مصائب وجرائم أفادتنا

الحلقه 12

#للكاتبه_ژوزژ_الطشهه✍🏻🔥

#مصائب_وجرائم_أفادتنا
#الحلقه_12

#لااااااااااااااااااااايك_قبل_ما_تقريي_وتعليقق_بعد_ما_تكمللللي✍🏻💙..

غسلت وجهه وطلعت لوطه عشان كانت بتقول لي سراج يعطيها تكلم ورد وهيا نازله سمعاته يحكي في التليفون وقال
سراج:تي شن تحكي انت نقولك زواج ع ورق تقولي شن صار أصلا أنا ما نتجراش نلمس وحده مغتصبها واحد غيريي
سحر انصدمت ونزلن دموعها وانجرحت واجد وعدت تجري للدار طاحت ع السرير وانهارت تبكي كلام سراج كان واعر عليها ونزل عليها كيف السم لأنه هيا مظلومه وكل الي صار معاها مش بيدها هيا شن ذنبها💔
قعدت منهاره شن تتحمل لا تتحمل💔.....

عند سراج لوطه
سراج:والله كيف ما قتلك واصلا اسبوع ونطلقها
عامر:ع خير يا طيري أنا عارفك انت معتبرني أكثر من خوك عشان هكي حكيتلي بس ماعش نبيك تحكي ع موضوعكم واجد مهما كان هيا بنت وحرام يعني هيا مش ذنبها
سراج:وانت قلتها حكيتلك لأنه أنا ما نخبيش عليك في شي بس مستحيل نلبز ونحكي عليها برا مهما كان
عامر:ايوه هذا سراج الي نعرفه المهم الاسبوعين هذينه خليك غادي وماتجيش هنا الأوضاع هنا هاديه ومستقره
سراج:تمم
وقعد يحكي مع عامر.....
_________________

عند تغريد قاعده رن تيلفونها وكان رقم غريب فتحت وردت وانصدمت بالمتصل
محمد:وينك اليوم
تغريد بصدمه:محمد
محمد ابتسم بي رفعة حاجب:اها محمد
تغريد بصدمه:من وين لك التليفون وكيف قاعد في السجن وتكلم فيا من وين تكلم فيا ومن عطاه لك
محمد:شوي شوي عليا دبرته من واحد وعطيته فلوس وقاعد في الحمام والولد يراقبلي
تغريد بصدمه:خفت منك
محمد بي صوت يجنن:إلا انتي ماتخافيش
تغريد بي توتر واستغراب:كيففف؟؟
محمد بي ربكه:ااا ولا شي فكرتي في الي طلبته منك
تغريد:امم فكرت بس قبل لا نقولك قراري نبي نشكرك لأنه خلصتني من ولد عمي البارد
محمد:من قالك إنه أنا خلصتك منه؟
تغريد:عرفت وخلاص بس كيف شن درتله
محمد ضحك:فركة إذن ع قولت السوريين
تغريد ابتسمت:أسمع سكر توا ورد التيلفون لي صاحبه بكرا بعد انجي انقولك قراري
محمد:تم
سكرت تغريد منه وقعدت مبتسمه ومحمد رد التليفون لي الولد وقعد يفكر شن ح يكون رد تغريد....
________________
في حوش أهل سهام بعد روحوا باتها وخوها وحكولهم كل شي
امها:إذا هكي كويس
سهام ناضت بي عصبيه:كيف كويس مهما كان اسمها جوازه ومرات ما تكونش اسبوع بس😭😡
ركبت دارها وهيا متعصبهه

(للأسف حاتم دار غلط لما حكاه لي خوه حرام سحر تنفضح💔)

