في الليل .. السهره كانت في الصاله وكلهم كانو موجودين ويشاركون السوالف والاحداث اللي صارت معاهم اليوم .. مريم مشغوله تتابع السناب وفجأه
مريم : لا لا لا
الكل لف يشوفها
مريم مبطله عيونها بصدمه حاطه ايدها ع فمها : حمدوووه تعالي تعالي
يتها حمده مستغربه : شفيج
مريم : هذي سلامه ؟ بنت عمج
حمده شافت الصوره وانصدمت : شو هاا ؟
مريم : انخطبت اليوم خطوبتها
ام حامد مب مستوعبه : كيف
مريم تروي ام حامد صوره : والله هذي مصورينها وكاتبين مبروك خطوبة سلامه وسعيد
ام حمد : الحين مب حامد خاطب سلامه؟
ام حامد ساكته وتشوف ولدها اللي حالته تكسر الخاطر .. اغلبيتهم كانت عيونهم ع حامد ينتظرون منه اي ردة فعل اما حامد ولا كأنه سمعهم يلاعب علي اللي قاعد فوقه .. حامد وصل لمرحلة ماتت فيه كل المشاعر صار كل شي عادي وكل شي متوقع
ام حمد : حامد دق ع عمك شوف شو الموضوع
ابستم حامد : الله يتمم لهم ع خير وسعيد ريال كفو يستاهلها اكثر منيه
..
بعد السهره اللي كانت في الصاله تفرقو كل واحد ع غرفته .. عيال سلطان في قسم الشباب والبنات كلهن في غرفة حمده طبعاً ماعدا شيخه .. سلامه ومريم وشما يالسات في البلكونه يسولفن ونادتهن ميره بتلعبهن لعبه ودخلن مريم وسلامه بيلعبن وقامت بعدهن شما وهي تسكر باب البلكونه شافت ورقه طايحه عالارض شلتها بتشوف شو مكتوب عليها .. قرتها وكانت رسالة وفي نهايتها مكتوب اسم بنت " ماريه " .. اول شي شكت فيه ان الرساله طاحت من مريم وان هي نفسها اللي شلتها من صندوق حمد يعني الرساله ل حمد ومبين بعد انها مكتوبه ل ريال .. دخلت عند البنات ونادت مريم ع صوب .. عطتها الرساله
شما : هذي طاحت منج ؟
شلت مريم الورقه تشوفها : هيه هذي الي شليتها من صندوق حمد
خذت شما نفس عمييق وطلعت من الغرفه معصبه
طلعت شما من بلكونة الصاله للحديقه ولقت حامد يالس هناك بروحه ف ردت بتدخل داخل
ناداها حامد : تعالي تعالي
يته ويلست عالكرسي قدامه
حامد : فيج شي ؟
شما : لا
حامد : هييه زين .. ماشي يديد ؟ شو صار مع ابوج للحين يباج ترديلهم ؟
شما : هيه باجر برد بيتنا مافيّه تزيد المشاكل
حامد : ايواا نزين انا لقيت لج حل
شما : وشو الحل
حامد : شوفي انا كلمت امج واللي فهمته منها ان ابوج هدفه الرئيسي انه يزوجج وانتي رافضه لانج تبين تكملين دراستج صح ؟
شما : صح
حامد بدون مقدمات : حمد هو الحل .. يخطبج وبعد ماتخلصين دراستج يفج الخطبه
شما : و حبيبته ماريه ؟
ضحك حامد : من وين تعرفينها ؟
شما : يعني صدققق !! ماريه حبيبته ؟؟؟
طلع لهم حمد : اففف مابغيت اتفجج منها والله
حامد : منو ؟ امك ؟
حمد مانتبه لوجود شما : هيه تدورليه عروس تبانيه اعرس
حامد يضحك : نزين عرس
حمد : قايللك انا .. ( انتبه ل شما ) ااء قايللك مابغيه العرس
قامت شما بتسير
حامد : وييين تعالي ماخلصت رمستنا
تأففت و ردت يلست
حمد : هيه عيل انا قطعت رمستكم .. يلا عيل انا بدخل
حامد : لا خلك خلك .. هيه شما ترانا بنسافر انا وحمد
شما : ويين
حامد : المانيا .. شي فخاطرج من هناك ؟ آمري
شما : لا مشكور .. كم بتقعدون هناك؟
حامد : والله ماندري
شما : بتطولون ؟
حامد : انشالله مانطول
لمعت عيون شما ورفعت نظرها لفوق عشان ماينزلن دموعها وانتبه لها حمد
شما : انا ثلجت بدخل داخل .. تصبحون على خير
حامد : وانتي من اهله
بعد ما سارت شما ..
