Shine Dream Smile [ᴄᴏᴍᴘʟᴇᴛᴇᴅ]

Chapter 3

#ShineDreamSmile

අපි කටවල් ඇරගෙන ඇස් ලොකු කරගෙන බලන් ඉන්නවා දැකපු ගමන් එයාට එක පාරට හිනාවක් ගියා. ඒත් අපි හතරදෙනාගෙන් එකෙක් නෙවෙයි කටවල් වහගත්තෙ.

මොන කටවල්ද දෙයියනේ.... මේ රන්කඳක් වගේ අපි ඉස්සරහ හිටන් ඉන්නෙ bts ලගෙ ලීඩර් යකඩෝ.....එයා හුඩී එකෙන් ඔලුව වහන් හිටියා උනත් අපිට එක පාරින්ම එයාව අඳුරගන්න පුළුවන් උනා.

පියවි සිහියට ආපු ඊලඟ තප්පරේ....

"මාව අල්ලපල්ලාආආආආ........"
කියලා සිංහලෙන් කෑ ගහගෙනම මං පැත්තකට බර උනා

මගේ කෑ ගැහිල්ලට ඔප්පත් ඔහෙ හිටු වගේ ගල් ගැහිලා අපි ඉස්සරහ නතර උනා.

"ඕයි මයි ගෝඩ් ජුනාආආආ...."
සියෝත් කෑ ගැහුවා..

මගේ වෙලාවෙ හොඳකමටද කොහෙද රියාට මගෙන් ඇහිලම එහෙන් මෙහෙන් සිංහල වචන කෑලි තේරෙන නිසා ඇරන් හිටපු කටත් වහගෙන සනික මාව අල්ලගත්තා. නැත්තන් ඉතින් මං දඩිං බිඩිං ඩෝං කියලා RM ඔප්පා ඉස්සරහ පතබෑවෙනවා.

"ඔයා හොඳින්ද? මොකද්ද එයා ඒ කිව්වෙ? Miss are u ok? "

RM ඔප්පා ෆුල් හොල්මන් වෙච්ච පාර භාෂා දෙකෙන්ම කතා කරනවා. පොරත් හොඳටම බය වෙලා. අත් දෙකත් හොලෝනවා. නෑ නෑ මගේ නෙවෙයි එයාගෙ අත් දෙක.

මං ඊට වඩා බය වෙලා ඊටත් වඩා මගේ දෙපැත්තෙ තාමත් කටවල් ඇරන් ඉන්න සුශීයි සියෝයි බය වෙලා...

රියාට කට උත්තරත් නෑ මාව අල්ලගත්තු පාර මේකි මාව අල්ලන් ඉන්නෙ හරියට ඔප්පා මේකිව මේ දැන් මරන්න ඇදන් යන්න වගේ. මට හිනත් එක්ක

"ආ... මේ ආ ඔව් මේ...ව් ඔව් ඔව් මං හොඳින් ම මං හොඳින් අවුලක් නෑ"

කියාගෙනම මං රියාගෙ ඇගෙන් එහාට වෙලා කෙලින් ඉදන් ඔලුව වනාගෙන වනාගෙන ගියා. ඒ අස්සෙ සුශී මගෙ අත පහුරු ගානවා.

Rm ඔප්පා හරියට ඩේටා බෆරින්ග් නිසා වීඩියෝ එක මැද්දෙම් කැරකෙන රවුම වගේ මූනත් හදන් මගේ මූන දිහා බලන් ඉන්නවා.

"යා හංගුල් වලින් කතා කරනවා හංගුල් වලින්"

රියා එහෙම කියද්දියි මගේ මිටරෙත් හරියට කැරකෙන්න ගත්තෙ. ඉන්නෙ කොරියාවෙනෙ. මං සිංහලෙන් කියෙව්වට යටින් සබ්ටයිට්ල්ස් දාන එකක් යෑ