عند سهام في الدار
سهام بي عصبيه:انشاءالله يطلع جواز أسبوع بسس وما يصير شي ثاني وماتقدرش ولا وحده في الكون تاخد سراج مني سراج ليا وبس ولو أطر الأمر نقتل حتا القتل😏🔥
________________
عند رنيم وحيدر بعد كملوا عشاهم قعدوا يهدرزا
رنيم:أنت قتلي نحكيلك قصتي بعدين احكيها ليا توا
حيدر:تمام قصتي"أنا يتيم الأب والأم نذكر قبل لا أمي تموت كان وقتها عمري 9 سنين أمي كانت واخده باتي غصب عني أهلها جدي وقف في وجهها وقاللها ما تتجوزبش لأنه غريب ومش من العيله بس هيا أصرت عليه لعند شي يوم باتي جاء وخطفها طبعا متفقين هوا وياها لأنه قصة حبهم كانت كبيره بعدها تجوزوا وما روحوش إلا لما كان عمري 13سنه طبعا سافروا برا وطلبت منه يسامحها وقعدت تترجى فيه وهوا مباش وأمها نفس الشي قعدت تبكي وأنا نكر فيها نقوللها ماعش تبكي يا أمي ع ما دارت فيهم ما بوش يسامحوها وغضبوا عليها لي يوم الدين وهيا انهارت تبكي قدامهم وتعيط بعدها فجأه طاحت وداخت أنا قعدت نعيط باتي ركبها في السياره وطلع بيها أول ما وصلوا غادي كانت هنا الصدمه ماتت أنا انصدمت كيف ماتت ما كانش فيها شي بس الدكتور قال كان عندها الخبيث وفي اخر مراحله وباتي كان عارف وكانت تبيهم يسامحوها قبل لاتموت أنا انهرت بي رغم صغر سني إلا إنه كنت واعي وفاهم وقلت لي باتي ليش ما عالجتها باتي قال قالت ما تبيش لأنه الكيماوي يتعبها ع الفاضي وقالت نبي نموت في وطني وكانت عابيه بتخبر جدي وحني وتقوللهم إنه هيا مريضه بس هما ما عطوهاش فرصه تشرحلهم وزادوا ازوموا حالتها المهم أنا خشيت في حاله نفسيه لأنه موتت امي قلبت كل حياتي ما تصدقيش كيف كنت نحبها وكيف كانت طيبه معايا كان أغلى شي في حياتي هيا المهم كرهت جدي وعيلت عمامي كلهم وقعدت انطوائي بي عكس قبل الي كنت ديما نضحك وجوي سمح قعدت عايش مع باتي لعند لما قعد عمري 20 باتي توفا سبب جلطه دار دوش وقعد يالا المكيف سببله جلطه وأنا هنا خلاص قعدت نتمنا الموت لأنه حياتي قعدت مالهاش أي معنى كانت تعيسه بكل طبعا نقرا في طب وقفت سنه بعدها قررت نشد روحي ونحقق حلم باتي وأمي الي كانوا طول عمرهم يتمنوا يشوفوني دكتور لعند وصلت للمرحله هذي بس أنا مزال نعاني من موت أمي وباتي الي كان لا ع البال ولا ع الخاطر وشريت الشقه هدي وقعدت عايش فيها من المستشفى للبيت من البيت للمستشفى بس مافيش شي يريح فيا ديما نرقد وأنا دموعي ع خدي لأنه كل الي مريت بيه ماعنديش حد عايش حياتي هكي لا صديق ولا شي كل الناس الي يشوفوني يحسابوا إنه أنا ماعنديش شي نحزن عليه وشخصيتي قويه ونتحمل كل شي بس أنا من جوا مكسور وكسر كبير لأنه أنا في حاجات واجد ناقصتني ناقصني حنان الأم والأب عايش حياتي بلا هدف نروح للشقه نحط راسي ونرقد انوض نداوي الناس وهكي حياتي شينه
انهار حيدر وقعد يبكي كان منظر حيدر وهوا يبكي فضيععع كيف واحد كيف حيدر شخصيته قويه ولما تشوفه تقول هذا مايعرفش حاجه اسمها دموع شخص ماعنداش مشاكل بس الحقيقه غير لأنه الخارج مش كيف الداخل ونحنا ديما نحكموا ع الناس بدون ما نعرفوا شن فيهم💔
رنيم=مش قادره نوصف كمية القهر الي شفتها في عيون حيدر وحسيت إنه كل حد ربي عاطيه هم كبير وامتحان حسيت إنه في ناس واجد تعبانين مش أنا بس حسيت حيدر يشبهلي واجد ووجعني وكانت كل كلمه تطلع منه دموعي ينزلن كان منظره كيف يحكي وضاغط ع يده بالقوه صعببب ع أي حد بس في النهايه ما تحملش أنهار💔💔
رنيم جت قدمت منه
رنيم تنهدت:ربي ماينسا حد وح يداوي جرحك
حيدر كانن دموعه ينزلن ويمسح فيهن
رنيم حطت يدها ع يد حيدر:ربي يرحمهم ادعيلهم بي الرحمه
حيدر ماصدقش حد يطبطب عليه كان محتاج حد يحظنه ويواسيه بدون أي سابق إنذار ارتما في حظن رنيم
رنيم دموعها نزلن ومش مصدقه إنه حيدر يعاني للدرجه هذي وواضح إنه موتت أهله مأثره عليه ومسببتله حاله صعبه
قعدت حاظنه حيدر وتمسح ع راسه وتقراله في قراءان لعند رقد ع كرعيها خلاته راقد وماباتش تتحرك عشان ينوض مع إنه كراعها توجع فيها❤.....
_______________
عند مرام ورنا قاعدات مع بعضهم في الدار حاظنات بعضهن وكان الوضع هدوء
رنا دموعها ينزلن:مرام أنا ما نقدرش بلا راني والله ما نقدر😭
مرام حظنتها وتبكي:ادعيله يا رنا هوا توا محتاج منك الدعاء واقري عليه قراءان وصدقي ع روحه ريحيه في قبره
رنا تبكي وتشهق:والله لو كان مريض أو داير حادث أو ضرباته سياره كنت ح نصبر روحي بس المشكله إنه مات مقتول تعرفي شنو يعني مات مقتول😭
مرام بي عصبيه:حسبي الله فيه ونعم الوكيل راني معروف مش متاع مشاكل وفي حاله شن السبب الي يخليه يقتله ويحرمنه منه 😭
رنا بي حقد وعصبيه:مافيش سبب وأنا عارفه راني كويس اكثر من روحي بس صدقيني مش ح تمشي ع خير وح نرد كل شي أضعاف🔥💔
________________
عند سراج كان قاعد بي دبشه الي لابسه ويبي يغير عشان يرقد ركب فوق ودق الباب دقتين وخش
سحر كانت قاعده سرحانه بعد دق الباب تغطت بي سرعه ودارت روحها راقده
سراج فتح الدولاب وطلع توته ومنشف متاعه وطلع للدار الأخرى طبعا بي جنب دار سحر خش دار دوش وغير وجا قعد ع السرير رن تيلفونه