هاي💙
تفصل بيننا مئات الشوارع والمُدن والطُرق ومازلت هنا في صدري أُحبك كما لو أنني أنظُر إليك في كُل ثانية وأحتضن يديك.
600 كومنت ( لا تنسون ⭐️)= بارت جديد،
__________________________دخل عليهم و ملامحه واضح فيها الغضب و الزعل وعاقد حواجبه، وزع نظره عليهم كلهم و بعد فتره قرب لين صار قبالهم تأفف وسحب الكرسي وجلس عليه،
تكلم ببرود عكس الي داخله : ليش ما قتلتوه المفروض من دخل هنا قتلتوه وش تنتظرون،
ناظره سند مستغرب تصرفاته بالفتره الاخيره : وليش نقتله انا لما خطفته قلتوا لي خطف وبس كـ تهديد لكايد،
تكلم ساجي وعيونه مركزها ع يدينه : لازم ينقتل هذا كان معاهم بكل شي وبكل خطوه ... اقذر شخص من بينهم،
ناظر سند لرعد الي يلعب بدخانه ومو مهتم لكل كلامهم، رجع نظره لساجي وبهدوء : نعرف انه معاهم بس هذي مو خطتنا ولا هذا الي نبيه اساساً،
انقهر ساجي وفرك عيونه و مسح على وجهه، حاول يهدي نفسه وما ينفعل : كل شخص يخص كايد لازم ينقتل ولا شلون باخذ حقي منه وش ابي فيه جالس عندي،
رفع رعد حاجبه وحط رجل ع رجل و تكلم بصوت شوي عالي وبملل : بس هذا مو اتفاقنا ساجي كل شوي لك راي وكل شوي خطه جديده ما يصير،
ناظره ساجي و رد عليه بنفس نبرته : وش هو اتفاقنا ذكرني نسيت،
تدخل سند لانه يعرف وقاحه رعد وخاف يجرحه بكلامه : انت قلت نخطفه و نجبر كايد يدفع لنا فلوس وكل مره نزيد عليه لين نسحبه ومنها نخلص عليه،
ساجي ببساطه : نقتله و نقول لهم انه عايش وناخذ فلوسه و بعدها نستدرج كايد خلاص سهله،
تدخل رعد بضحكه : اي لان كايد قطو سهل نستدرجه،
سند بجديه وما اهتم لتدخلات رعد و عيونه على ساجي : انت ما تعرف كايد لكذا لا تتعامل مع الموضوع بسهوله تراه ذكي وكل خطواته مدروسه صح،
تكلم صقر اخيراً بعد ما سمع كلامهم كله : كلام سند صح و سلطان لو انقتل كأننا حرقنا كرت مهم و لا استفدنا شي،
تنهد رعد وطلع من دخانه سقاره واعطاها سند و اخذ له وحده : ايه هذا الكلام الصح،