مصائب وجرائم أفادتنا

الحلقه 16

#تفااااااااااااعلنن🔥🔥

#للكاتبه_ژوزژ_الطشهه✍🏻🔥

#مصائب_وجرائم_أفادتنا
#الحلقه 16

#لايك👍🏻

#تعليق📝

عند رنا وصلت ونزلت وشافت سيف من بعيد قدمت منه
رنا:خش في الموضوع طول
سيف شافلها وقرن حواجبه:عرفت الحقيقه
رنا:أي حقيقه
سيف:حقيقة مقتل خوك
رنا بصدمه:وشن هيا
سيف طبس راسه بي حشمه وبدا يحكيلها الي حكاه لاه مجد
رنا بي عصبيه :عرفته عرفته خويا ما يغلطش مع حد عرفته قتلك من الأول خوك الحقير هوا مجرم وقتله بدون سبب😡
سيف شافلها:وأنا جاي نقولك شي
رنا:شن هوا
سيف:ناخدلك حق خوك بس بي شرط
رنا بي عصبيه:ومازال فيها شرط الحكايه
سيف:لازم لأنه هذا شرط رئيسي
رنا:شن هوا
سيف:نسلم مجد خويا للمركز وح ينحكم الحكم الي يقولوه هما
رنا بي عصبيه وصدمه:كيف هذي كيف ما فهمتهاش
سيف:يعني مجد ما يموتش بس ح نسلمه للمركز وهوا يعترف وح ياخد جزاته هذا شرطي
رنا ضحكت بي هزوه وعيونها مدمعات:ههه توا انت بتقنعني إنه خوك ينحبس توا ح تخليه أول اسبوع لو وافقت في السجن بعدها اطلعه هكي نحنا شن نستفادوا وخويا ما رديناش ثاره وأنا مش موافقه وخوك ح يموت
سيف بي عصبيه:اسمعي أنا مش جايه نتجدا فيكي ولا شي ولا نقولك ما تقتلوش خويا لأنه أنا لو نبي نمنعكم تقتلوه شعره منه ما تشوفهاش بس أنا لأنه نخاف ربي ومعاه الحق اقترحت عليك إنه نسلم خويا للمركز وكلامك غلططط أنا مستحيل نطلعه وح نخلي العداله أدير مجراها حتا لو عدموه وأنا مش ح ندخل في شي مجرد نشيله وهوا يعترف وهما يحكموا الحكم الي يبوه وبسس هذي طريقه أحسن لنا ولكم وبعدين هكي يكون خوكي ارتاح في قبره لأنه ما تنسيش إنه مجد ح يعذبوه في السجن وضرب. وتجويع واساليب واجد يعني القرار هذا لي صالحكم أكثر من صالحنا🔥
رنا تشوفله وقعدت تفكر ولقت إنه حل كويس خوها مات طول بس مجد ح يتعذب ويتمنا الموت ومايلقاش عجبتها الفكره
رنا:وأنا موافقه
سيف فرح بس ما بينلهاش:واهلك عيلتك؟
رنا بي رفعة حاجب:أنا ح نكلم بابا ونحكيلها
سيف:تمام بكل وشكرا ع تفهمك
رنا بي تكشيخه:مافيش داعي تشكرني هذا شي يخصنا وثاني حاجه ح يقعد في بينا وبينكم ثار حتا لو ما خديناش بس عيلتنا وعيلتكم ح يقعدوا أعداء طول العمر
سيف بي رفعة حاجب:لسانك طويل ع فكره😒
رنا:وانت مستفز😏
وعدت وسيباته وركبت في سيارتها وولعتها فجأه طفت بعدها عاودت ولعتها فجأه طفت أخرى
رنا ضربت الدومان بي عصبيه:مش وقتك
نزلت من السياره وفتحتها من قدام
سيف جاي يركب سيارته بس شافها كيف تحاول تولع في السياره بعدها نزلت ركب سيارته وقعد يشوف فيها
رنا فتحتها من قدام وقعدت تشوفلها
رنا مسحت وجهه بي يدها ونفخت:اووووف شن عرفني في الأمور هذين
قعدت تشوفلها بي إحباط
سيف كان يشوف فيها نزل من السياره وجاها
سيف:ترا نشوفها لكي
رنا :لا ما تدخلش
سيف بي قرنة حواجب جا وقدم من السياره وقعد يشوف فيها وهيا تشوفله بي حقد
سيف:مافيهاش اميهه وهبطت تبيلها تصليح بسيط
