"جاهد ألا تلتفتَ إلى الوراء
فإِن المرء على قدر حنينه يُهان"
" هالبارت بدون شرط فـ ياليت تتفاعلوا تقديراً لتعب ٣ اسابيع 🌚"
"+ تجاهلوا الاخطاء الاملائيه م دققت فيه "
استمتعوا🧡.
__________________________
"فلاش باك قبل 15 ساعه"
تنهدت و قامت من سريرها و وزعت نظرها للكل عشان تتاكد مافي احد صاحي و لان الساعه كانت تشير لـ 2 فجر ماكان في حركه ابد،
لحست شفايفها و توجهت للحمام بس قبل تدخل لمحت وحده جالسه تدخن و متمدده ع الارض و ع شفايفها ابتسامه ساخره،
جمعت وفاء شعرها و بهمس : ليش للحين صاحيه،
ردت بسرعه و بنبره استهزاء : وليش انتي للحين صاحيه،
قربت وفاء منها وجلست جنبها وسحبت السقاره من يدها و اخذت نفس و طلعته بهدوء و عيونها ع السقف و كانها مو لاقيه اجابه،
ضحكت البنت و طلعت دخانها و اخذت وحده و ولعتها : قلتي تهمتك قتل ... قتلتي مين،
ناظرتها وفاء فتره و بعدها اشاحت نظرها عنها : قتلني قبل اقتله و الي سويته مجرد قصاص ع كل السنين الي راحت،
رجعت شعرها القصير للخلف و مدت يدها : اسمي نغم و انتي،
صافحتها و فاء و بأسلوب ساخر : وفاء يا نغم،
قرب نغم وجهها لـ وفاء : اسمك عكسك تماماً ماله صله فيك!،
ابتسمت وفاء و بعدها ضحكت بصوت عالي ورغم ان نغم ما عرفت السبب الا انها ضحكت معاها وبعد لحظات تلاشت ضحكه وفاء،
تكلمت بصوت مخنوق وحزين : كل شي توقعته في حياتي الا اني اجلس في حمامات سجن و اتعرف و اكون صداقات،
رفعت نغم كتفها بمعنى عادي : حتى انا ما كنت اتوقع يجي يوم و يحبسني حب حياتي .. و يدخلني بقضيه دعاره،
عقدت وفاء حواجبها و بشك : و انتي بريئه فعلياً!،
ضحكت نغم بصوت خافت و اشرت بأصبعها بـ لا : طبعاً لا بس الخنيث بلغ عني عشان خنته .. وفي شخص تكفل بالموضوع وتخفف علي الحكم،
