انت اغلى الناس ومن لي في غلاك؟

Part 13

بعد مرور يومين وخلال هاليومين اللي طافن شما قعدت في بيت يدها احمد وما رضت ترد بيتهم خايفه من ابوها .. وحامد مب مرتاح في بيت يده ويبا يرد شقته في اسرع وقت .. واليوم الخميس ومثل ماكانو مخططين اليد احمد وولده محمد بيسيرون المزرعه رحلة عائلية وبيقعدون فيها يومين .. بعد صلاة العصر طلعو صوب المزرعه و اول ماوصلو توزعو ع الفلتين اليد واليده وبومحمد وزوجته و ام حامد وام عبيد وشيخه وناصر في الفيلا اللي عاليسار و بو راشد و حرمته والبنات والشباب في الفيلا اللي عاليمين وبعد صلاة المغرب تيمعو في الجلسه الخارجيه اللي بين الفلتين الا حمده كانت في غرفتها زعلانه من كل حد وبعد نص ساعه قام اليد احمد ولحقه سيف وسارو غرفة البنات عند حمده وبعدين طلعو ثلاثتهم من الغرفه يتضاحكون شكلهم راضوها .. بعد العشا يلسن البنات في الجلسة اللي قدام المسبح و ياهم سيف يغني
سيف : يا بنات يا بنات يا بنات ياللي مخلفش بنات
مريم والعنود : مشبعش من الحنيّه ولا دأش الحلويات
سيف : وين حمدوه 
مهره : سارت تودي اغراضها الغرفه اللي فوق لان غرفتنا زحمه
سيف : ايواا انزين انا بسير البيت وبرد ويمكن اخطف عالدكان وانا ياي شي فخاطركن؟
مريم : ديو
العنود : كندر
سيف : اوكيه .. مهروه تعالي اباج ف كلمتين
ومشى شوي بعيد ولحقته مهره
مهره : هاه
سيف : سيري عند امايه وقوليلها سيف يبا فلوس
مهره : عنبوه تونا نص الشهر وين راحن فلوسك
سيف : بعد راحن المهم سيري يلا مستعيل انا
مهره : نزين كم تبا
سيف : ميتين
مهره : اوكييه
وسارت مهره وبعد دقايق يته وعطته ألفين
مهره : امايه راقده قلت حق يديه ابا فلوس وعطانيه هذيلا
شل الفلوس : مشكوووره (وحب راسها ) شي فخاطرج ؟
مهره : لا سلامتك
عند حمده .. كانت يالسه في الغرفه تفرش لها لحاف عالارض وشيخه يالسه عالسرير تسولف عليها
شيخه : بقلج سر
حمده بدون اهتمام : قولي
شيخه : تصدقين امايه حاطه عينها ع العنود تباها حق سيف اخويه
انصدمت حمده : اونه
شيخه : قبل جي اسبعين سمعت امايه تكلم سيف وتاخذ رايه
قاطعتها حمده : وسيف شو قال
شيخه : ماقال شي .. حمدوه انتي شي بينج وبين سيف ؟ تحبينه ؟
حمده بشوية عصبيه : شهالكلام سيف شرات اخويه مابينا شي
شيخه بشك : اهاا لا بس اشوفج تضايقتي فقلت يمكن شي بينكم 
حمده تبا تغير الموضوع : لا ماتضايقت ولا شي .. المهم انا بسير عند اميه