رنا:اوووف مش وقتها
سيف:اركبي معايا نحطك حوشكم وتوا نكلم واحد ورشجي يجي يشيلها للصلاح
رنا بي عصبيه:شنو نركب معاك هدي انت مصدق روحك راه مانبيش نركب معاك وما دخلكش توا نصلحها عندي فلوس مش ناقصني جميلك😒
سيف غمض عيونه بي عصبيه وماسك روحه:لي اخر مره نقولك اركبي معايا لأنه الحديقه هذي مقطوعه ومافيهاش ناس ومافيش حد يوقف عليكي راه
رنا سكتت وغمضت عيونها
سيف عدا عشان يركب سيارته
رنا=ماعنديش خيار ثاني إلا نركب معاه لأنه نبي نلحق نخبر بابا وعمامي ع كل شي
عدت وقعدت تمشي وراه
فتح سيف السياره شافها وراه فتحت الباب وركبت من لاوره وقربعت الباب بالقوه وقارنه حواجبها شد ضحكته عليها وركب السياره ولع وطلع شور فيلتهم وطول الطريق رنا تنفخ حست الطريق قعدت طويله بكل ...
________________
عند حيدر ورنيم
رنيم:أنا فكرت في الموضوع
حيدر:شنو
رنيم طبست راسها بي خجل:أنا موافقه بس يعني خليه زواج عادي لعند نتعرفوا بعدها يعني يكون زواج حقيقي حقيقي وهكي فهمت عليا🙈
كانت مطبسه راسها وتلكلك بس الكلام
حيدر استغرب وابتسم:تمام عادي ما عندكش مشكلهه❤
رنيم ابتسمت بي فرحهه
دق الباب خش دكتور واحد معاهم
دكتور:السلام عليكم
رنيم وحيدر:وعليكم السلام
دكتور:كيف حالك دكتور حيدر
حيدر:تمام وانت
دكتور:تمام قبل نحساباك بروحه بس فيه معاك حاله بعدين توا نمر عليك
حيدر ابتسم:اها هذي مش حاله هذي مساعدتي ومراتي في نفس الوقت
رنيم:😳
دكتور:اها مشاءالله أهلين بيكي
رنيم:وبيك
دكتور:اها وكيف صار امتى تزوجت من ورايا
حيدر بي تكشيخه(تكشيره):لا مزال خطوبه بسس
دكتور:اها ربي يتمملك ع خير
حيدر:تسلم
دكتور:هيا مع سلامه
طلع الدكتور
رنيم:ليش قتله إنه نحنا متجوزين😳
حيدر:لأنه دكتور بارد ومع أنه متجوز بس عينه زايغه فهمتي😒
رنيم ابتسمت وحست إنه حيدر غيور بكل بس غيرته ماشيه معاه❤
رنيم:اها❤
قعد حيدر يكمل في باقي شغله وهيا تساعد فيه....
______________
في مكان ثاني أول مره نجيبوه
ولد:كنك يا راجل ديما حزنان والدموع في عيونك من يوم ما عرفتك
الولد تنهد:والله شن نقولك أنا قصتي كنت عايش عادي يعني مع أمي وأختي وباتي وكانت عيلتنا عيله متمسكه نوعا ما بي رغم حالتنا الماديه الضعيفه وهكي بس كنا عايشين في دفء وراحه وعيله يعني زي اي عيله ليبيه بس أمي بدت تتغير تدريجيا وقعدت كل يوم تزن ع راس باتي جيبلي الحاجه هذي وجيبلي هذي اختها جابلها راجلها اختي جابلها راجلها جارتي راجلها دارلها هكي انت ليش ما جبتلي هكي شن الفقر الي معيشني فيه هذا وهوا مسكين كل يوم يدين ويجيبلها كل شي ومش مقصر معاها بس خلاص بعدها زادت أمي تغيرت وتمت كل همها الفلوس بس وتعبت باتي واجد أنا واختي كنا نحاولوا نفهموما بس شي أنا كنت نشتغل مع باتي والي نلقاه نعطيه لاه بس للاسف باتي بدا يتعب صحيا شغل ليل نهار وكلام سلبي إثر ع صحته وتعب بكل مات خلاص أنا من صدمتي وحزني وقهري مالقيت روحي إلا مهاجر لي أوروبا واختي لعند توا مش عارف شن حالتها مع أمي هل أمي ربي هداها وقعدت كويسه وردت لي عقلها ولا مش عارف المهم اختي عدت سكنت مع حني ومتوقع إنه مزال عايشه معاها لأنه حني طيبه بكل وهذا كل قصتي مرايف لي بلادي(ليبيا) مرايف ع اختي ع ليبيا ع عيلتي كلها حتا أمي مرايف ع اصحابي وناسي وجيراني نفر نفر💔💔
