بيت السعادة ( روايات ليبية ) مكتملة

البارت 7

بيت السعادة 🏠 7
نور : هييي 😲😲
نوران : خيرك بسم الله
نور : نسيت جاكتي في الطيارة
بسمة : سلمك لامك يا مهملة
نورية : باهي يلي انتي جيتي
قمر : اووف تعبت امتى بنوصلوا للفندق 😪
اكرام : بنرقد رقدت اهل الكهف
صالح خليفة : قاللكم جدي تعالوا وصلن السيارات
ورود : واخيرا
( وصلوا للفندق و حجزوا للاولاد الكبار بروحهم و الباقين كل واحد وعيلته )
الساعة 7 الصبح 💙
صابر : تي نوضوا
صالح عبد الرزاق : تي اسكت يا راجل خلي الواحد يحلم
صالح محمد : نفختها راه انزل افطر الهم
صابر : وجوهكم مش وجوه تركيا (ونزل )
.
.
قمر خليفة : اروة مرروة نوضن
اروة : قمر حبيبتي اخطيني خير ما تجيك فوق رأسك
قمر : اوووف تي كسدت ا حسن شيء ننزل لحوض السباحة 😍 (لبست جاكة و وشاح و نزلت )
صابر : اه يا كبدي كان نعرف بس نحكي تركي راه ملخبط وحدة 😲 هذي قمر هيي قمر
قمر : بسم الله شن ادير هنا
قمر : انت يلي شن ادير انا شبعت نوم قلت ننزل لحوض السباحة
صابر : حتى انا الحمير(حشاكم) يلي فوق راقدين لاحياة لمن تنادي
قمر : نبي نفطر وين البوفيه
صابر : معرفتش مكانه و هذي يلي في الريسبشن معرفتش نتكلم معاها
قمر : خلي انجرب حظي
صابر : هي تفضلي
قمر : كيف بنتفاهم توا
الموظفة : هل انتي عربية ؟؟
صابر : 😲😲 طلعت تعرف عربي غبر فيااا وانا طايح ونتغزل من صبح ربي
قمر : سكر فمك خلي نتكلم معاها ، نعم نحن عرب والان نريد مكان الافطار
الموظفة : الافطار الساعة 8 وليس الان
صابر : احلفي لا بالله عليك و الله حالة هي نعرف من بعد صلاة الفجر الفطور
قمر : وااكك ياربي اسكت تو نمشوا للمحل في واحد قريب
صابر : عطيني شيك سيدة قمر
قمر : 😅🐠مافي فلوس انت ؟!
صابر : فلوس مال انا بح
قمر : خلاص نمشي  للحوض لعند ربي يفرج بتجي باهي 
بتقعد باهي 😌
صابر : جاي ماعندي ما اندير بروحي
(مشوا للحوض لقوه فاضي )
قمر : الله يهبل
صابر : خلي نتكى على الكرسي و كان رقدت نوضيني لما تجي 8
قمر : هي هي مش ميري عندك انا
صابر : شن خاسرة انتي توا ؟؟
قمر : خاسرة طاقة اكيد لما بنوضك اكيد بنتكلم و كان منضتش بنحركك ولا ؟؟
صابر : ايه عندك الحق 😒 .
قمر : اكيد معاي حق 🙋
صابر : قمر
قمر : ايوا
صابر : تذكري لما كان عمرك 10 كنتي من ابسط شيء تبكي و كنت انا وصالح خوي نحبوا انابشوك
قمر،: ههههههه واتقولولي هلك مشوا عنك معش يبوك
صابر : ههههههه و كانوا نور و نوران صغار نور تشد في خشم بلقيس لما كانت بيبي
قمر : من صغرها شيطانة نور ههههههه و عندنا صالح خليفة اهدى واحد في الاحفاد
صابر : و الله صح متسمعيلاش حس
قمر : حي الساعة 8 نوض
(ناضوا قمر و صابر مشوا لمكان الفطور لقوا العيلة كلهم غادي )
نور بالصوت الواطي : شكله في عرس قريب في العيلة
اكرام : حي حي نبوا الحمصة
اروة : كان تسمعكم اس
الجد : وين كنتوا ؟؟
قمر : كنا مقعمزين يالا الحوض لان قالوا الفطور 8
صالح محمد نخص صابر وقاله:  شن حكيتوا 😋
صابر : تفكيرك وسخ
الجد : انا بنمشي للشركة وانتم امشوا ادهوروا تو نلحقكم
نور : بنمشي معاك
الجد : نعم !!
