بسمة أمل( إسكريبتس)

فترة المراهقه

فكي التكشيره 💝💝 واضحكي ضحكه كبيره ❤
بسرعه بسرعه 💐
صلي على سيدنا محمد افضل الخلق والمرسلين 💐
نخش في صلب الموضوع على طول 💞💞

ساره  :انا  وحيده اوي  محتاجة حد يكون جنبي... محتاجه حد يفهمني ويكون سند ليا.

هاجر  : يعني سند زي مين  !!

ساره  : عايزه إحتواء  ... شاب يفهمني ويكون سند ليا..عاوزه حد يفهمني... يشاركني في تفاصيل يومي.. عاوزة حد جنبي علي طول... عشان انا حاسه بوحده وبفراغ عاطفي كبير اوي  .

هاجر  :  لي حاسه بوحده... في أهلك جنبك وفي صحابك حواليكي  !!

ساره  :  أهلي مش فاهمني  ....ولا اقدر اقول لحد منهم حاجه...  وحتى صحابي كلهم فتانين... مفيش واحده فيهم بتصون سري. 

هاجر  : انتي اختيارك غلط  ... مبتختاريش صحاب جدعان... اللي انتي بتمشي معاهم دول ميتسموش صحاب  ... صحاب سكه من الاخر  او للضحك والهزار بس... دوري علي صحاب  جدعان يقفوا جنبك دايما ويصونوا سرك .... او إحكي سرك لمامتك !

ساره بحزن  : ماما مش صحبتي ومتعودتش اقولها حاجه  ...  وهي بعيده عني اوي... مقدرش أقولها حاجه  😥 معرفش احكيلها عن حاجه  أصلا... مره حكتلها عن واحد بيعاكسني في الشارع راحت قالت لبابايا وراح اتخانق مع الشاب ده وحصلت مشكله كبيره  🤦‍♀️😥

هاجر  : انتي مكبره الموضوع كده ليه يابنتي!!
ده مامتك المفروض تكون سرك يعني 🤷‍♀️😍

ساره  :  معرفش احكيلها حاجه  للاسف ...
في مره حكتلها عن واحد بيعاكسني في الشارع
راحت قالت لبابايا وراح اتخانق مع الشاب ده
وحصلت مشكله كبيره  🤦‍♀️😥

هاجر بضحك : نهار اسوح  ... لي يعني كل ده  😂
ماكل البنات بتتعاكس.. الموضوع  كبر لي كده 😂

ساره  : اهو ده اللي حصل  🤷‍♀️

هاجر  : خلاص شوفي صاحبه تقف جنبك ... وتفضل معاكي دايما  .

ساره  : انا عاوزه حد يفهمني ويعرف قيمتي كويس.

هاجر  : تقصدي اي  !  إوعي تكوني عاوزه تكلمي شباب  ...   اللي بيدخل الطريق داا صعب يخرج منه...  !

ساره  : اه الصراحه... في ولد عاوز يكلمني هو جاري.. وبيحبني جدا.

هاجر  : لو بيحبك فعلاً مكنش يكلمك...كان يدخل البيت من بابه ويتقدملك   ... انما ميعملش زي الحرامي ويدخل البيت من الشباك  ....فاهماني  !!

ساره  : يتقدملي اي بس دلوقتي  !!  احنا لسه صغيرين علي الخطوبه والكلام ده  .

هاجر  : مش شرط خطوبه  ... هو يجي ويطلب ايدك من ابوكي...  علي الاقل تقرأوا  فاتحه   اسمعي كلامي عشان متخونيش ثقة باباكي... عشان يكون كل حاجه رسميه  .