مصائب وجرائم أفادتنا

الحلقه 14

#للكاتبه_ژوزژ_الطشهه✍🏻🔥

#مصائب_وجرائم_أفادتنا
#الحلقه_14

#لااااااااااااااااااااايك_قبل_ما_تقرررري_وتعليق_بعد_ما_تكملي❤️✅..

عند تغريد كانت راقده تسمع في باتها يعيط ويقول
حسين بي فرحه:لقيتتت عمل يا إكرام لقيت عممممملللللللل😍
إكرام أمها بي فرحه:مبروك مبروك
قعدت تباركله وهوا فرحان
تغريد استغربت وغسلت وجهه ونزلت لوطه
تغريد:صباح الخير
حسين وإكرام:صباح النور
تغريد:شن فيه
إكرام:باتك لقاه شغل
تغريد:اها مبروك ووين
حسين:في ##
تغريد بصدمه:## مش بعيده
حسين:عادي بينه وبينها 5 ساعات وعندي 5 أيام في الأسبوع يعني يومين هنا نقعد راحه و5 أيام غادي
تغريد انصدمت وقعدت تفكر وابتسمت
إكرام:وشن ح تشتغل
حسين:في ورشهه كبييره بكل والراتب في الشهر 1000
تغريد وأمها انصدمن
تغريد:باهي من لقاه لكي العمل يا بابا
حسين:سيارتي خربت وقف عليا واحد وقعد يصلح فيها بعدها عرض عليا نشتغل معاه ووافقت طول ومن بكرا نبدا
تغريد:اها❤
خشت للمطبخ عشان تفطر وهيا عارفه من دار هكي وفرحانه واجد❤......
___________________
الساعه 11:30 وصلت وفاء هيا وراجلها ونزلوا من الطياره وهيا دموعها ينزلن
صالح مسك يدها:قولي لا إله إلا الله يا وفاء كنه لها الموت
وفاء مسكت في يده بالقوه وقعدوا يمشوا لعند قابلهم رمزي واقف يالا سيارته ويرجا فيهم(صالح قبل لا يطلعوا خبره وقاله إنه يرجاه)
وفاء قدمت وحظنت رمزي وقعدت تبكي:راني يا رمزي راني😭😭
رمزي:ربي يرحمه هذا يومه
سلم رمزي ع صالح وطلعوا في السياره وطلعوا لي فيلا رنا بعد شوي وصلوا ونزلوا خشوا رمزي وصالح للمربوعه ووفاء عدت تجري للصاله وتبكي وتعيط
وفاء:😭😭
ناضن كلهن وانصدمن كيف عرفت
ع نزلة رنا
وفاء جت تجري وحظنتها وتبكي
رنا تبكي:عدا وخلاني يا وفاء خلاني😭😭
وفاء:اااااه صدمه كبيره
قعدت وفاء تمسك فيهن كلهن بالوحده وتبكي بعدها جت قعدت معاهن كلهن
وفاء:خبرني شن صارله😭
كلهن سكتن
وفاء بي استغراب:شن فيه
أمها تبكي:ولد خالتك مجد هوا الي قتله
وفاء بصدمه:شنوووو كيفف
أمهاّ:........
وفاء بصدمه:لا مستحيل مجد يقتل راني لييش شن دارله😭😳
رنا:ارجوك وفاء غيري السيره ما تجيبيش سيرة المجرم هذا قدامي.....

