عند روضه .. يت بتطلع لكن وقف واحد من اللي يشتغلون في الدكان قدام الباب مما منعها انها تطلع .. ماااتت روضه من الخوف
روضه : اييه لز بيطلع
الريال واقف مكانه ماتحرك ويشوفها بنظرات خبيثه
..
عند حامد وحمده سارو يتريقون في مطعم راقي وبعدها خطفو عالدكان وبعدين وصلها حامد المدرسه .. وقفو عند باركنات الاداره
حامد : يلا نزلي
حمده : انزل معايه
حامد : ليش انشالله
حمده : وكيف بيدخلونيه ؟ لازم توقع
تأفف حامد : يلا بنزل بنزل
ودخلو وبالصدفه كانت المديره عند الاستقبال
المديره : ماشالله حمده من اول يوم متأخره
حمده : سوري مس مالقيت حد يوصلني واضريت انتظر اخويه يرد من دوامه عشان يوصلني
مس بخيته ( المديره ) : تفضل المكتب عشان توقع
لحقوها حمده وحامد .. كان في كم بنت واقفات قدام باب الوكيلة وغرفة الوكيله مجابله غرفة المديره
مس بخيته : خير بنات شو تسون
خلود : اممم مس سوزان طرشتنا ننادي مس شريفه ومس شريفه محد
مس بخيته : ردن الصف وانا باييكن بعد شوي
خلود : انشالله
وسارن البنات وقفن عند الدري يشوفن حامد
خلود : الللههه محلااهه
عبير : وييييي مزيون .. تعالي بننادي البنات يشوفنه
خلود : انتي سيري انا بتم
مسكينات جنهن اول مره يشوفن ريال .. في مكتب المديرة طلعت المديره ورقه وحطتها قدام حامد
ووقع
مس بخيته : والجوتي مخالف يتبدل
حامد : ليش شو المخالف فيه
مس بخيته : عليه خط برتقالي
ضحك حامد : الله يهديج حتى الخط حاسبتو عليه .. ماعليه بنغيره
طلع حامد من المكتب وأول ماطلع حصل فويهه مجموعة بنات نزل نظره لتحت ومشى
في غرفة حمدان .. وعى على صوت رنة التلفون .. لف صوب الينب الثاني وخش راسه مابين المخدتين .. لكن ماشي فايده التيلفون بعده يصيح
حمدان : اووووف مايخلون الواحد يرقد
مد ايده للتيلفون اللي عاقنه على الطاولة اللي عدال الشبريه
حمدان : اااااالللووووووووووو
قالها بشكل متملل عشان يحسس اللي متصل بانه اتصاله فوقت غلط
خلود (صديقته) : لايكون راقد لين الحيين
حمدان : اوووف انتي شو تبين الحين والله تعباان
خلود : سلامتك من التعب شو متعبنك
حمدان : كنت سهران .. خليني ارقد دخيلج
خلود : شو مسهرنك وليش ماكلمتني
حمدان : بعدين بعدين يلا باي
سكر عنها و رد التلفون مكانه وانخش فشبريته الحبيبة ورقد للمرة الثانيه
..
نرجع ل روضه .. قرب الشخص الثاني اللي يشتغل في الدكان ومسكها من ورا وبحركه سريعه من روضه مسكت الزجاجه اللي كانت عالطاوله وضربتها ع راس اللي مسكها .. وطاح واللي قدامها مسكها من ذراعها لاكنها عضت كتفه عضه قويه ماقدر يتحملها وفجها وشردت عنه برا لاكنه لحقها .. حاولت تركض اسرع ماعندها وصارخت بأعلى صوت عل وعسى حد ينقذها من هالوحش لكن للأسف المكان كان شبه خالي من الناس .. ركضت يمين يسار حاولت تشتت طريقه واخيراً انخشت في مكان بدون لا يشوفها هذاك الشخص لكن هي كانت تشوفه وهو يدورها وشكله يأس يوم شاف انها اختفت و رد ع طريقه الي كان ياي منه .. طلعت روضه من المكان اللي كانت منخشه فيه وبالصدفه طلع في ويهها واحد مبين عليه مواطن وشوي كبير في العمر
الريال : بنتي فيج شي ؟
روضه : دخيلك دخيلك ساعدنيه
الريال : خير يابنتي كيف اقدر اساعدج
روضه : هندي يلحقني شافني بروحي وكان بيتهجم عليه
الريال : اوصلج بيتج ؟ ولا ( مد لها تلفونه ) اتصلي على حد من اهلج يشلج
روضه : لالا مايحتاي اتصل .. بس لو ماعليك امر اباك توصلني الجامعه هنيه قريبه
وافق الريال وركبت معاه روضه ووصلها الجامعه
أنت تقرأ
انت اغلى الناس ومن لي في غلاك؟
Romanceلو درينا عن هوانا وش مصيرة كان قبل الحب صلينا أستخارة
