شيطان امتلكني

«الحلقه الثانيه و العشرون»

عادوا كل من حمزه و جنه الى مصر و ذهبوا الى القصر هاشمي مباشره دخل حمزه الى القصر و اتجه إلي غرفه والدته فوجدها جالسه حزينه عينيها منتفختين من أثر البكاء و ملامحها مهلكه ذهب إليها مسرعا بعد أن ارتسمت علي وجهه علامات القلق و جلس علي ركبتيه أمامها و قال بقلق : مالك يا امي في ايه
ثريا و تحاول أن تتصنع الابتسام : حمزه حبيبي انت رجعت وحشتيني خالص امال فين جنه
حمزه نبره حاده : يا امي انا بقول لكي مالك ردي عليا
ثريا بصوت مربك : م...مفيش ...يا حمزه انا زي الفل
حمزه بصوت عصبي : مراد بيه عملك حاجه مش كده و نهض مسرعا أمسكت ثريا بيده و قالت له : رايح فين
حمزه : رايح اشوف مراد بيه عملك ايه بدام انتي مش راضيه تقولي
ثريا : اقعد يا ابني و استهدي بالله ابوك معمليش حاجه و ياريت تحسن علاقتك بيه الايام مش مضمونه يا ابني الواحد بيحصلوا حجات مكنش يتوقعها ابدا اسمع نصحتي و حسن علاقتك بي ابوك
نهض حمزه و ذهب إلي غرفته مسرعا جلس علي الفراش و وضع يده علي وجه مسندا كوعيه علي فخذيه
جنه كانت تفرخ الشنط نظرت إلي حمزه فوجدته بهذه الحاله
جنه : مالك يا حمزه
أزال حمزه يده من علي وجه و نظر إليها و قال : مفيش
جنه : ماما ثريا كويسه
حمزه بصوت قلق  : مش عارف مالها انا خايف ليكون مراد بيه عاملها حاجه
جنه : انا حخلص تفضيه الشنط و حنزلها و وضعت اي يديها علي كتفه و قالت : متقلقش عليها
نظر حمزه الي يديها التي وضعتها على كتفه ثم نظر إليها و ابتسم ابتسامه خفيفه و قال : يا رب
أزالت جنه يديها و ذهبت لتستكمل تفريغ الحقائق
حمزه : بقولك يا جنه
جنه : قول
حمزه : انتي امتي حتروحي تباتي عند والدتك
جنه : بكره ان شاء الله
حمزه : اه حتقعدي كتير هناك
جنه : مش عارفه يعني بس ممكن اسبوع
حمزه : ..اه ..مش كتير اسبوع
جنه : معلش يا حمزه امي مشفتهاش من زمان و وحشتني جدا مستكتر عليا اقعد عندها اسبوع
حمزه : لا ...مش قصدي ..خلاص اقعدي ال انتي عايزاه كده كده انا حنزل شغلي من بكره
جنه : بمناسبه الشغل مغيرتش رأي حضرتك في اني انزل الشغل
نهض حمزه من مكانه بعصبيه و قال : انا قلت الكلام في الموضوعه أمر منتهي و اعتقد انك سمعتي فاياربت متفضليش تكرري الموضوع ميت مره
جنه بذجر : يوووووووه
ثم تركته و ذهبت بعد أن انتهت من تفريغ الحقائب و ذهب إلي غرفه ثريا
دقت علي باب الغرفه و قالت : ممكن ادخل
ثريا : طبعا يا حبيبتي ادخلي
ذهبت جنه إليها و جلست أمامها و قالت : ازيك يا ماما ثريا وحشتيني جدا ولله
وضعت ثريا يديها علي وجنت جنه و قالت : انتي اكتر والله يا جنه
جنه : مالك يا ماما ثريا شكلك تعبان و زعلان اووي
ثريا : مفيش يا جنه
جنه : في حاجه حصلت و احنا مسافرين
ثريا و هي تبعد نظرها عن جنه و تحاول أن تتماسك بأن لا تنهار : لا يا جنه مفيش
أمسكت جنه بذهن ثريا و جعلت وجهها يقابلها و قالت : حتخبي عليا برده يا ماما ثريا