قعدن يهدرزن.....
_________________
عند سحر وتت لبستها وكل شي ونزلت لوطه وقاعده متوتره وخايفه شن ح يصير بعد العيله كلها ح تعرف إنه هيا ح تقعد زوجة سراج ديما مش مؤقت بس...
_____________
عند تغريد جت لي باتها
تغريد:بابا بي ما إنه انت اليوم فرحان نبي نطلب منك طلب😢
باتها:قولي شنو
تغريد:نبي نرد لي شغلي
باتها شافلها
أمها شافت لي باتها ودارتله بي معنى الله يخليك خليها ترد لي شغلها
باتها:تمام
تغريد بي فرحه:شكرا نعدي نلبس نبي نعدي اليوم
باتها:تمام وتوا نشيلك
ركبت تجري فرحانه عشان تلبس لبست لبستها متاعت الشغل ونزلت لوطه
تغريد:انا واتيه
ركبت مع باتها وشالها للمركز وعدا خشت جوا قابلها ظ براء
ظ براء جاها ويشوفلها بي نظرات شك:اوووو الضابطه تغريد وين الغيبه انشاءلله خير بس
تغريد:لا خير بس كان عندي ظرف بسيط
ظ براء:اها ع خير انشاءالله تعالي معايا المكتب نبيك
تغريد توترت من نظراته وحست إنه في شي عدت معاه جوا خشت فعدت ع الكرسي وهوا قعد مقابلها
براء يشوفلها بي نظرات تخوف:وين يا الظابطه تغريد شن صار معاكي في قصة المجرم محمد
تغريد بي توتر:ما صار شي مزال ما يبيش يعترف راسه مصكر
براء:يعني الموضوع حسيته طول وخداه اكثر من وقته مفروض من أول لقائين لكم يعترف لأنه حتا الرئيس حامد أضايق من الموضوع واجد
تغريد:أما قاعده نحاول ندير كل جهدي بس هوا مصكر راسه بس حسيته مش داير شي
براء بي نظره تخوف:كيف مش داير شي كيففف
تغريد بي ربكه:يعني لو كان دار شي مفروض يعترف انتم عذبتوه وأنا مافيش طريقه وما حكيت معاه فيها بس ما يبيش يعترف بكلل قلت مرات يطلع مش داير شي وانتم ملخبطين بينه وبين حد أخرى
براء بي نظره حاده:لا هوا ومتأكدين 100% انتي توا انزلي لي عنده وقوليله إنه اليوم لو ما اعترفش ح نديروا معاه شي مش ح يعجبه
تغريد هزت راسها وطلعت وسكرت الباب
ظ براء بي عصبيه:طلع كلامك صح يا رئيس😡🔥
نزلت تغريد لوطا جيهة مكان التحقيق وشوي وجابولها محمد سكروا الحراس الباب
محمد يشوفلها بي لهففه:شن جوك وأخيرا جيتي🔥❤
تغريد تشوف في لهفته وكيف إنه يحكي وكأنه يرجا فيها ابتسمت:تمام وانت انت عارف شن صار معايا
محمد جا وقعد ع الكرسي وطبعا ايدينه مكلبشات ويشوفلها
هيا جت وقعدت مقابلته ومطبسه راسها ومتوتره بعدين شافتله
تغريد:انت وراه شغل الي جاء لي بابا صح؟
محمد:فوتي الموضوع توا وقوليلي كنك متوتره شن فيه
تغريد:حسيت إنه الضابط براء شاكك فيا
محمد بي صدمه :وشن دار
تغريد:توا بعد جيت ##
محمد ناض بي عصبيه وخبط الطاوله بي كراعه:تي لااااا الزح ليش قلتي هك
تغريد:ليش شن قلت
محمد:انتي بي كلامك هذا اكدتيلهم شكوكهم وهما من قبل شاكين وتوا تأكدوا إنه انتي تتعاملي معايا
تغريد شافتله بصدمه:كيفف؟؟😳😳
محمد بي عصبيه:الكلاب مافيش شي يفوتهن نطلع من هنا بس ح يشوفوا شي مني ما شافوش من قبل
