مصائب وجرائم أفادتنا

الحلقه 7

#للكاتبه_ژوزژ_الطشهه✍🏻🔥

#مصائب_وجرائم_أفادتنا
#الحلقه_7

#لاااااااااايك_قبل_ما_تقري💌..

(بنات قبل لا تقرن نبي نقوللكن ع شي الروايه قبل عساس بنديرها 50 حلقه ونمشي بالأحداث بي بطئ وتكون طويله بس انتن ما حبيتنش السرد الطويل وطلبتن نمشي ع سردي الأول يعني تسريع في الأحداث وأنا وافقت وقتلكن ح تكون 30 حلقه بس ما صارش أمس خديت نص يوم وأنا نفكر ونرتب في الأحداث في راسي طلعت معايا 20 حلقه يعني الروايه ح تكون 20 حلقه واصلا الحلقه بي حد ذاتها طويله عشان هكي لو طولت أكثر من 20 ح تقعد مملهه عشان هكي ح تكون 20 حلقه❤)

نبدوا الحلقه👇....

عند سراج قاعد مع هله ويهدرز معاهم رن تيلفونه
سراج:من معايا
ولد بي دهشه:عاكر تصاوب هجموا علينا الدواعش وعرفوا مقرنا
سراج ناض بصدمه وخوف:كيففف؟💔وشن حالته توا
الولد:والله توا قاعد ينزف مزال
سراج بي عصبيه:الزززف مخليينه ينزف وقاعد تحكي معايا شيلوه المستشفى ع بين ما جيت بسرررررعه
الولد بي خوف:حاضر سيدي
سكر سراج ع وجهه وقعد يمسح ع لحيته بي خوف وعصبيه
سراج بدون ما يفطن لي وجود هله:والله يصير لي عامر شي اندمكم ع اليوم الي ولدتوا فيه يا كلاااااب😠
ناضوا كلهم مصدومين من تعصب سراج وخايفين
حاتم بي خوف:شن فيه يا سراج خوفتنا
سراج فطن لي روحه:سامحوني انفعلت رنوا عليا وقالوا عامر متصاوب💔
كلهم شهقوا:امتىىى
سراج قعد يرقى فوق بسرعه:مش عارف مش عارف
ركب داره بسرعه
نسرين دموعها ينزلن:يا نعليا مزال ما فرحت بي جيته يبي بعدي مره أخرى يا ربي ياربي😭
رغد وفجر جن وقعدن يهدن فيها
عادل بي عصبيه:ولاد الحررااام من يومهم غدارين😠
عند سراج في داره ركب سرعه سرعه خش وطلع سلاحاته الأثنين ولبس كندرته متاعت الجيش ولبس لبسته وشال جاكه ومفتاح سيارته في يده وفلوس ونزل يجري لوطه
سراج بي إستعجال:أنا ماشي توا ضروري الساعه 1:00 نكون غادي
حاتم بي خوف:توا الساعه 11:00 يا وليدي كيف 1:00 تكون غادي وهيا المسافه 3 ساعات
سراج بي إستعجال:ما تخافوش ادعوا لي عمر بس
طلع يجري وصل لعند الباب رد مره أخرى
سراج:باتي ما تكلموش الأسد بكل راهوا مسافر عنده فرح قريبته ومكانه بعيده ديما متعبه معايا
حاتم بي خوف:حاضر
طلع سراج يجري ركب سيارته وحرق العجل وطلع بي سرعه
نسرين تبكي:يااارب يارب ما توريني فيه سوء يارب خليه يروح بي خير وسلامه
ركبت نسرين دارها عشان تتوضى وتصلي وتدعيله والباقيين قعدوا يدعوا لي سراج وعامر والوضع في الفيلا قعد متوتر😞...
_______________
(بليز ما دققنش ع الأخطاء الإملائيه توا نكتب في الحلقه والساعه 2:30 الليل وبي سرعه ديرن الحوله لو في كلام معجن في بعضه بكرا لو فضيت ح نراجع الحلقه قبل لا أنزلها❤😢)
__________________
عند رنا وآلاء بعد خشن جوا آلاء ركبت طول لي دار للبنات وشوي رنا خشت لحقتها لقتها تسلح في الخيمار وتبكي والبنات يسألن فيها كنك
رنا:خوك بارد بكل ما يستاهلش الأمر ينفعل ويتعصب هكي سامحيني فيها بس ما هضمتاش بكل😒
آلاء تبكي وتضحك:نوعيتك انتي بذات ما تمشيش مع سيف
رنا:ما فهمتش
آلاء:سيف هوا اصلا يكره البنات وشايل فكرة الزواج من راسه صح.. بس لو حتا قرر يتجوز ح ياحد وحده هاديه وشخصيتها ضعيفه وتسمع أوامره لأنه جنه وجنونه وحده ترد عليه ونوعيتك انتي كان يلقا يدفنهن كلهن😂
البنات ضحكن
