Shine Dream Smile [ᴄᴏᴍᴘʟᴇᴛᴇᴅ]

chapter 2

#ShineDreamSmile

මොකද්ද යකෝ ඒ උනේ...

මමී දුන්නා නේද සොට් එකක් කට ස්ටක් වෙන්නම. මමීගෙ වාන් දොරටු ඇරලා වගේ තිබ්බ ඇස් වලින් දැන් වතුර වෙනුවට පියවි ඇසට නොපෙනෙන අග්නි ජාලාවක් පිටවෙනවා

මට විතරයි ඒක පෙනුනෙ මල්ලි හරකා බඩ අල්ලන් ලඟ ඉන්න ඩැඩීටත් අතින් ගගහා හිනා වෙනවා.... මාත් දුන්නා උට හොඳ පයින් පාරක් හික් ගෑවිලාම යන්න. ඇයි වදේ මගේ තොල තාම පුපුරු ගහනවා මමී දුන්න සොට් එකේ සැරට....

පැය එකහමාරකට පස්සෙ මගේ ෆ්ලයිට් එක ගැන අනවුන්ස් කරද්දි හදවත ටිකක් වේගෙන් ගැහෙන්න ගත්තා බයට. මමීයි ඩැඩියි නැතුව මං අද ඉදන් තනියම වෙන රටක ජීවත් වෙන්න යනව කියලා මතක් වෙලා.... අනිත් අතට මේ දෙපිටකාට්ටු හදවත පිනුම් ගහනවත් එක්ක ඔප්පලා ටික බලන්න ඉක්කන්ට කොරියාවට යමං යකෝ කියලා....

*****************

පලවෙනි වතාවට ෆ්ලයිට් එකේ ආපු බය කොරියාවට ගිහිල්ලා පය තිබ්බ මොහොතෙම අන්තරස්දාන වෙලා ගියා. වාහ්හ්හ්හ්හ් පට්ට එයාපෝට් එක.. මේ සෝල් එයාපෝට් එක අපේ එයාපෝට් වගේ දෙක තුනක් හම්මේ මෙතනම අතපය දිගෑරලා බුදියගන්න හිතෙනවා....
හා හා උබට පිස්සුද ලියෝ ඉක්කන්ට මෙතනින් එලියට යමන් උබේ ඔප්පලා උබ එනකම් බලන් ඉන්නවා... මගේ ඔප්පලා හැටහුටාමාර....මං එනවා ඔප්පේ ඔයාලාව හොයාගෙන මේ ලියෝ එනවාආආආආ....

එහෙම හිත හිත මනෝ පාරවල් ගහන ගමන්ම මම බය නැතුව එයාපෝට් එකෙන් එලියට ගියේ මටත් හොඳට කොරියන් පුළුවන් නිසා. ඇවිත් ටැක්සි එකක නැගලා මෙහෙ යුනිවර්සිටි එකෙන් මට දීලා තියෙන හොස්ටල් එකේ ඇඩ්‍රස් එක ඩ්‍රයිවර්ට දුන්නා...

ගෙදරදි ගිරවා වගේ කොරියන් කතා කරන මගේ දිව මෙහෙ ආවහම මාව ආතල් එකට අරන්. කියවෙන්නෙම කුනුහර්ප. ඩැයිවර් අංකලුත් මහ අමුතු විදිහට මං දිහා බැලුවා පිටසක්වල ජීවියෙක් දිහා බලනවා වගේ...

හොස්ටල් එකට ගියපු ගමන්ම බෑග් සේරම විසි කරලා පැන්නා ඇඳට. හම්මෝ පැය ගානක් ඉදන් ඇවිල්ලම පස්ස නෑ වගේ...

මම තමයි මුලින්ම රූම් එකට ඇවිත් තිබ්බෙ මගේ අනිත් රූම් මේට්ස්ලා 3න්දෙනා ඒ වෙනකොටත් ඇවිත් තිබුනෙ නැහැ.