شيطان امتلكني

«الحلقه الخامسه»

بعد مرور شهر انتهت جنة من امتحاناتها و تخرجت أما حمزه فكان يومه كالعاده روتيني

في بيت جنه

فاطمه : دلوقتي يا جنة انتي اتخرجتي و حا تشتغلي يعني حاتقابلي اشكال و الوان فا مينفعش شخصيتك الضعيفه دي عايزاكي تتشجعي و متخافيش من اي حد مهما كان و مهما كان منصبه علشان ما تتعبيش في الدنيا دي يا حبيبتي و كلها ثلاث شهور و تتجوزي حب عمرك اسر و تبقوا سند لبعض مش عايزه اشوف الدموع في عينيكي ابدا عايزاكي دائما تبقي قويه ما تسكتيش علي حقك ابدا اوعديني يا جنة اني حشوف واحده تانيه و في نفس الوقت مش عايزاكي نظلمي حد ابدا الظلم وحش وحش اووي يا جنه دائما خليكي علي حق انت مش عارفه يا جنه انا ازاي فرحانه بعد ما شوفتك اتخرجتي و انتي بتكبري لحظه لحظه قدامي ممكن اكون مش انا ال حملت فيكي بس الام هي ال بتربي مش ال بتحمل انا عارفه انك اتعذبتي كتير في حياتك و اتظلمتي كتير بس ربنا عوضك بحجات تانيه كتير و عايزاكي تحاولي تحافظي علي علاقتك باسر علي قد ما تقدري انا عارفه انو بيزعلك كتير بس هو بيحبك اووي يا جنة بس هي ظروف شغله نعمل ايه

ظلت جنه تستمع لحديث والدتها دون مقاطعتها حتي انتهت ثم قالت : يا امي انتي عارفه أن كل طلباتك مجابه و اوعي تقولي انك مش انتي الخلفتيني انا بعتبرك امي الحقيقه انا شفتك انتي بس مشفتش حد تاني غيرك و بالنسبه لشخصيتي وضعت رجلا علي رجل و قالت : انتي عارفه أن شخصيتي قويه بس هي عايزه تقوي شويه كمان هههههههههه

فاطمه: طول عمرك بتأخدي المواضيع بهزار انا بتكلم جد مش بهزر

جنة : و في احلي من الهزار ده احلي حاجه في الدنيا

فاطمه : ماشي يا جنه بس ارجوكي خدي كلامي جد
علشان دلوقتي حياتك حتتغير 180 درجه

جنة : حاضر يا ست الكل ريحتك كده

فاطمه : اه ريحتيني

جنه : طب يلا اسيبك علشان انزل ادور علي شغل

فاطمه : انتي لسه متخرجه من يومين حتنزلي تشتغلي علي طول

جنة: الوقت بيعدي مينفعش نضيعه و بعد كده مش انتي لسه قايلالي لسته طويله عريضه من النصائح و دلوقتي تقوليلي حشتغل علطول تقريبا بدأ يجيلك زهايمر احنا لازم نروح نكشف

فاطمه : بقا انا جالي زهايمر طب يا قومي يا جزمه

جنة : ايوه كده امي رجعت تاني الحمدالله اصلي خفت صاحيه النهارده شغاله تقوليلي في قائمه نصائح فرفش كده يا فطوم محدش واخد منها حاجه

فاطمه : انا نفسي لسانك الطويل ده يبقي بره البيت

جنة : متقلقيش يا فطوم حيبقي بس شويه شويه

فاطمه : لما نشوف

جنة : حتشوفي يا فطوم متقلقيش عليا

************************************