مصائب وجرائم أفادتنا

الحلقه 17

#الكاتبه_ژوژو_الطشهه🔥..

#مصائب_وجرائم_أفادتنا
#الحلقه_17

#لاااايك❤..

#تعليق_بعد_تكملي❤

#فكني_من_الملصقات😒😂

عند أحمد جا لي ليبيا وصل للمطار ونزل قعد يشوف يمين ويسار وهوا فرحان وحاسس بي شعور حلو رجع لي ليبيا لي بلده بعد الغيبه الطويله هذي كلها قعد يشوف للناس الي خاشه وطالعه للسيارات ولي كل شي وكان يتفحص وشعوره شعور المتغرب الي محروم من بلاده❤
قدم وقعد يمشي ويمشي وكأنه ما زارهاش من فتره طويله شاف سيارة تاكسي واقفه عدا قدم من صاحبها
أحمد:السلام عليكم
الراجل:وعليكم السلام
أحمد:تاكسي صح
الراجل:اها تفضل
أحمد:نبي الفندق
الراجل:تمام اركب هي
ركب أحمد مع الراجل وطول الطريق يشوف في المحلات الناس كل شييي وفرحان من داخله وفي شي ثاني مفرحهه أكثر من جيتهه بي نفسها وصلوا للفندق خلص وخش للفندق وهوا رافع شنطته وعدا جيهة الريسبشن
أحمد:السلام عليكم
بنت:وعليكم السلام تفضل
أحمد:نبي غرفه حجز اسبوع
بنت:دفع مسبق
أحمد:كم
بنت:...
أحمد:تمام
بنت:ادفعهن في الطاوله الي جنبي
عدا أحمد للطاوله الي يالاها ومد للولد الفلوس ورد للبنت عطاته مفتاح
بنت:غرفه رقم 54 واتيه وجاهزه
أحمد خداه منها:شكرا
ركب أحمد لي دار وقعد يشوف في الأرقام لي عند وصل لي رقم 54 فتح الدار وخش حط شنطه جا للروشن وقعد يشوف في كل شي بعدها خش للحمام دار دوش وطلع غير ورتب دبشه في الدولاب وقعد ع السرير وهوا يفكر بكرا يبدا كل شي جاي علشانه💜 .....
_______________
في الفيلا في المطبخ قاعدات سحر ورغد يسخنن في البيتزا خش عليهن إبراهيم
إبراهيم:شن جوك يا سحر
سحر:تمام وانت
إبراهيم:الحمدالله قتلك رغد بالجو نبي نشوف نور
رغد تحط في الحلو في المثرد:مش فاضيه يا إبراهيم رن عليها
إبراهيم:ماتبيش خايفه من خوتها
سحر بضحكه:يعني بالغصب
إبراهيم بضحكه:مش هكي بس نبيها ضروري يعني
سحر:اممم توا نشوفها لكي انا
إبراهيم بفرحه:والله منوره بكل
سحر عدت خشت جوا وجت لي نور الي كانت مع سحر ووشوشتلها
سحر:تعالي نبيك شوي
نور:تمام
ناضت نور معاها وجن يالا المطبخ وطلع إبراهيم
نور بصدمه:انت شن أدير هنا
إبراهيم:بلا جو نبي نشوفك انتب خطيبتي راه وحتا عرسنا بعد أسبوعين
نور بصدمه:بعد اسبوعين
إبراهيم:اها قررت بعد أسبوعين خلاص واليوم نبي نحكي مع باتك وخوتك
نور ابتسمت:امم اها
سحر تنحنحت:أحم احم انا هنا
نور وإبراهيم:😂😂
سحر:نخليكم بروحكم باي
عدت سحر وخشت مع رغد أدير معاها في القهوه
نور:مرات خوك عسل
إبراهيم:بكل مشاءالله عليها تعالي نبي نهدرز معاك شويا في الدار
عدت نور مع إبراهيم وقعدوا يهدرزوا❤...
_____________
طبعا الساعه 8:30 عند رنا غام عليها الجو ومضايقه بكل لبست الكاب متاعها وطلعت للحديقه قعدت تذكر في ذكرياتها مع راني ودموعها ينزلن تتمشى في الحديقه الكبيره كلها وتغمض عيونها وتفتحهن بعدها جت قعدت ع الكرسي ومطبسه راسها وتبكي