تغريد بي عصبيه:محمد خلااااص أنا ماعش نقدر نتحمل أنا مش غبيه ولا طيبه للدرجه هذي راه نساعد فيك ومش عارفه شن قصتك مش عارفه انت شن داير وشن السبب أنا ماعش نقدر نتحمل أكثر من هكي انت اليوم لازم تحكيلي كل شي وتوا لأنه خلاص طارتلي بكل أنا نساعد فيك ونسمع فيك شن نقول وزي الأطرش في الزفه لو تبيني نكمل معاك ونساعدك احكيلي قصة حياتك كلها أنا سلمتك روحي وقتلك عادي تصرف أي تصرف وح نساعدك بس بجد لا أنا هكي قاعده نخون في شغلي وأنا ما تعودتش هكي بس لأنه حسيت إنه انت مظلوم قررت نساعدك بس ما نقدرش نساعدك أكثر من هكي إلا لما نعرف قصتك كلها🔥
محمد يشوفلها وكان عارف إنه ح تقوله هكي
محمد:باهي قعمزي واهدي وح نحكيلك كل شي
تغريد جت قعدت ونفخت بي هدوء ومحمد بدا يحكيلها
محمد:في يوم قاعدين كلنا أنا وباتي وأمي وخواتي الصغار وخويا ع صفرة الفطور وكان باتي فرحان ويرجا في القرار الي كان طول عمره يحلم بيه طبعا باتي شور الأنتخابات والجو هذا ورشح روحه وكان التصويت الأعلى شوره هوا يعني كان مفروض يكون رئيس قسم بس جابوا ع التليفون إنه التصويت كان لي حامد الحقير ومعاه واحد ثاني مفروض باتي ومعاه الواحد ثاني بس حامد أتفق مع وحدين وعطاهم فلوس وغيروا التصويتات في آخر لحظه وقعدوا هوا والراجل الثاني رؤساء قسم باتي لما سمع جاته جلطه دغري ومات بي قهرته بي صدمته كان طول حياتي يرجا في الشي هذا كان يشتغل بي نيه صافيه بس مات وما سمعش الي يبي يسمعه وطبعا الي صوتوله كلهم اغلبيتهم كانوا اصحابه وهما 12 واحد وخلاص قعدوا حامد والي معاه رئيس قسم وأمي مسكينهه انهارت وخواتي 2 اصغار وحده عمرها 10 والاخره 13 وخويا عمره 19 بعد باتي مات دمرت حياتنا كلها هوا كان سند لنا في الدنيا وكان رجل مثالي بكلل وطول عمره يخدم علينا ويوفر لنا كل شي نطلبوهه ومش مقصر معانا المهم أنا حلفت من يوم هذاكا إنه ح نصفيهم واحد واحد الي صوتوا لي حامد والي معاه وقدرت نصفي 10 ومزال 2 وال 2 هذوما مسافرين وح نصفيهم بي إذن الله طبعا أمي وخواتي وخويا سفرتهم لي منطقه أخرى وأنا بديت في شغلي وكان معايا واحد عساس صاحبي وهكي أسمه داوود عساس متعاون معايا وكان يصفي معايا بس في واحد حقير اسمه الطقه هذا كان واحد من أعداء باتي وأكثر واحد فرح بعد مات وكان شاكك إنه كل الي ماتوا أنا قتلتهم دفع لي داوود وهدده إنه يخوني ويخبره ع مكاني وفعلا خاني بس الحمدالله ربي كشفه ليا والصبح نضت لقيت رساله..... خلاص صفيته بعدها مسكوني الشرطه وجيت هنا وطبعا مش هكي بس قدرت نتعامل مع رؤس كبار وقاعد ندمرلهم في شغلهم كلهم وحتا حامد مهتم بي قضيتي عشان في حاجات واجد كان بيديرهن منعته منهم وطبعا بعد اشتغلت ووسعت مجال خبرتي واشتغلت مع عصابات وهكي قدرت نجمع فلوس واجد وكل نهاية شهر ندز لي هلي سلام ونقوللهم إنه ح نجيهم قريبي وندزلهم في 1500 كل نهاية شهر وطبعا هذا السبب الرئيسي وأنا لو صفيت ال 2 هذوما وقدرت نثبت إنه حامد دار حاجات غير قانونيه وتعامل مع ناس بالكذب وعنده واسطات وحتا تصويت متاعه جاء بالرشوه بعدها بححح ح نسلمه لي مركز ال ## وح يتحاكم غادي وهكي نكون صفيت كل شي🔥
تغريد كانت تسمع فيه ومصدومه ما كانتش متوقعه هكي قصته ووجعها واجد وتشوف في الدموع الي ماسكهن
تغريد حطت يدها ع يده:وأنا معاك ع كل شي وموافقه ع طلبك
محمد شافلها بي ابتسامه:شكرا بجد وتوا أول خطوه ح نبدوها....