حمده : خالتيه ماترد
يا في بالها تدق ع حامد تعرف ان نومه خفيف .. توكلت على الله ودقت عليه و رد بسرعه
حمده خانقتها العبره : حامد
حامد : هلا .. حمده !
حمده صاحت : شما ماتقدر تتنفس
خاف حامد : بسم الله شو ياها ؟
حمده : مااعرف
حامد : فديتج لا تخافين الحين بقوم حمد بييكن .. خليج معايه ع الخط لا تسكرين لين يوصلكم حمد
دقايق و ياهن حمد .. حمده ومهره لبسن عبيهن وتحجبن وحجبن شما
حمد : بوديها المستشفى.. وين عباتها ؟ لبسنها عباتها
لبستها حمده عباتها ويوم شافها حمد مب متوازنه في مشيتها شلها وطلعو يوديها المستشفى
..
حامد كل شوي يدق ع حمد يتطمن ع الوضع والبنات ماقدرن يرقدن .. عند حمد وشما ، وصلو المستشفى وفحصوها ودخلوها في غرفه ودخل الدكتور عندها وشرحله حمد شو اللي صار معاها .. ياب الدكتور كيس وقال حق شما تتنفس فيه
عصبت شما : اقلك صدريه يعورنيه اذا تنفست وتبانيه اتنفس في الكييس !
حمد : شما سوي اللي يقوله لج الدكتور .. ها دكتور ويعرف شغله
تنفست في الكيس وهي تصيح
الدكتور : بنركب لها جهاز البخار للتنفس وبعد عشر دقايق نعيد نكرر الحركه
طلع الدكتور وركبت النيرس الجهاز ع شما .. حمد حس بصداع وضيقه ف طلع بسرعه وقعد برا عند باب الطواري
..
يت الساعه 6 الصبح و دق حامد ع روضه و ردت عليه
حامد : راقدات ؟
روضه : لا مايانا رقاد
حامد : تعالن هنيه عند ناصر ابوه دخل يتسبح ولا طلع وانا ماقدر الحقه
روضه : انشالله الحين يايين
..
بعد عشر دقايق دخل حمد عند شما وشاف الدكتور عندهاحمد : ها دكتور بشر انشالله مافيها شيالدكتور : لا الحمدلله مافيها الا العافيه كل شي فيها طبيعي الاكسجين والضغط ودقات القلب كلها طبيعيهحمد : عيل شو سبب اللي صار معاها ؟الدكتور : اللي صار معاها اكيد بسبب مشكله نفسيه .. ( شاف شما بطرف عين ) يا انه حد مضايقها او كانت خايفه من شي قبل لا تنام .. تقدر تطلع الحين والحمدلله ع سلامتهاطلع الدكتورشما : ادري تعبتك معايه وبليتك فيّه و شكراً تقدر تروححمد ب رفعة حاجب : والله ! .. قومي طلعناشما : مابا خلاص روح انته انا ادل الفندقحمد : دخيلج لاتختبرين صبريه وقومي يلاشما معانده ماتبا تسير وياهابتسم حمد بخبث : ع راحتجشلها من السرير وطلع من الغرفهشما صارخت : لااا لاا نزلنيهعض كتفها : جب سكتي فضحتينا كل حد قاعد يشوفهم وحمد متفشلشما : انت اللي فضحت نفسك ، نزلنيه بمشي بروحيهنزلها وردو الفندق ووصلها حمد لين غرفتها .. فتحت شما الباب مالقت حد ف دقت ع باب الغرفه الثانيه وولا حد رد .. اتصلت على مهره وقالتلها انهم طلعو مع حامد وراشد وناصرحمد : هاه وينهم ؟شما : طلعو يتريقونحمد : اوديج عندهم ؟شما : لا تعبانه ابا ارقددخلت شما الغرفه ودخل معاهاشما : خير ؟ وين يايحمد : مابخليج بروحج .. واذا صار لج شي ومحد حولج ؟ شو بتسوينشما : انا بخير مابيصير شي واذا صار شي تلفونيه عنديه بدق ع عبيدحمد : هاتي تلفونج دقيقهطلعت تلفونها وترددت ماكنت بتعطيه بس سحبه من ايدها و اتصل على رقمها من تلفونه و رد على الاتصال من تلفونها رده لها : ياويلج ان بندتيه .. ارقدي وخليه شغالشما : نزيين
...