صاحبه بي حزن ع حالته: ربي يرحم باتك يا إلياس بس جيتك هنا كلها غلط في غلط مهما كان كيف تخلي امك واختك صبايا بروحهن من بيهن حرام عليك تصرفك أناني بكل انت في هذيك اللحظه فكرت في روحك بس مفروض قويت روحك وقعدت في ليبيا وتشتغل وتخدم ع أمك واختك غلط في غلط الي درته
إلياس بي وجع:عارف والله عارف بس للأسف ما عرفتش الشي هذا إلا توا متأخر بعد سنه ونص ومعاها💔
صاحبه:مزال في يدك تصلح كل شي
إلياس:كيف😢
صاحبه:سافر ليبيا
إلياس بصدمه:شنوو
صاحبه:كيف شنو صلح غلطك وروح لي ليبيا خليك يالا أمك واختك وجدتك هذاكا مكانك هنا مش مكانك انت طول الوقت دموعك ع خدك وسرحان وحزين روح لي ليبيا
إلياس بي تفكير:وانت قلتها مافيش إلا هكي نرتاح ونريح راسي لأنه بجد تعبت من موتةة باتي وأنا ما شفتش يوم حلو في حياتي فلذلك ح نحجز والأيام الجايه ننزل لي ليبيا❤😢
صاحبه:وهذا الصح......
__________________
عند سحر مكسده خش عليها سراج ورافع في يده باكو
سراج:السلام عليكم
سحر:وعليكم السلام
سراج جا وقعد يالاها:شن اديري
سحر:امم شي ملل مكسده ع التلفزيون
سراج ابتسم ومدلها الكيس
سحر بي استغراب:شنو هذا
سراج:افتحيه وشوفيه
سحر فتحاته لقاته تليفون ايفون أكس
سحر بصدمه:هذا التليفون طالع توا صح😳
سراج هز راسه
سحر:وليش عاطيه ليا
سراج:شريته لكي
سحر بصدمه وفرحه:ليا أنا
سراج:اها لكي انتي ما عندكش تيليفون وما تجيش أنا مرات الاسبوع الجاي نعدي للمعسكر ح تقعدي بروحك وضروري تليفون
سحر بعد قال المعسكر قلبها نخزها
سراج:كنك
سحر:يعني تعدي وتسيبني😢
سراج:أنا ما شي للمعسكر يعني هذا شغلي ح نمشي ونجي واحتمال كبير نغير مكاني هنا
سحر بي فرحه:ياريت...سراج شكرا بكل يهبل التليفون وغالي واجد أكيد كلفك
سراج:أولا عفوا ثانيا انتي مراتي وهذا شي طبيعي وبعدين أنا ما قدمتلكش أي شي لما تزوجتك التليفون شي بسيط جدا
سحر ابتسمت وفرحانه وتشوف فيه:علمني كيف نستعمله
سراج ضحك وجا قرب منها وقعد يوري فيها وكانوا قراب من بعض بكل وما يفصلهم إلا وجههم إلي كان بينهم سحر كانت تسرق في النظرات لي سراج وقلبها يدق بي قوه كانت معاه ومش معاه❤
_______________
عند رنا وسيف بعد وصلها طبعا كانوا طول الكريق هدوء وصلوا يالا جيهة باب فيلتهم الخارجي سيف درس السياره
رنا فتحت البال ونزلت بدون ما تقولا شي هوا هز راسه بي نرفزه منها وعدا
رنا قعدت تمشي لعند قريب توصل الفيلا طبعا هوا حطها في الشارع يعني تجنبا للمشاكل وهكي يعني قريب من باب فيلتهم الخارجي...