ثريا : مش حينفع اقولك يا جنه مش حينفع و بدأت أن تنهار في البكاء
احتضنتها جنه بقوه و ظلت تهدئها : اهدي يا ماما ثريا اهدي في ايه بس
ثريا : مراد مراد حيموت يا جنه
جنه بصدمه : بعد الشر عليه يا ماما ثريا بتقولي ليه عليه كده
فقصت لها ثريا كل شيئ ثم قالت لها : ارجوكي يا جنه متقوليش لحمزه مراد مش عايز يقول له
جنه : بس حمزه لازم يعرف علي الاقل علشان يحسن علاقته معاه
ثريا : ارجوكي يا جنه متخلنيش اندم اني حكتلك متقلولهوش ارجوكي
جنه : حاضر ...حاضر مش.حقوله
ثم نهضت من مكانها و خرجت خارج الغرفه و ذهبت الي حديقه القصر رفعت رأسها الي السماء و أغمضت عينها و رفعت يديها الي السماء و قالت : يا رب انت في ايدك كل حاجه ابعث في قلب حمزه الرحمه من ناحيه أبوه هو مش عارف قيمه الاب و الام زي ال فقدهم يا رب انا طول عمري عشت يتيمه و لكن عوضتني بماما فاطمه لكن هو عنده الاب و الام و الاخ و الاخت يا رب حنن قلبه عليه ثم افتحت عينها فوجدت ياسين أمامها : ازيك يا ياسين
ابتسم ياسين : وقال الحمدالله انتي عامله ايه
ابتسمت جنه ابتسامه خفيفه و قالت : ماشي الحال
ياسين : أن شاء الله كل حاجه حتتصلح ما بينك و بين حمزه
جنه : اتمني بس خلاص انا اتعودت علي ظلمه ثم قالت له اتفضل ادخل حمزه موجود في أوضته انا حقعد شويه هنا في الجنينه
ياسين : تمام شكرا
جلست جنه علي الحديقه و ذهب ياسين ثم وجه نظره لها و قال في نفسه : حرام عليك يا حمزه الوجه البريئ ده تعمل فيه كل ده ثم ذهب لحمزه
بينما كانت جنه تجلس لمحت من بعيد استبطل للخيول نهضت من مكانها و قالت : الله في استطبل للخيول هناك ذهبت إليه و جدت ما يقارب ١٠ أو ١٢ حصان مختلفين في الألوان فقالت في نفسها : هو قصر الهاشمي ده مش ييخلص كل شويه اكتشف حجات جديده وجدت من ضمن كل هذه الاحصنه حصان واحد فقط اسود اللون ذهبت اليها و قالت : انا اول مره اشوف حصان لونه اسود و انت الوحيد ال لونك اسود هنا فأكيد انت مميز يتري اسمك ايه بقا و ظلت تتداعب في الحصان
في غرفه حمزه
ياسين : ايه يا حمزه مالك شكلك مش طبيعي
حمزه : مفيش يا ياسين ضغوطات
ياسين : ضغوطات ايه يا عم انت حتي اديلك حوالي شهر سايب الشغل
حمزه بعصبيه  ؛ مش لازم تكون ضوغطات شغل علفكره يعني عادي ضغوطات حياه
ياسين : اهدي بس علي نفسك ايه ال معصبك بطريقه دي كل حاجه و ليها حل
ظل حمزه يفكر كثيرا هل بقول لياسين علي ما حدث معه و مع جنه ولا لا ثم قرر أن لا يقول له فالذي فعلته جنه يعتبر فضيحه فهو سوف يحلها معها
ياسين : ايه سرحان في ايه
حمزه : مفيش حاجه انا حبقي كويس بس سيبني انت لوحدي
ياسين : تصدق انك ندل يعني شوف اديلك قد ايه مشفتنيش و بعد كده تقولي سيبني لوحدي
حمزه : معلش يا ياسين انا اسف والله فعلا مضغوط
ياسين: ماشي يا عم سماح المرادي
خرج ياسين من القصر و عاد إلي منزله