حمد يغمز ل حامد : شي بينكم ؟
حامد : منو ؟
حمد : انته وشما
ضحك حامد : لاا ياريال شما تحبك انته
عطاه حمد نظرة التسائل : كيف ؟ هي قالتلك؟
حامد : لا ماقالت لاكن يبين عليها من كلامها اسئلتها عنك حركاتها قدامك نظرات عيونها لك دموعها اللي قبل شوي كانت تحاول ماتنزلهن
حمد : خل عنك هالكلام انا بدخل ارقد
حامد : اصبر عنديه لك موضوع مهم
حمد : خيير انشاءالله
حامد : شو رايك تخطب شما
ضحك حمد : وليش ما انت تخطبها ؟
حامد : يا ذكي اخطبها انته عشان تفكها من ابوها وعشان امك ماتخطبلك وحده من وراك وتدبسك فيها وبعد ما تخلص البنت من دراستها فج الخطبه
حمد بدا ياخذ الموضوع بجديه : صح والله الوالده تسويها
حامد : هاه شو قلت ؟ بتخطبها ؟
حمد : بفكر
حامد : استعيل ماشي وقت البنت بترد بيت ابوها باجر الله يعين شو بيسويبها ابوها
في منتصف الليل .. مهره تدز شما اللي منسدحه وخاشه راسها تحت المخده
وبصوت خفيف : شموه
شما تطنش
مهره تدزها بالقو : شماا
طلعت شما راسها من تحت المخده : هاه شعندج شتبين خلينيه انام
انتبهت مهره لعيون شما الحمر وويهها اللي خرسان ماي وصوتها متغير : تعالي بننزل تحت ايعانه
ردت شما راسها تحت المخده : مب متفيجه
سحبتها مهره : اففف يلاا
شما : مهروه دخيلج خلينيه فحاليه ابا انام
مهره : مابخليج يلا قومي
طنشتها شما
مهره : يلا عااد ابا اقلج شي مهم
عصبت شما : خلاااص قلت ماابا
خافت مهره وبلعت لسانها ورقدت
..
وفي الصباح قامن شما وحمده وسلامه قبل البنات ولقن العايله في الحديقه يتريقون .. حبن راس يدهن ويدتهن ويلسن وشوي و يا سيف سلم عالموجودين ويلس عدال حمده
قربت السده فاخره الكرسون ل سيف
سيف : لا مشكوره ما آكله هذا فوقه لوز بيضرنيه
اليده فاخره : عادي خوزه تراه الا محطوط من فوق بس
قام سيف وقص له نص الكرسون وعق عنه اللوز و اكله بعد دقايق قليله .. كلهم دخلو الصاله وبقو سيف ومهره وحمده في الحديقه وفجأه قام سيف وركض داخل ومهره وحمده خافن ولحقنه.. دخل سيف وسار ل اقرب زباله وقعد يزاوع .. تنفخن عيونه وشفايفه تورمت وصار ويهه احمر .. مهره في حالة صدمه فاجه فمها وتشوفه .. حمده دخلت الصاله تنادي اي حد يساعد سيف
حمده ترتجف من الخوف : سييف يزاوع .. انتفخ ويهه
وقامو الشباب واليد احمد وودو سيف المستشفى
..
حمده تفكر : ماكل كرسون .. عنده حساسيه من اللوز ؟ مهره : مادري والله
حمده تحلل الموضوع : الاعراض اللي طلعت فيه اعراض حساسية وهو كان ماكل كرسون اللوز .. وصح بعد هو قال انه بيضره يعني عنده حساسية من اللوز
العصر ردو عايلة سلطان دبي و حمد وحامد وربيعهم عمر سارو المول يتسوقون حق سفرة المانيا وطبعاً للحين محد يدري انهم بيسافرون غير شما .. الشباب والبنات يالسين عند اليده فاخره في الصاله يسولفون
عبيد : انا ببات عندكم اليوم
اليده فاخره : البيت بيتك ولديه
عبدالله : دخيييلك لا اشوفك مقرب صوب غرفتيه يكفي اللي يانيه منك اليوم
شما فهمت ويلست تضحك
مريم : شسالفه
عبدالله : اخوها تعرف سوالفه دامج تعرفين شحقه مانبهتينيه من قبل
شما ميته ضحك : شدرانيه انك ماتعرف
مريم : ايييه انتو بترمسون ولا شووه
عبيد شكله انحرج : استر عليه الله يستر عليك دنيا وآخره
عبدالله : لا بقوللهم عشان تتأدب
عبيد : شسوي بعد مب بيديه الله خلقني جي
مريم بتموت من الفضول : عبوووود ارمس
عبدالله : الله يسلمج انا راقد ف شبريتيه وعبيد عالارض قمت الصبح جان اشوفنيه انا اللي راقد عالارض وهو عالشبريه .. نزين قلنا راقد عالشربيه وفارنيه عالارض بس متفصخ ليييش ؟ لا وريل شرق وريل غرب شفنا كل شي استغفرالله .. لا وتعرفين وين لقيت ملابسه ؟
مريم : وين ؟؟
عبدالله : في الصاله
البنات ماتن ضحك وعبيد من الاحراج طلع من البيت
..
فتح حمد موضوع خطبته ع شما ل اهله وابداً ماعترضو وخطبوها له وبو عبيد على طول وافق من غير لا ياخذ راي شما .. وبعد يومين سافرو حمد وحامد وعمر المانيا وبدت رحلة حامد مع العلاج
أنت تقرأ
انت اغلى الناس ومن لي في غلاك؟
Romantikلو درينا عن هوانا وش مصيرة كان قبل الحب صلينا أستخارة
