شيطان امتلكني

«الحلقه الرابعه و العشرون»

عادت جنه الي المنزل حاولت أن تفتح الباب بي بطء حتي لا تقلق من في المنزل و يدخلوا معها في نقاش اين كانت و ماذا كانت تفعل
فتحت الباب فلم تجد أحد بالصاله ذهبت الي غرفتها و فتحت الباب بي بطء فوجدت أن انوار الغرفه مغلقه اخذت نفسها و قالت :الحمد لله شكل حمزه لسه مرجعش من الشغل لو كان موجود كان حيستجوبني استجواب كامل
فتحت اضواء الغرفه فوجد حمزه جالس علي الفراش
فزعت جنه و وضعت يدها علي قلبها :بسم الله الرحمن الرحيم ايه يا حمزه خضيتني و قاعد كده ليه في الظلمه
حمزه : حمد لله علي السلامه يا ست هانم كنتي فين
جنه بتوتر : كنت عند ...حلا
حمزه : و بتعملي ايه أن شاء الله عندها
جنه : حكون ..بعمل ايه ..يعني عادي كنا بنتكلم ولا حتمنعني كمان اروح اشوف صاحبتي اصل شكلك كده فاكر انك اشترتني ولا حاجه و حتفضل حابسني و انا مش حتكلم
حمزه بعصبيه : انتي مش ناويه ابدا تعدلي لسانك ده و تتكلمي عدل معندكيش غير الكلام ال بيحرق الدم و بس
جنه : لما يكون ال قاعده معاه معندوش ولا احساس ولا ضمير يبقي ميستهلش غير الكلام ده
نهض حمزه من الفراش بعصبيه و وجه اصبعه لها : انتي زوديها يا جنه وانا ساكتلك
وضعت جنه يديها علي خصرها : ايوه يعني حتعمل ايه حضرتك عايزه افهم
ذهب حمزه ناحيتها و أمسك بيديها بقوه و وضعها خلف ظهرها و ظل يضغط عليها بقوه و اقترب من أذنيها : اخر مره حقول لكي يا جنه احترمي نفسك
جنه وهي تتألم : اااع ...سيبني يا... حمزه انت.. بتألمني اااع
زاد ضغط يده عليها و قال : انا سكاتلك من سعت ما اتجوزنا و بعديلك حجات كتير و انا صبري ليه حدود و قرب ينفذ و لو نفذ حنشوفي واحد عمرك ما شفتيه ولا حتشوفيه
جنه و هي تتألم : ااع..ما لو. ..انت انسان طبيعي....زي بقيه البشر ...كنت حكيلك علي ..كل حاجه لكن انت انساب شكاك.....معندكش ...اااع ..ضمير ولا أخلاق انت متعرفنيش كويس يا حمزه انا كنت ورده مغمضه كنت .....طفله في هيئه شخص بالغ ...كان بيضحك عليا بسهوله ....بس معرفش انا عملت ايه خلي ربنا ... يختبرني كل الاختبارات دي ...اتخطبت لواحد خاين ....و بعديها اتجوزت...جوازه متعتبرش اصلا جوازه ...و ياريت ....الشخص ال اتجوزتوا ....حاسسني ولو لمره ...واحده انو انسان كويس ...للاسف كلكوا حيوانات مع اختلاف اشكال بس....ااااع
تركها حمزه بعد أن استمع لكلامها دون أن ينطق باي كلمه
أمسكت جنه بيديها فوجدت أن أصابعه قد علمت علي يديها من قوه ضغطه علي يديها نظرت له نظره مليئه بالألم و تركته و ذهبت الي الحمام لتبدل ملابسها
جلس حمزه علي الفراش و وضع يده علي رأسه يأتي في باله عيون جنه المليئه بالدموع و الالم شعر بألم في قلبه لا يعلم مصدره لماذا عينيها اثرت به فهي شخص في وجه نظره خائن لماذا لم يتحمل رؤيه الالم في عينيها حاول أن يبعد تلك الأفكار عن رأسه و استلقي علي الفراش و وضع يده أسفل رأسه ناظرا الي سقف الغرفه

