بيت السعادة ❤🏠9
صابر : ايه معاك حق كيف تنسي عيد ميلاد بنت خوك 😁
ورود : هههههه 😅
رناد : هياا
صابر : هي نسيتك
.
.
(عائلة عيسى )
اسامة : ملاك يا ملاك
ملاك : نعم
اسامة : فكرتي في الموضوع يلي قلتلك عليه
ملاك : ايه فكرت بس انت رد بالك تتخلى
اسامة :مستحيل
رتاج : نخش ولا في موضوع سري 😏
ملاك : هههه خشي كملنا
رتاج : احمد طلع
اسامة : بالسيارة ؟؟
رتاج : مفيش غيرها 😂
اسامة : يروح بيها بلا مرايا المرة هذي 😂
ملاك : انديرلكم قهوة ؟
اسامة : ياريت و الله 😍
رتاج : و معاها حلويات
.
.
صابر محمد : جدي نبي نروح
الجد : وين ؟؟
صابر محمد: هههه يعني وين ليبيا
نور : حتى انا
نوران : وانا
اكرام : حتى انا
قمر : me to
الجد : مدام هكي خلاص وتوا روحكم ، الو علي
علي : اهلين بوي
الجد : نبيك تحجز لخوتك و صغارهم على اقرب رحلة انا متحجزليش
علي : تمام
نورية : ليش مش مروح ؟؟
الجد :مزال عندي شغل
نورية : هي نوضوا يا صغار وتوا شناطيكم
(كل واحد ناض يوتي في روحه و حاس ان تركيا وضحت حاجات واجد تهد الحيل حجزوا في العشية وتوا روحهم و مشوا للمطار )
صالح عبد الرزاق : صابر شن فيك هاليومين
صابر محمد : كل خير تشغلش بالك
ارين عبد الرزاق: صالح
صالح عبد الرزاق : نعم
ارين : عطيني تيليفونك نلعب بيه
صالح عبد الرزاق: وجك
ارين عبد الرزاق : وجك انت 😏
صابر محمد : هههه هاك
صالح محمد : الرحلة تكنسلت
كلهم : 😲
صابر :كييف
صالح محمد : توا سألتهم على رحلة 231 امتى قالوا تكنسلت
صابر محمد: 😒😒 نحنا 236
صالح محمد : 😲 الله
صابر محمد: شوف التذكرة يا غبي
صالح محمد ؛ 😅😅 صح
صالح عبد الرزاق : اهو نادوا هيي
( ركبوا و وصلوا ليبيا في الليل استقبلهم علي و عبد الله السواق )
في الليل و كل واحد مش جايه النوم 💞
نوران : نوران نايضة
نور: هه شن بيرقدني
نوران : خيرك
نور : متقوليش لحد ؟؟
نوران : شن في احكي
نور : جدي متجوز
نوران صبت : 😱😲 احححلفي
نور: قسسم بالله سمعته هضك اليوم لما مشيت معاه للشركة قالوا عنده ضيفف مشيت نبي نخش سمعته يقول :
الجد : كيف حالها
الضيف : مش كويسة
الجد : ليش
الضيف : منك انت متقولش عندك مراة ثانية جبتها من ليبيا و سكنتها هنا و انا مرضيتش اختي اتجي بروحها جيت معاها
الجد : عشان نقدر انجي بالراحة و ميشكوش
______________
نوران : مستحيل يلي سمعته
نور : وهضا يلي صار
نوران : عنده صغار
نور : مسمعتش
نوران : لو العيلة يعلموا حتتشتت
نور : و هضا يلي انا خايفة منه
_______________
صالح محمد : صاابر
صابر : خيرك
صالح محمد : خيرك احكي شن صايرلك ؟؟
صابر : اااااه شن بنحكي ولا بنحكي
صالح محمد : شكلها الحكاية بكل هي احكي
صابر :بنبدأ بالخفيفة
صالح : ويلي هي ؟!
صابر : في ولد جاي يهدد في جدي يقوله نبي حق بوي
صالح : قصدك تعلم ؟!
صابر : 😲 من قالك .
صالح: مرة فتت من يالا دار المعيشة و سمعت: ________________
نورية : مش قلت ان بوك مات وهو غاضب عليه و مخلالاش شيء ؟!
الجد : اييه لكن ولده الواضح ميعلمش جاي يهدد
نورية: والحل
الجد : مفيش ولا حل
_________________
صابر : هه وكان تعرف الفالطة الثانية
صالح : شنن
صابر : عمتي متجوزة و عندها بنت و بنتها عايشة معانا
صالح : 😲 شن شن عاود متجوزة و فوقها عندها بنتتتت و عايشة معانا .من بنتها ؟؟
صابر : مش عارف بس يا سامي ولا سمر و لا ارين ولا رناد
صالح : وووه شن هالمصايب يلي هلن علينا لازم نلقوا حل لاااازم
_________________
ورود : امي
نورية : خشي يابنتي
ورود : تعبانة ملييت من هالحال كملت قرايتي وانا مخاطريش نقرأ وفتحت مشغل عشان ننسى
نورية : يابنتي انتي استعجلتي قلتلك اصبري بوك تو يرضى انتي سكرتي رأسك و تجوزتيه و آهي بنت قدام عيونك شن مزال تبي ثاني ؟؟
ورود : نبي نسمع كلمة ماما من لسانها صح .... مقصرتش وخلتني نعيش كل لحظة معاها بس يبقى في شيء نااقص
نورية : تعالي نلعبلك بشعرك زي ماكنتي تحبي وانتي صغيرة .
ورود : ياريتني ماكبرت ياااريت 💔💔💔 .
.
.
تتوقعوا من راجل ورود و من مرت الجد ؟؟؟ وهل بيقدروا الاحفاد المحافظة على العائلة
أنت تقرأ
بيت السعادة ( روايات ليبية ) مكتملة
Humorرواية يتغلب عليها الطابع الكوميدي ولكن لا تخلى من التشويق و الغموض ، الرواية تحكي على أب و يعيشوا معاه اولاده و احفاده في نفس الحوش ، شن المواقف يلي حيواجهوهم و هل حيكون في النهاية بيت السعادة ام حينقلب لدعاسة ! #بيت_السعادة #بقلم_أبرار #rwayat_b...