رنا:ياااي عساس أنا الي نبيه ووو هذا الأسد الي تعيطن بيه ما شفت لا أسد لا شي قرد بس😒
البنات ماتن بالضحك:ووووو ههههههه
آلاء بي زعل مصطنع:خلاص عاد ما نرضاش في خويا
رنا بصدمه:قصدي زعلتي
آلاء بضحكه:نبصر عارفتك وعارفه نيتك ما دوريش سيف ما فيش أطيب من قلبه ويهبل بكل مش عشان خويا بس عنده حنيه كبيييره وحتا لما يزعلني يراضيني وما ناحية الأسد فهوا فعلا أسد غير انتي شفتيه في موقف مش مناسب
رنا:امم ممكن
وفاء:ها شن صار معاكن فهمني
رنا:اطمني جبنالك الألوان الي طالبتيهن بودري وأسود
وفاء:نجكن ليا
قعدن البنات يطلعن في الشاش وجو حلو وضحك وقرمه وبدن يغلفن وأجواء حلوه بكللل❤
_________________
في المستشفى دار حيدر إجراءات الدفن كلهن وناض عدا دق ع الغرفه الي فيها رنيم
الدكتوره:تفضل
خش حيدر
دكتوره:أهلين دكتور حيدر تفضل خش
رنيم فتحت عيونها وقعدت دقائق تستوعب شن صار وليش هيا هوا وحيدر والدكتوره يشوفولها
رنيم ناضت بي خوف:كنت نحلم صح وين حني😊
حيدر والدكتوره شافو لي بعضهم بي حزن
الدكتوره كانت كبيره في العمر:اهدي بنيتي وقولي لا إله إلا الله الموت كلنا لها وهذا شي مكتوب من ربي
رنيم ناضت بسرعه:لا لا لا ما تقوليهاش ارجوك ما تقوليهاش والله نموت بلاها😭😭
حيدر تنحنح:لو تبي تشوفيها
رنيم هزت راسها وتبكي:الله يربحك ايي نبي نشوفها😭
حيدر هز راسه لي الدكتوره وهيا ردتله الحركه
حيدر:تعالي معايا
فتح حيدر الباب ورنيم طلعت وراه وتبكي ومش لاقيه نفس من كثر الباب
وصلوا لعند مكان الي فيه الثلاجات
(ربي يبعد عليا وعليكن الموقف هذا قولن آمين💔)
حيدر:عندك قوه تخشي
رنيم ضحكت من بين دموعها بي ألم:قوتي الوحيده خذيتها جديده وعدت ماعش يهمني غير نشوفها لي آخر مره😭
حيدر قلبه تفترش عليها كانت رنيم توجع بي شكل مش طبيعي:تعالي معايا
رنيم شافتله ودموعها سيل مش قارده تتحرك
حيدر بي حركه سريعه مد يده مسك يدها وفتح الباب وخشوا وكانن في عرم بريلات وفيهن ميتين متغطيين بي شرشف أبيض
رنيم قدمت بي خطوات مهزوزه:وينها؟💔
حيدر قدم ومد يده ع بريلتها:أهيا
رنيم قدمت وفتحت الوحده ويدها ترجف وشافت حنها وانهارت تبكي كانت كأنها راقده مش ميته💔
رنيم انهارت تبكي:ليش يا جديده ليش ليش درتيها وسيبتيني وانتي عارفه ما عنديش غيرك ليش انتي عارفه حياتي كلها مافيهاش حد غيرك انتي حتا ماما سيبتني وبابا سيبني خويا سيبني وقعدتيلي أنتي بس في الدنيا نشوف ربي ونشوفك ليش يا جديده ليش كسرتيني فوق ما أنا مكسوره اااااه يارب لعند جديده وخلاص مش قادره نتحمل أكثر من هكي شيلني لها نبي نموت حتا أنا ماعش عندي حد نعيش عشانه😭💔
حيدر كان يسمع فيها وقلبه يتقطع مع كل كلمه تقولها التفت للجيهه الأخرى نزلت دمعته مسحها طول لأنه حتا هوا مار بي نفس الموقف💔
رنيم جت باستها ع راسها بالقوه وغطتها وقعدت تمشي بي خطوات مش موزونه وحيدر يلحق فيها
حيدر:أنا وتيت الإجراءات تقدري توقعي ع الأوراق؟
رنيم هزت راسها
حيدر:تعالي معايا
عدت معاه مدلها أوراق وقعت عليهن
حيدر:أنا ح تكفلت بي كل شي وبكرا الظهر ح ندفنها
رنيم هزت راسها ومش قادره تحكي
ع جية خليل جارهم
خليل يبكي:بنيتي
رنيم:عمو خليل عدت وسيبتني😭
خليل يبكي:ربي يرحمها هيا تعالي معايا نشيلك لي حوشنا
رنيم هزت راسها لأنه مش قادره تتكلم بكل
حيدر:من حضرتك معليش
خليل:جارهم
حيدر هز راسه
طلعوا رنيم وخليل وقعدوا يمشوا مع بعضهم
وحيدر عدا يكمل باقي شغله...