من،بين،كل الناس،حبيتك💓
___________________
كأنه فقد حواسه كلها اطرافه صارت بارده كل شي مشوش قدامه مو مهتم لأنظار الناس عليه وهو يجري يبي يوصله و يحضنه ويكون بخير،
قلبه ينبض بخوف يحس ان اغلى شي يملكه رح يفقده يسوق بسرعه جنونيه و لا اعطى اهتمام للعالم الي تسب وتلعن فيه " يرب لا تفجعني فيه يرب"
وصل بيته بعد ساعتين هو يحسها سنه دخل البيت وهو يركض م لقى ناس بالصاله ركض ع طول لغرفته فتحها بس مافي احد " لا لا يرب لا ".
ترك الباب مفتوح و ركض لغرفه امه، كان بيفتحها بس امه سبقته و فتحت الباب و قبل ينطق بأي شي حطت يدها على فمه : بخير هو الحين خله ينام،
مسك يد امه و نطق بخوف : يمه شفيه بدر وش صار معاه ليـ..."
قاطعه صوت اخوه هشام : الدكتور قال انه مجرد ارهاق و اغمى عليه طبيعي لانه يعاني من مشاكل بالقلب!
سكت شهم بس عيونه و خوفه و يدينه الي ترجف حزن قلب امه : حبيبي م صار شي ولدك بس تعب كالعاده وسماهر الله يهديها كبرت الموضوع!
هشام : لا تخاف ولدك قوي _ قرب منه و حط يده على كتف شهم _ الحين اذا شافك كذا يمكن يخاف!!
تنهد و قلبه ينبض بخوف: الحمد الله رب العالمين.
دار وجهه عنهم وغطى عيونه خانته دموعه الي نزلت: م ابي اخسره يـ.."
م قدر يكمل من غصته الي بحلقه بكى فرح ان ولده بخير وبكى حزن وعجز وخوف كل هالمشاعر طلعت من شهقاته الي تقطع قلب امه عليه يحبه، يحب
هالطفل الي رجع كل السعاده لقلبه بعد موت زوجته حيل يحبه،
هشام : خلاص شهم الحين يسمعك!
ام شهم : جعلك م تفقده ي يمه، تعال شوفه وتطمن عليه،
هشام : يمه خلاص روحي ارتاحي _ التفت لشهم_ قوم تعال نتكلم شوي،
ابتسمت له و مشت و شهم دخل الغرفه وراه و جلس : قول لي وش صار! شلون اغمى عليه،
ناظر هشام بعيد عن اخوه تنهد وبعد فتره تكلم : انت تعرف ان ولدك تعبان و كم مره قلت لك جيب له ممرض يهتم فيه ورفضت!! _رفع يده وناظر الساعه_ جينا عليه لقيناه طايح،
شهم : هشام انا اكثر شخص مهتم في صحته و فكرت اجيب له ممرض! بس شلون اذا تقدر انت تضبط هالموضوع!
هشام : خلها علي _ مد يده و طبطب على كتف شهم و ابتسم _ لازم تقوي قلبك مو كل مره يتعب بدر تنهار علينا،
