومشى رد للجناح الفندق )
صالح محمد : صرفت ؟؟ هيي صابر طرش
صابر : نعم هاااا
صالح محمد : خيرك بسم الله شن صارلك
صابر : صالح فوتني بالله عليك
صالح عبد الرزاق : خيركم بسم الله
(في الشركة )
نور : اسمعي
نوران : شن
نور : نبوا اندوخوهم باهي 😂 انديروا كأن يتخايلوا في حد ثاني
نوران : تمم
الموظف : 😲 سلام قول من ربي الرحيم انتن اثنين ولا انا نتخايل
نور: 😲 بسم الله اثنين شن انا وحدة شكلك مش فاطر
الموظف : بلكي 😅
نور : الهى في شغلك
(ومشت وقعدت نوران )
نوران : انا خيالها رد باالك مزال اتقول لحد انك شفتني 😡 فااهم
الموظف : فاهم فاهم
.
.
نور : 😂😂😂 مات يناري
نوران : سخفني 😂😂😂 هي وين هذك الصفراء السورية
نور : تعاالي 😂
السكرتيرة : انت الست نور
نور : ايه
السكرتيرة : طيب مين هاي يلي معك
نور : 😳 فيش حد معاي السكرتيرة : 😱😱 انا عم بتخيل ؟؟
نور : ولا راكبك جني لازم تمشي للشيخ حي عليك 😂
السكرتيرة : اعوذ بالله تفي من تمك ست نور
الجد : هي نور ونوران
السكرتيرة : نوران 😡
نور : هي جدو بسرعة قالوا يراجوا فينا 😅
(نوران تلفتت للسكرتيرة و قالتلها )
نوران : اششش ولا حرف يا شاطرة
السكرتيرة : بأمرك
.
.
صابر : مفيش غير سامي وسمر وارين و رناد اووووف من زعمة يكون راجلها .
رناد : صابر
صابر : نعم
رناد : بكرا شنن
صابر : الاربعاء
رناد : لاا قصدي التاريخ .
صابر : اوووو عيد ميلادك رناد : 😍😍😌 ايه
صابر : تعالي نشريلك هديتك
ورود : ههههه حتى انا جاية بنشريلها
صابر : غريبة اذكرتي
ورود : ههه كيف ننسى
صابر : ايه معاك حق كيف تنسي عيد ميلاد ...
.
تتوقعوا صابر بيقوللها ؟!
و من حتكون بنت ورود وشن قصتها ؟؟
#بيت_السعادة
أنت تقرأ
بيت السعادة ( روايات ليبية ) مكتملة
Humorرواية يتغلب عليها الطابع الكوميدي ولكن لا تخلى من التشويق و الغموض ، الرواية تحكي على أب و يعيشوا معاه اولاده و احفاده في نفس الحوش ، شن المواقف يلي حيواجهوهم و هل حيكون في النهاية بيت السعادة ام حينقلب لدعاسة ! #بيت_السعادة #بقلم_أبرار #rwayat_b...