***********************************

في المكان المخصص لسيف و نور و اسر
جلس سيف واضعا رجل علي رجل ضاحكا بصوت مرتفع : و اخيرا و اخيرا حدمر حمزه
نهضت نور من مقعدها بسرعه : انت بتقول ايه يا سيف يعني ايه حتدمر حمزه احنا متفقناش علي كده انا قلت لك أن انا عايزه اتجوزوا انت اتجنتت ولا ايه
سيف : تؤ تؤ متجنتش ولا حاجه اقعدي كده يا نور و اهدي مش انتي عايزه تتجوزي حمزه حجوزهولك متقلقيش بس قولي لي انتي مش عايزه تتجوزيه علشان فلوسه
نور : اه
سيف : طيب ايه رأيك بقا لما اخلي كل فلوسه في ايدك من غير ما تتجوزيه
نور : ازاي يعني
سيف : حخطف جنه
اسر بعصبية : انت فعلا اتجننت حتخطف جنه بص بقا يا سيف انا اصلا داخل اللعبه دي معاكوا علشان جنه مش اكتر و دلوقتي بتقولي انك حتخطفها
سيف : انا مش عارف ليه بتحكموا من قبل ما اقول لكوا علي الخطه
اسر : خطه ايه دي أن شاء الله الحتخطف فيها جنه
سيف : اهدي كده يا اسر انا مش بحب العصبيه
اسمعوني انتو الاتنين بعد كده احكموا الخطه حتكون كالاتي اول حاجه : انا حخطف جنه بمساعده حلا
اسر بتعجب : حلا ...ازاي يعني دي حلا صاحبه جنه الانتيم أن بتقول ايه
سيف : يا ربي علي المقاطعه ال كل شويه ما قلت اسمعوا للأخر
اسر : اتفضل
سيف : انا قابلت حلا النهارده و قالت لي انها مش بتحب جنه ولا حاجه و انها بس وخداها صاحبه علشان الفلوس مش اكتر بس طبعا متقدرش تتدي حد الثقه ميه بالميه فأنا عملت نفسي ان انا صدقتها و قلت لها اني عايز اخطف جنه و لو هي ساعدتني انا حصدقها لكن طبعا لو لعبت كده ولا كده و طلعت بتضحك عليا سعتها بقا تبقي تقول علي روحها أن لله و ان اليه راجعون طبعا انتو الاتنين بتقولوا دلوقتي يا تري انا حخطف جنه ليه ايه ال حستفادوا انا دلوقتي حجاوبكم خطف جنه حيفدنا احنا التلاته جدا اول حاجه انا حطلب فديه من حمزه كبيره جدا و هي نص أملاكه تاني حاجه بقا جنه مش حترجع لحمزه تاني علشان انا حطلب منه لو عايزني مقتلهاش يطلقها و طبعا هو قلبه كبير و حيوافق كده جنه حتكون أطلقت و كده اسر حيكون استفاد و فلوس حمزه نصها حيكون معانا و كده انا و نور و اسر حنكون اسنفدنا أما بقا نص فلوسه التانيه بقا حنكتب عقد فيه تنازل عن بقيه ممتلكات حمزه و نور حتخليه يوقع عليها بكام حركه كده من بتعوتها و تخليه يوقع و بكده انا حكون استفدت اني خسرته كل ما يملك يعني بقا علي الحديده
نور : طب ليه متطلبش منه أنه لو عايز يحرر جنه يكتبلك كل ما يملك
سيف : اكيد لا مش حينفع كده حنكشف و اكيد حمزه مش حيعملها و حيفكر في طريقه انو يحرر جنه من غير ما يدفع ولا مليم لكن لما نلعب اللعبه شويه شويه مش حنكشف
اسر : و انت بقا ضامن أن حمزه حياوفق علي شروطك دي
سيف : اه ضامن لان حمزه قلبه طيب مستحيل يضحي بجنه مقابل فلوس كده اعتقد تكون الخطه وضحت كويس و النهايه قربت

