هاي💙.
رغم عيوبك ..رغم قسوتك ..وأنانيتك وجنونك مكتفي بك ..محتضنا سيائتك بكل احتواء وود..أتبادر أم تكتسي كبريائك وتنتظر،
(800 كومنت(⭐️) = بارت جديد،)
________________________
من لما طاحت عيونه عليه حس في قشعريره تسري بكامل جسده و دقات قلبه الي ما قدر يخفيها من ورى ضلوعه صدمه ذهول عدم تصديق،
مشاعر كثيره داخله ما تنوصف عيونه تتنقل بكل انحاء الشخص الي قدامه يبي يستوعب هل هي حقيقه او خيال هل فعلاً هو موجود،
بلع ريقه و وقف وعيونه ما زالت عليه ما يبي يرمش حتى خاف لو رمش يمكن يختفي و يطلع من هالحلم الي بكل تفاصيله جميل،
صح مو نفس ذاك الشخص فيه اشياء كثيره تغيرت نظرته كتوفه صارت اعرض شعره قصير و ملامحه اكثر حده من قبل و اعطته هيبه خصوصاً مع لباسه،
مشى ببطئ من خلف المكتب و تكلم بعقده حاجب : هشام ... ايش تسوي هنا،
هشام ما كان اقل مشاعر منه بالعكس كان اضعافه و هالشي ضايقه انها ما زالت مشاعره نفسه وما تغيرت المفروض من اليوم الي طلع فيه من هالمكان تختفي،
بس لما نطق اسمه دق قلبه بعنف و رجف كل انش فيه و اجبره يرضخ تقدم هو الاخر ما عرف وش يقول لان كل الغضب و الحقد و الكلام الي مرتبه كله تلاشى،
استغرب كايد صمته و لحس شفايفه وعيونه عليه يبي يشبع منه اشتاق له و اشتاق يشوفه اشتاق يلمسه اشتاق يسمع اسمه من فمه،
م حب كايد هالصمت يبي يسمع صوته ما صار عنده فضول تجاه الشي الي خلاه يدخل عليه كذا يبي في هالحظه .. يشبع من شوفته!،
كسر كايد هالصمت : ايش تسوي هنا،
بلع هشام ريقه وحس نفسه بتوتر رغم السنين الي بعدوا عن بعض فيها الا ان كايد يوتره دايم رفع كايد حاجبه و قرب من مكتبه وسند ظهره عليه،
تنهد هشام واخيراً حط عينه بعيون كايد : في موضوع لازم نتكلم فيه،
ابتسم كايد ومرر يده ع شفته المبلله : جايني بصفتك ضابط ولا .... هشام،
شد هشام ع يده كره شعوره الي حالياً كره شعوره انه اشتاق انه يبي ينسى كل الي يبي يقوله ويقول احبك و اشتقت يبي يرمي كل شي وراه ويقرب له اكثر،