بعد ماتريق حامد وشبع راح يشوف ادارة الفندق وراجع معاهم المشكله اللي صايره عندهم والحمدلله لقولها حل .. مهره وحمده خلصن ريوقهن وسارن يتمشن لين لقن ممشى قريب
مهره : الله حمدوه طاعي محلى المكان .. بدق ع رويض اتينا
حمده : خليها قالت بترد غرفتهم ترقد
صورت مهره الممشى وطرشت حق مهره في السناب
مهره : صورتلها .. بنيبها هنيه بعدين
مهره تتصفح رسايل قروب العايله في الواتساب : اقلج حمدوه هذيلا يخططون بيسيرون القريه العالمية العصر
حمده : والله ماليه خلق اسير مكان تعباانه ابا ارقد
مهره : مب لازم نسير .. بكتبلهم اننا بنقعد في الفندق
بعد دقايق .....
مهره : الحمدلله .. ابويه يقول اللي مابيسير القريه يقعد عند حامد و حمد
حمده : عيل خلينا نرد الفندق الحين .. مافيني طاقه امشي بعد احس بتعب
و هن رادات الفندق شافو ام حمده طالعه من الفندق وركبت سياره غريبه
مهره : حمده شفتي اللي شفته؟
حمده : شوو
مهره : امج !
حمده : هيه شو فيها
مهره : راكبه مع ريال
استغربت حمده : ريال ! اكيد مغلطه يمكن حرمه مستحيل اميه شو بتسوي ويا الريال
مهره : لا متأكده ريال بلحيته ولابس كندوره ركبت قدام عداله
حمده من الصدمه ماعرفت شو تقول : مستحيل .. يمكن عبود
مهره : ماظن .. ابداً مايشبهه
دخلن الفندق و اول ما وصلن الغرفه عطول كل وحده ع سريرها ورقدن
..
الساعه 3 العصر العنود ومريم دخلن غرفة شما وروضه
العنود : شموووه تخيليي
بعدت شما اللحاف عن ويهها : شوو
العنود بحماس : بنساافر
روضه : وين
شما : تصدقين هالكذابه؟
العنود : والله ابويه بيودينا العمره
شما مب مصدقه : ابويه ! عنود والله مب متفيجه حق كذبج
العنود : كيفج لا تصدقين
مريم : ترا يتريوننا تحت بيسيرون القرية العالمية
شما : مابروح
مريم : عيل سيري عند مهروه وحمدوه
...
الجو كان وايد حلو بما انهم داخلين ع صيف بس كان الجو بارد شويه .. اتفقو اللي ماراحو القريه يلتقون عند المسبح في الطابق الثاني بما ان الجو يجنن .. بعد ماجتمعو أحمد و حمد وراشد وولده ناصر و البنات مهره وحمده وشما .. قعدو عالكراسي مجابلين المسبح حامد ع كرسيه يبوس ناصر اللي قاعد في حضنه ويلعب ب لحيته
راشد : هاه بتطلعون مكان ؟
قعد حمد عدال راشد وفي ايده لابتوب : اسمحوليه انا بقعد هنيه عنديه شغل قد شعر راسيه ماقدر اطلع
حامد : وانا مافي.. (اجب ناصر على ايد حامد اللي تعوره وسحبها بسرعه بألم ) ااااخخخ
خاف راشد ومد ايده بيشل ناصر : شفييك ؟ شي يعورك ؟ هات ناصر هاته عنك
شل راشد ولده
حامد يمسك ايده مستويع : مافيّه الا العافيه .. انتو طلعو استانسو وانا بدخل الجم اتمرن
وراح عنهم
راشد : ها خاواتيه وين تبن تسيرن ؟
مهره : مادري
حمده سرحانه بالها ابداً مب معاهم
شما : انا ماليه خاطر اسير مكان
راشد من باب المزح : افا يا بنت عمتيه .. مزعلين بنت عموه ؟ منو مزعلنج انتي بس اشري عليه وشوفي شو بسويبه
استغربت شما من كلامه اول مره يكلمها بالطريقه : محد مزعلنيه
راشد يضحك : خراطه مبين مبين من ويهج زعلانه .. خطيبج مزعلنج؟ تبيني اكفخه الحين
شما : لا .. مب زعلانه
بعدين طاحت عينها ف عين حمد وسكتت
مهره : راشد عادي نطلع نمشي هنيه قريب من الفندق ما بنبعد
راشد : سيرن .. انا وناصر بنعفد فالمسبح .. من يأذن ارجعن صلن بعدين بنسير مول الامارات
ابتسمت مهره : انشاءالله
و راحن الممشى خذن كوفي وتمشن
أنت تقرأ
انت اغلى الناس ومن لي في غلاك؟
Romanceلو درينا عن هوانا وش مصيرة كان قبل الحب صلينا أستخارة