************************************

خرجت جنه من الحمام و وقفت أمام المرآة تجفف شعرها نظر حمزه إليها عينه اتت علي العلامات التي توجد في يديها نهض من الفراش تلقائيا دون تفكير و ذهب إليها أمسك بيديها
جنه: ااع يا حمزه بتعمل ايه
حمزه : انا اسف حاول أن يمسك يديها بلطف و اجلسها علي الفراش
جنه : عايز ايه يا حمزه تاني
حمزه : اقعدي هنا ثواني
ذهب حمزه و جلب صندوق الاسعافات الاوليه
جلس بجانبها علي الفراش
حمزه : وريني ايدك
جنه : لا شكرا مش عايزه علاجك انت تسبب الالم و بعد كده تعالجه
سحب حمزه يديها : بطلي عناد
اخرج حمزه مهرم من صندوق الاسعافات الاوليه و بدأ أن يدهنه علي مكان الجرح
جنه : اااع براحه
حمزه : اسف ...اسف و بدأ أن ينفخ علي الجرح و يدهن بلطف
شردت  جنه بحمزه ظلت تتعمق النظر به و تقول في نفسها : ليه يا حمزه انا مش قادره افهمك
حمزه : انا اسف يا جنه مكنتش اقصد اني اخليكي تتألمي انهي حمزه من وضع المرهم و نظر الي جنه : خلصت
كانت جنه شارده به لا تجيبه
حرك حمزه يده أمام عينها : ايه يا جنه سىرحانه في ايه
جنه عادت من شرودها و قالت بتوتر : ايه ...مفيش مش سرحانه ولا حاجه
ابتسم حمزه و قال : مهو باين بصراحه انك مش سرحانه
صح حنام فين النهارده في اوضه المخزن زي امبارح ولا حاجه انا مردتش اعاقبك علي ال عملتيه امبارح علشان يكون في بالك
جنه : لا مش حتنام في اوضه المخزن ولا حاجه وانا اسفه علي امبارح حتنام علي السرير
حمزه : علي السرير !! و انتي حتنامي فين
جنه : انا حنام علي الارض
حمزه : بس الجو برد حتنامي ازاي علي الارض
جنه : متقلقش انا طول عمري متعوده علي الالم مجتش علي المره ده و نهضت من علي الفراش
أمسك حمزه بيديها : استني يا جنه نامي انتي علي السرير و انا حنام علي الارض
نزعت جنه يديها و قالت : قلت لك يا حمزه انا مش فارقه معايا اما انت طول عمرك بتنام علي السرير 
نامت جنه علي الارض و ظلت تنظر للسقف و قالت في نفسها : يا رب ساعدني اني اكشف سيف خليني اخلص من الهم ال علي قلبي ده انا تعبت
مرت أكثر من ساعتين و جنه لا تستطيع النوم نهضت من علي الأرض و قالت في نفسها : انا ايه ال عملتوا ده كان لازم اعمل نفسي البنت الكويسه اديني مش عارفه انام ظلت تفكر ماذا تفعل حتي خطرت علي بالها فكره
ظلت تتسحب و خرجت خارج الغرفه و جلبت صاعق النموس و وضعته في منتصف الفراش و وضعت الفيشه في الكهرباء ثم نامت علي المنتصف والآخر من الفراش و ابتسمت و قالت : كده لو حمزه حاول يتعدي الحدود حيتكهرب كهرباء محترمه ......

استوووووووب ✋✋
أن شاء الله تكون عجبتكم الحلقه 🥰♥️
اشوفكم على خير الحلقه القادمه ♥️
انا عارفه أن الحلقه قصيره بس انا والله تعبانه جدا مكنتش حقدر انزل حلقه النهارده اصلا بس مردتش و حاولت اكتب و انزلكم حلقه علشان متزعلوش ادعولي بالشفاء
أن شاء الله الحلقه القادمه حتكون طويله تعويضا لحلقه النهارده
ميعاد الحلقه القادمه الجمعه ٤/٩