مصائب وجرائم أفادتنا

الحلقه 9

#للكاتبه_ژوزژ_الطشهه✍🏻🔥

#مصائب_وجرائم_أفادتنا
#الحلقه_9

#حلقه_قووووووووويه_ما_تنسيش_أديري_لااااااااااايك_وتعطي_رأيك_وتوقعاااااااااتك🔥💌..

عند سحر تجري وصلت لي معسكر وكان جيش واجد قاعدين وماعش عرفت شن أدير خافت يشوفوها جايه تهرب بس وقفها صوت سراج وقاللها
سراج بي رفعة حاجب وصوت حاد:من انتي؟؟
سحر التفتت بي خوف ودموعها ينزلن بي غزاره وجايه تتكلم بس انصدمت لما لقاته سراج وفي نفس الوقت فرحت قالت ممكن يساعدها قعدت ساكته
سراج بي عصبيه:نحكي معااااك
سحر خافت والتفتت عليه واذكرت شن صار معاها انهارت تبكي بي عبره
سراج يشوفلها ومصدوم ورافع حواجبه
سحر تبكي:نبيك تساعدني أرجوك ساعدني أرجوك
سراج شافلها:وفي شنو تبيني نساعدك
سحر تشوف وراها وتحكي وهيا ترجف:ن ب نبيك تشيلني من هنا أرجوك😭
سراج شافلها بي شك:كيف يعني شن دايره انتي؟
سحر نظرة سراج قتلتها وكيف يسأل فيها وكأنه هيا وحده مش تمام
سحر بي نظره حاده:تمام شكرا
جت وقعدت تمشي وتبكي
سراج ناداها بي صوت عالي شوي:تعالي
سحر التفتت وقعدت تشوفله بي برائه وتبكي
سراج جا وقدم منها:ح نساعدك
سحر فرحت
سراج قرن حواجبه:بس بي شرط تحكيلي قصتك
سحر بي حزن:تمام
سراج:تعالي ورايا
قعد سراج يمشي وسحر تمشي وراه لعند وصلوا لي جيهه فيها حواشين مبنيات من لوح (عرفتنهن متاعات الجيش الي في الصحراء) وكان الحوش صغير بكل وقاعد في جيهه فرديه يعني باقي الجيش ما يشوفوش فيهم
سراج:خشي
خشت سحر لقت سرير فردي وبطانيه بس ومفرش نايلو لوطه وجوه فيه مطبخ صغير وحمام طبعا يا بنات أما نقوللها حوش هيا عندها اسم ثاني نسيته المهم هيا كانها صاله وحده ومقسمه يعني صغيره بككككلل.
سراج جا وقعد ع السرير وربع يديه ويشوفلها:نسمع فيكي
سحر قعدت مصبيه وتبكي وتشوفله:أنا قصتي أنا بنت كنت عايشه مع ماما وبابا حياه هاديه كيفنا كيف أي عيله ليبيه فجأه في يوم من قبل 7 سنين داروا ماما وبابا حادث وماتوا وأنا انهرت وخشيت في حالة اكتئاب لي مدة 3 شهور عمي شالني عنده وكانوا يعاملوا فيا هوا ومرت عمي وكأنه بنتهم ويحبوني واجد وبالشوي شوي طلعت من حالة الاكتتاب تقبلت موتت ماما وبابا بس ماعمريش نسيتهم قبل سنتين مرت عمي مرضت بالخبيث وماتت وزدت انكسرت أكثر لأنه من بعد موتت عيلتي كنت نعتبر فيها ماما المهم مرت سنه وطبعا عندهم ولد واحد مواليد 87 عدا سافر برا عشان يحظر ماجستير وقعدت عايشه مع عمي وكان يحبني واجد ومش منقص عليا شي بي رغم نن حالتنا الماديه الضعيفة خلاص مرت الأيام والشهور الأيام الي فاتن روح ولد عمي وو...... وهذا كل الي صار وأنا هربت وجيت هنا😭😭😭
سراج ناض وقعد يشوفلها بصدمه من كلامها وبعدين حس إنه هيا صادقه
سراج بي ارتباك:والله مش عارف شن نقولك
سحر ببكي:ما نبيش منك شي إلا أطلعني من المكان هذا بس
سراج رفع حواجبه:ح نساعدك أنا بس في شي بنعرفه لعد طلعتي ولد عمك كان يلحق فيك؟
سحر:لالا
سراج:تمام أنا توا طالع بعدين نمر عليكي خليكي هنا وما تتحركيش بكل
سحر هزت راسها
طلع سراج وهوا مش عارف شن يدير وسحر قعدت ع السرير وهيا منهاره مش عارفه من وين تلقاها من موتت عمها والي ولد عمها الي خسرها أغلى حاجه عندها"شرفها💔؛
______________
عند رنيم التموا عليها الناس
الراجل:الحمدالله مزال عايشه في نفس
الناس:الحمدالله
الراجل:ارفعها معايا
جا الراجل الثاني ورفعوها حطوها في سياره وطلعوا بيها للمستشفى وفي جارات وكانن يعرفنها نصهن يبكن واجعتهن ونصهن قالن عليها كلام...