مصائب وجرائم أفادتنا

الحلقه 19 وما قبل الأخيره

#الكاتبه_ژوژو_الطشهه🔥..

#مصائب_وجرائم_أفادتنا
#الحلقه_19_وما_قبل_الأخيره

_
عند أحمد وصل لي العنوان ونزل يالا باب الفيلا وقدم من الحراس
أحمد:السلام عليكم
الحراس:وعليكم السلام
أحمد:نبي نشوف بنت خالتي جوا
الحارس:من تكون
أحمد رفع حاجبه:افتح الباب مش ضروري تعرف
الحارس:ما نقدرش نخششك بدون ما نعرف
أحمد:سحر
الحارس:اها مرت الأستاذ سراج تفضل
فتحله الحارس الباب وخش أحمد جوا وقعد يدق في الباب
ناض سراج وفتح الباب
سراج:من
أحمد:أنا ولد خالت سحر
سراج شافله بصدمه ورفعة حاجب:كيف
أحمد:كلمها ليا لو سمحت
سراج قرن حواجبه:انا راجلها
أحمد شافله بي حقد:باهي كلمها ليا
سراج:خش للمربوعه توا تجيك
خش أحمد للمربوعه وسراج خش جوا
سراج:سحر تعالي معايا شوي
سحر استغربت  وناضت
حاتم:من الي كان ع الباب
سراج:ولد خالة سحر
سحر انصدمت وطلعت مع سراج أول ما خشت وشافاته انصدمت
سحر:أحمد😳
أحمد:سحر
مدت يدها وسلمت عليه وسراج يشوفلهم ومكشخ
المهم قعدت سحر وأحمد حكالها الي حكاه لاه علي انصدمت وقعدت تبكي وحكتله قصتها كله
أحمد بي عصبيه:الحقيررررررر الواطي يكدب عليا والله نوريه
سراج انصدم بعد شاف ردة فعل أحمد وجا في باله شي واحد أحمد يحب سحر تعصب وقعد ضاغط ع اسنونه ويشوفلهم
أحمد:انتي تبي تطلقي يعني
سحر شافت لي سراج
سراج جا وقدم من أحمد
سراج يشوف لي أحمد وضاغط ع سنونه بي عصبيه:سحر مراتي وأنا نحبها خليك براني
سحر واحمد انصدموا
سراج شاف لي سحر بنظرة ترجي بي معنى خليك معايا
أحمد شاف لي سحر:وانتي يا سحر
سحر:انا شنو
أحمد:تحبيه
سحر قلبها يدق وتوترت:ليش شنو لزمة السؤال هذا
أحمد بي عصبيه:سحر أنا نحبكككك نحبككك جاي من غادي وفرحان نبي نتجوزك عشان وجاي نعترفلك انا ما جيتش المسافه هذي كلها عشان نلقاك متجوزه سحر انتي ليا تعرفي شن يعني ليا
سحر انصدمت
وسراج تعصب بكللل وقدم من أحمد وطاح فيه ضرب
سحر تعيط:عمي حااااتم

جوا كانوا يهدرزوا سمعوا صوت عياط طلعوا يجروا كلهم صبايا ورجاله وانصدموا بالموقف الي شافوه
عادل وإبراهيم يفكوا في أحمد من سراج ويعيطوله
سراج بي عصبيه:خلوني نربيه الكلب امسكوني
حاتم بي عصبيه:خلاااااص سراج فهمني من هذا وليش تضرب فيه
سراج فك روحه من عادل وإبراهيم وشاف لي باته وسكت
أحمد متدقدق من الضرب ووجهه دم ناض بي صعوبه ويشوف لي سحر:انتي ليا وح ناخدك انا أولى بيك من الغريب
كلهم انصدموا
سراج جاي بيكمل عليه مسكه باته
حاتم:اهداااا خلاص وانت من
أحمد:ولد خالتهااا
كلهم انصدموا
نسرين:مش قتلك زواجتك هذي مش ح تجيك من وراها غير وجع الراس شوف المره الي فاتت ولد عمها وتوا ولد خالها طلقها مش جايك من وراها غير وجع الراس
أحمد بصدمه:سحرررر تسمعي في الكلام الس ينقال عليكي وكيف يهينوا فيك كيف ترضيها في نفسك اطلقي منه
سراج:امي ارجوكي خلاص وانت والله كان ما تطلع من هنا نطلعك ميت
سحر دموعها ينزلن وشافت لي سراج وشافت لي أحمد
سحر:اطلع يا أحمد
سراج فرح
أحمد بصدمه:شنو
سسحر:ارجوك اطلع يا أحمد
أحمد شافلهم:تمام تمام
طلع أحمد وهوا متعصبب
سراج مد يده ومسك سحر
سراج:تعالي معايا
طلعت سحر معاه وركبوا سيارتهم وطلعوا لي شقتهم وطول الطريق هدوء