مرحباً💙،
كان الأمان بنظري أن تربت على كتفي، كان يكفيني وقت حزني أن تمسك يدي، لا أطلب أن تضحي وتخوض الحروب من أجلي، أريد أن أشعر فقط أنك معي لكنك للأسف خذلتني"
________________________
طلع كل الرسومات من مكتبه و ابتسم لما شافهم و تذكر كل مراحله الصعبه الي مر فيها نفسياً وجسدياً و ايش كان شعوره و للحظه حس انه فخور بنفسه،
و كأنه صنع له طريق جديد بدا من الصفر عشان يوصل للي يبيه و يحقق رغبته و بداخله نوع من انواع الراحه انه قدر ياخذ حقه،
زادت ابتسامه ساجي لما شاف بدر الي مسوي حوسه من الرسومات الطفوليه و الالوان شلون متناثره بكل مكان وكل شوي يتافف وما تعجبه رسمته،
قرب ساجي له و جلس ع احد المقاعد و حط قدامه مل الرسومات و حط يده فوقها و عيونه ع بدر الي مو فاهم شي و ينتظره يتكلم،
ضحك ساجي بهدوء و مد له رسمه : هذي رسوماتي .. عندي كثير و انا بعمرك بس كلها اختفت،
فتح بدر فمه بأنبهار و كـ طفل بعمره يحس هالشي عظيم مره : الله شلون رسمتها كذا،
حط ساجي يده ع يد بدر : بعلمك و بعلمك شلون تمسك القلم بعد بس يبي لك وقت،
تنهد بدر و اخذ رسمه ساجي و بدا يقلد فيها لعل وعسى انه يرسم مثله و ساجي يراقبه هو مبسوط فيه بس قطع عليه صوت الجوال ،
طلع ساجي الجوال و عقد حواجبه لما شاف اسمه و وقف و فتح الخط : نعم!،
تكلم راكان بصوت خافت شوي : زعيم هذا بدا يهلوس و يتكلم كلام مو مفهوم،
ضحك ساجي و عض شفته : و ايش يقول تكلم بشي مهم و يفيدني،
رفع راكان اكتافه بـ لا : م اظن لان كل كلامه عن شخص اسمه رعد و احياناً شخص اسمه سلطان اظن انه يعرفهم،
تبدلت ملامح ساجي لـ كره وحقد : و ايش يقول عن الزفت سلطان وين ممكن القاه!،
جلس راكان و قباله سامي الي نايم وهو جالس ع الكرسي و يأن : م اعرف يقول مالي دخل وكله منه وينادي في اسمه،
ابتسم ساجي بخبث و حس انه وصل للي يبيه : ابيك تخفف عليه جرعات و تبدا تحقق معاه ابيه يعترف بكل شي وين بيته ومين يشتغل معاه،
