مصائب وجرائم أفادتنا

الحلقه 18

#الكاتبه_ژوژو_الطشهه🔥..

#مصائب_وجرائم_أفادتنا
#الحلقه_18

#حلقة_اليوم_ناااااااااااااااار_نبي_تفاعل_كبير🔥🔥🔥..

#لايك_

____
عند سحر مكسده بروحها دق الباب عدت تفتح انصدمت في الي ع باب بعد فتحت
سحر:عمتي نسرين😳
نسرين بي لوية بوز:ايه عمتك نسرين ولا ما تبينيش نجي شقة ولدي
سحر:لا عيب تفضلي الشقه شقتك
نسرين دفتها وخشت
سحر:سراج مش قاعد
نسرين:اصلا جايه لكي ومش جايه لي سراج
سحر انصدمت وخافت من نظراتها الي ما يبشرنش بي خير:اها تفضلي
جت نسرين وقعدت ع الصالون وسحر عساس ماشيه للمطبخ وتجيبلها تقديم وهكي
نسرين وقفتها بي يدها:استني ما نبي شي ولا جايه ناكل منك شي عندي كلام وجايه نقوله لك تعالي
جت سحر وقعدت يالاها وشابكه يديها في بعضهن بي توتر
نسرين:اسمعيني كويسسس وفتحي وذانك انا اليوم جايه نطلب أو مش نطلب جايه نامر فيك وانتي لو عندك قلب وتخافي ربي ح تسمعي كلامي وتنفذيه طلب من أم مقهوره ع ولدها وحياته الي تغيرت 180درجه أنا نبيك تطلقي وتسيبي ولدي والله النوم ما نرقدش فيه من التفكير في حياة ولدي وكيف قعد كان خاطب بنت عمه واموره تمام لعند بعد جابك انتي تغير كل شي وحتا بنت عمه فسخ الخطوبه منها وخربتي جوازه الي كان مفروض الأيام الجايه يتم وانتي لو كنتي بنت فيها وما فيها ح نتقبل بس انتي قعدتي مرآه وياريت هكي بس انتي مغتصبه يعني كيف ترضيني نرضا لي ولدي وحده لامسها غيره ومرات حتا يصير حمل كل شي متوقع وولدي حرام مافيش بنت ما تتمناه غير يأشر بس البنات كلهن يقبلن وبدون حتا مهر ولدي مش ناقصه شي أخلاق واحترام وجمال وصيت ومنصب وولد عز شن ذنبه يتجوز وحده كيفك أنا نبيكي تطلبي منه يطلقك بس ما تقوليلاش إنه أنا طلبت منك هكي وما تخافيش السعر الي تبيه ح نعطيه لكي اطلبي من ال 4000 وفوق ما عندكش مشكله بس أهم شي تطلقي منه نبي ندورله وحده من بنات اختي نبي نفرح بيه ونشوف عويلهه وخلاص هذا كل الي عندي وحتا لو رفضتي ح نطلقك منه بي طريقتي أنا حبيت نحكيلك هكي أحسن لكي ها شنو قلتي

سحر مش قادره نوصفلكن شعورها في هذك اللحظه تمنت لو ماتت مع عمها تمنت لو قتلها علي تمنت لو ضربتها سياره وهيا طالعه تهرب ولا يصير معاها كل الي صار الكلام الي سمعاته سحر من نسرين كبير كبير بكل ونزل ع قلبها زي المواس سحر عيونها ما نزلنش دموع بس قلبها هوا الي ينزف من جوا خلاص كل إنسان وعنده قدرة تحمل وسحر قدرة تحملها خلاص زادت بكل سحر تسمع في كلامها ومصدومه في جرأة نسرين أو تقدرن تقولن وقاحتها بس بعدين قالت ولدها وهيا حره فيه ومن حقها تبيه يكون كيف ما تبي قعدت سحر تسمع فيها لعند كملت وخلاص كان لاقيه تعيط بي صوت عالي من حزن الي فيها من حياتها الي ما يقدر حتا الساس يتحملها💔💔
نسرين:ها شنو
سحر ناضت وهزت راسها وما تبيش تنزل دموعها قدام نسرين عشان ما تبينلهاش إنه هيا حبت سراج💔 اي ما تنصدمنش سحر حبت سراج لأنه سراج كله ع بعضه ينحب ما فيش حاجه فيه ما تنحب والي داره معاها يخليها تعشقه عشق مش بس تحبهه بس للأسف💔
سحر:اطمني ح نطلب منه الطلاق وح نحقق رغبتك ما تخافيش وبالنسبه للفلوس مانبيش منك ولا ربعع أنا مش شحاته ولا طماعه
نسرين شافتلها وناضت: ع راحتك  المهم حاولي تطلبي منه اليوم عارفته ولدي قلبه أبيض وعاطف عليكي مرات ما يرضاش بس انتي خليكي مصره عليه
سحر هزت راسها وخلاصصصصصصصصصص تبي تعيط
طلعت نسرين وسحر سكرت وراها الباب وركبت تجري للدار ودموعها سابقاتنها خشت وطاحت ع السرير وانهارت تعيطط بي صوت عالي ودموعها فيضانات
سحر:ااااااااااااه لييييش ليييييش ياربي شن ذنبي أنا والله تعبتتنتت تعببببت اااااااااااااااااااااااااه😭😭💔
كانت تعيط من صمصوم قلبها بي صوت عالي وعيطتها لو سمعها اليهودي تحننه💔