نور : خاطري انشوفها وانا توا كبرت يعني عادي
نورية : شيلها واجبر بخاطرها
الجد : باهي هي وتي روحك
نور : تم 😍
رناد : الو كيف مال انت
كلهم : 😲😱
محمد : في من اتكلمي يابنت
رناد : دكيكة بابا هو كلام ، نعم
بسمة :من تكلمي
رناد : ميري 😍
كلهم : 😂😂
نور : كبدت عليها
بلقيس : توتو مش قصة تكبيد غير اسمعيها شن بتقوللها
رناد : ميري شوكلات مال انا على طاولة الاكل انت حط في الثلاجة ، كيف مافي انا حط قبل لا اروح ، باهي امشي خسارة فيك الرصيد يلي حطيته
نور : 😂 كيف عرفتي
بلقيس : لان انا كليتها 😂😂 وهي تسأل عليها في المطار قلتلها نسيتيها في الحوش
نوران : حي عليك كان تسمعك 😂
الجد : هي نور
نور : هي انا مبدلة
(وصلوا للشركة )
نور :مشاء الله ربي يبارك
الجد : هضا كله بعدين بيقعدلكم
نور : بعد عمر طويل 😢
الجد : 😒 مش على الموت قصدي انتوا اتجوا تشتغلوا هنا
نور :😅😅 هي خلي نخشوا
(خشوا جوا و كان الجد عنده ضيف في المكتب وخلا نور تدهور في الشركة )
نور : اشتغل كويس
الموظف : 😒 وتوا شن اندير
نور : 😰 ليبي
الموظف : باكستاني
نور : ام سوري
الموظف : ام لبناني
نور : هههه دمك بارد (ومشت )
نور : شكله لصق هالضيف كسدت
السكرتيرة : بدك  تشربي اشي !
نور : لا مابدي شيء منين انتي
السكرتيرة : انا سورية
نور : يا هلا و الله بعيلة ابو عصام
السكرتيرة : مجاوبتي بدك اشيء تشربيه ؟
نور : لكان بدي عصير هيك بكون على كيف كيفك
السكرتيرة : عصير شو ؟؟
نور : عصير جزر مع برتقال عندكن ؟
السكرتيرة : لا و الله ماعنا
نور : لكان ابعتي حدا من هون يروح يشتري
السكرتيرة: امري لله
نور : واخيرا طلعت
الضيف : نعم
نور : 😅
الجد : خلاص نتلاقوا بكرا
الضيف : ان شاء الله
الجد : ها شن درتي
نور : شفتهم شن يديروا اطمن يشتغلوا كويس
الجد : بتعلميني فيك قولي شن درتي
نور : في موظف قلتله اشتغل كويس طلع ليبي 😅
الجد : وتعاركتي معاه
نور : جاته في الريش .
السكرتيرة : تفضلي ست نور
الجد : شنو هضا
السكرتيرة: الست نور طلبت عصير برتقال و جزر و راحوا جابولها اياه
الجد : اها الست نور لعبت في الشركة لعب و شن دارت ثاني
نور : نقصت المكيف لانه نحباش
الجد : مشاء الله وشن تاني
نور : مشيت لقسم الفلوس
الجد : المالية قصدك
نور : مالية شن ريال
ولا برشا ؟؟
الجد : 😂😂😂 و الله مهبولة هي باهي شن دورتي غادي
نور : لقيت مكتب فاضي خديت فونه و اتصلت على بابا بعدها صالح عبد الرزاق بعدها اكرام
الجد : وبعدها
نور : عرفوني قعدوا معش يردوا 😅
الجد : نوضي نوضي توبة مزال انجيبك
نور : ملل هنا اصلا
(مشوا للمول )
نوران : شن جو الشركة
نور : مية مية جو يهبل
نورية : شن درتي غادي
نور : حي عليك يا جدتي راه جدي موظف وحدات سماح و زيادة السكرتيرة سورية
بسمة : 😡 والله نوصلوا للفندق و نوريك
رناد : ماما اتصلت ب ميري متبيش ترد 
الجد : ميري ...توا اتصل بيا علي وخبرني
نورية : 😱😱 لا حول ولا قوة الا بالله
.
.
تتوقعوا شن صار ل ميري وهل آن آوان خروجها من الرواية ؟؟ توقعاتكم