بسمة أمل( إسكريبتس)

اليأس

فكي التكشيره 💝💝 واضحكي ضحكه كبيره ❤
بسرعه بسرعه 💐
صلي على سيدنا محمد افضل الخلق والمرسلين 💐
نخش في صلب الموضوع على طول 💞💞

جهاد  : كل حاجه في يومي ممله مفيش حاجه حلوه
مفيش خروج مفيش حاجه مميزه كده الروتين عادي
وكله ملل في ملل  .

سما : وانا برضو حاجه تخنق كده وكفايه انه خنقه
في البيت وكل شغل في شغل ولا الخدامه الفليبنيه

جهاد  : ده حتي بيقبضوها بالدولار بلا نيله

صمود بضحك  : انتم حالكم يصعب عالكافر لي كده

سما وهي تضع يدها اسفل وجهها : مفيش يابنتي احنا كويسين اهو.

صمود بضحك  : كده انتم مطلقين تلات مرات يابنتى.

جهاد بضحك هي الاخري : تلات مرات بس قولي
خمسه  .

صمود بجديه : انتم مدايقين لي دلوقتي؟؟

جهاد  :  خنقه في البيت  دايما يابنتي وكل شغل
في شغل

صمود بهدوء :  لما بتعملي شغل البيت وتكوني ناويه انه لله مش عشان حد .... بتاخدي عليه حسنات
شوفي بقا ياستي بتاخدي حسنات اد ايه
وكفايه انك وسط اهلك دي اكبر نعمه تشكري ربنا
عليها وتقولي الحمدلله رب العالمين

سما : الحمدلله دائما وابدا... بس كل حاجه ملل وزهق والروتين مبيتغيرش  ... وموضوع كورونا والفيروسات اللي بتظهر جديده دي... الواحد مخنوق من الكلام ده وخايف ان يجيله الامراض دي  .

صمود بتفاؤل : والله لو مقدر ان يجيلك مرض هيجيلك...ومتنسيش ان الامراض دي جنود من عند ربنا وجايه تاخد ناس معينه وبس  ... احنا هناخد بالاسباب ونعمل اللي علينا ونسيب الباقي على اللى
خلقنا...لوعملنا اييييي ومقدر لنا ان احنا نموت هنموت  .
قال تعالى: (يَدٍرکْکْمً آلَمًوٌتٌ وٌلَوٌ کْنِتٌمً فُيَ بًروٌجّ مًشُيَدٍهّ ).

جهاد  : ونعم بالله...  وموضوع تاجيل الامتحانات عشان كورونا ده... سبب مشاكل كتيره كل الطلاب نسيوا المناهج ومحتارين هيدخلوا امتحانات الترم
الاول ولا لا  !!

سما بضحك  : دي المناهج اتبخرت مش اتنست بس...  بس في الاول وفي الاخر اللي بيحكم على الموضوع من بره وبيدي رايه  غير صاحب الموضوع.

صمود  : صح ياسما... زي اللي بيشتم في اي اللاعب انه مجبش الجول ده... ويقول دي سهله ده كان ممكن يجيب الجول ده في ثانيه بس مش  هو اللي في الملعب و بيلعب كوره...  ممكن يكون مضغوط
او في حاجه منعته او او.... أسباب كتيير اووي
نفس اللي بيحصل في التعليم احنا بنحكم من
مكاننا ومش مضغوطين زي اللي بيحطوا القرارات.

سما : بس احنا زهقنا ونسينا المناهج ومش عارفين
نذاكر حاجه ولا نلم المناهج.

صمود  : بس لازم تعملي اللي عليكي وتذاكري
حتى لو مفيش وقت اعملي اللي عليكي وسيبي الباقي على ربنا  ...ولازم تاخدي بالاسباب ومش
بس كده تتوكلي على ربنا كمان.

قال رسول الله صلي الله عليه وسلم : «احرصْ على ما ينفعك، واستعنْ بالله ولا تَعْجَزْ»

قال تعالى:”فَإِذَا عَزَمْتَ فَتَوَكَّلْ عَلَى اللّهِ”

قال تعالى  ( وٌمًنِ يَتٌوٌکْلَ عٌلَﮯ آلَلَهّ فُهّوٌ حًسِبًهّ )

جهاد بحزن  : اتوكل على ربنا ازاي  !!
انا بقالي كتير مصلتش وبعييده عن ربنا ولا بذكره
ولا بقرا قرآن...ادعيله دلوقتي لما احتاجله هيستاجبلي ازاي ويكون معايا

صمود  : هو اصلا معاكي وشايفك علي طول ومهما تعصيه او تكوني بعيدة عنه...هو مستنيكي ترجعيله
مستنيكى ترفعي ايدك وتقولي يارب  !!
ممكن لو طلبتي من حد كذا طلب يزهق ويهرب
انما ربنا بيزعل لو مطلبتيش منه...دايما ادعي ربنا
واستغفريله على كل ذنوبك ياجهاد وهو هيسامحك
وهيعفو عنك ياحبيبتي...ومتياسيش ابدا من عفو ربنا ومغفرته  .
قال تعالى  :(إنِهّ لَآيَيَأسِ مًنِ روٌحً آلَلَهّ آلَآ آلَقُوٌمً آلَکْآفُروٌنِ  )

سما  : بس هي بتقول بقالها كتير مقراتش قران
ده اللي مقراش قرآن تلات ايام اسمه هاجر للقرآن.

صمود  : ياسما كل الابواب مفتوحه للتوبه دايما
بتقفليها في وشها لي  !! ربنا غفور رحيم
اتذكر آيات كتير في القرآن بعفو ومغفرة وحلم
ربنا سبحانه وتعالى.

قال تعالى  :(وٌآلَلَهّ غُفُوٌر رحًيَمً )
                (وٌآلَلَهّ عٌلَيَمً حًلَيَمً )

جهاد  : بجد شكرا ياصمود انتي  فائلتيني اوي وان شاءلله مش هبعد عن ربنا وهصلي على  طول  .

صمود بحب : ان شاءلله دايما خليكي  مع ربنا  عشان يرضى  عنك  وساعتها حياتك هتتحسن وهتحسي برضا وتفاؤل وامان.

قال  رسول الله صلى الله عليه وسلم 
“احفظ الله تجده أمامك، تعرف إلى الله في الرخاء يعرفك في الشدة، واعلم أن ما أخطأك لم يكن ليصيبك. وما أصابك لم يكن ليخطئك، واعلم أن النصر مع الصبر، وأن الفرج مع الكرب وأن مع العسر يسراً”.

سما  :  حقيقي التفاؤل جميل  اووي المفروض كلنا
نكون زيك متفائلين.

~~~~~~~~~~~~~~~~~~~

كده البارت خلص يا حلوين 💗💗🎀
يارب يكون عجبكم ويكون كلامي خفيف عليكم ومتنسوش الفوت 🌸 والكومنتس  🌹🌹
نتقابل في بارت جديد ... 💋💋
دمتم في خير .... 💐💐
والسلام عليكم ورحمة الله وبركاته 💞💞

~~~~~~~~~~~~~~~~~~~~