.. بعد دقايق 

عند البنات .. قاعدات عند المسبح 
روضه : تحجبن حامد ياي
مريم تعدل حجابها :قطييعه ها شو يايبنه
شيخه : تصبحون ع خير بسير اتسبح وبرقد
ياهم حامد : وين حمده؟
مريم : شارده من شوفت ويهك
حامد : مب فاضيلج (ويشوف شما) وينها؟
شما : في غرفتها 
حامد :يايبه لابتوبها معاها ؟
مريم : شدرانا نحن
مارد عليها كان يشوف شما ينتظر منها اللإجابه
شما : ماضن
تأفف حامد ومشى بيدخل البيت بس رد عند البنات مره ثانيه
حامد : انزين حد يايب معاه لابتوب
مريم : هيه مهروه
مهره تطالع مريم بنظره حاده : لا مايبته
مريم : خراطه عيل اللابتوب اللي كنتي تتابعين فيه مسلسلج مال منو انشالله
حامد : خلاص مايحتاي مشكورات ماقصرتن برد الشركه اييب لابتوبيه وجيه ضاعن عليّه ساعتين 
وسار حامد عنهم وهو حاس بالقهر
حامد في خاطره : ااآه منج يا مهره تحبين تعذبينيه وانا لانيه احبج بتحمل كل اللي اييني منج
الساعة 9 ونص الليل في غرفة البنات اللي تحت .. مهره توها مبنده اتصالها عن اخوها حميد اللي مسافر مع زوجته شهر عسل
شما : مهروه تحيدين يوم كنا صغار يوم ضربج حامد لانج تغايضينه ويانا حمد يبانا نسامح حامد ومانخبر عليه ابوج
ضحكت مهره وهي تتذكر هذاك الموقف : هييه احييد وماسامحناه ورحت خبرت ابويه عليه
شما : ومن بعدها حامد مايينا واذا يا ييلس عند الرياييل وانتي الشريره كل ماسويتي مشكله عقيتيها عليه
مهره تضحك : كنت اكرهه وللحين اكرهه
شما : حراام عليج
مهره : والله محد قال له يستقوا علينا يوم كنا صغار
شما : وانتي قلتيها كنا صغار
مهره : وانتي قوية عين جرييئه ماتستحين سرتي عند عميه محمد وقلتيله انج تحبين ولده حمد
ابتسمت شما : وقال انشالله يوم تكبرين بنيوزج اياه
ضحكت مهره : للحين تبينه ؟
شما : هيه

11 الليل الشباب يالسين عند المسبح يسولفون وحامد مشغول ع الابتوب و ين البنات ويلسو عندهمحامد : متوله ع اصايلحمد : سيرلهاحامد : بييبها فراس باجر <مدرب الخيول>مهره تكلم شما بصوت خفيفمهره : طاعي الخايس مايستحيشما : لا وحمد يقول له سيرلها .. طحت من عيني ياحمدعبيد يشوف المسبح ومبتسم : شبااب قومو بنتسبحعبدالله : يلاوعفدو الشباب في المسبح والبنات دخلن البيت .. وعالساعه 12 الليل دخلو الشباب غرفهم يتلبسون والبنات متيمعات في الغرفه اللي تحت .. مريم كانت منشغله في تلفونها وشوي وطلعت بدون لاتقول شيروضه : هذي شي وراها بقوم الحقهاكانت بتطلع بس يرتها مهرهمهره : يالهبله شيلتج وينروضه : لابسه هودي ومغطيه شعريهالعنود : ترا الشباب في الصالهمهره : ياويلج من عبودروضه : يوووهطلعت وماكملت دقايق الا و ردت الغرفه معصبه وبدون لا تكلم حد انخشت تحت لحافها زعلانه وسوت نفسها بترقد .. في المطبخ حمده تدور شي تاكله بس كان المطبخ فااضي فطلعت من الباب اللي في المطبخ اللي يودي صوب المسبح وشافت حد يالس في الجلسه كانت بتسير لهم لكن يوم انتبهت انهم عبيد ومريم وبروحهم ردت دخلت داخل حمده تطالعهم من الباب وبصوت خفيف : الله يازين جوهم سيف ياي من وراها وسمعها : تكلمين منو انتيطار قلب حمده وكانت بتصارخ بس سبقها سيف وحط يدينه على فمها وفي هاللحظه دخلت عليهم العنود تركض وكأنها شارده من حد .. ضرب ويهها عالباب بقوه وطاحت عالارض ركض سيف صوبها ساعدها تقوم وقعدها عالكرسي .. صبن دموع العنود من الويعسيف : بسم الله عليج ماتشوفين انتي ؟العنود تصيح بدون صوت سيف : خدج انجرحخافت العنود وصاحت بصوت مسموعسيف : جرح بسيط لاتخافين بنحط عليه كلينكس وماي وبيروحيعاملها كنها طفلة صغيرة .. ياب لها كلينكس مبلل بشوية ماي ومسح عالجرح بشوي شوي لين وقف ينزل دم وبعدين ساعدها تقوم من الكرسي ووصلها لين غرفة البنات اللي فوق وطبعاً كل ها تحت انظار حمده اللي كانت واقفه عند الباب تراقبهم بصمت