اتجوز بعدها ب 6 شهور متخيل ي يوسف 6 شهور بس مكنتش لسه فوقت من صدمه موت ماما بابا صدمني بجحوده ف الجواز بعدها..! كنت شبه منهاره بس صحابي كانو دايما ف ضهري عافرت علشان اجيب مجموع عالي وامشي من بنها كلها بعد ما معرفتش اتأقلم مع مرات بابا اللي بقي يفضلها ف كل حاجه،، صحابي زكرولي و سندوني ب الفعل نجحنا وجاينا هنا آه نفسيتي مرتاحه و آه شهور الاجازه بتبقي سوده لاني مضطره اواجه الحقيقه بس اصحابي برضو بيفضلو معايا لحد ما يمرو و نيجي هنا تاني
يوسف / شكل اصحابك بيحبوكي اوي ♥
نغم / معايا بقالهم سنين كل واحده فيهم واخده حاجه من امي التلاته بيكلمو بعض ف طباعها عندك مثلا أكل سهيله،، حضن مروة نصيحه اية واحتوائها ليا،، مليش غيرهم انت بقي ليك صحاب
يوسف / ليا صحاب كتير بس ع الورق عارفه انتي اللمه المزيفه مليش غير واحد قريب وسافر من سنه و من ساعتها و انا كل ما اتخنق اهرب للمكان دا
نغم / وعلاقتك اتقطعت معاه
يوسف / لا هو آه سافر بس موجود دايما هو اقرب من اي واحد بعيد هنا
نغم / ربنا يخلهولك،، انا همشي لان الوقت اتاخر و شكرا علي حمص الشام ♥
يوسف / تمشي فين تعالي اركبي العربيه هوصلك
نغم / لا ملهوش لزوم البيت قريب من هنا
يوسف / نغم خفي!
نغم / ركبت معاه العربيه ووصلنا المسافه كانت يدوب خمس دقايق بس لاول مره ابقي مطمنه عمري ما أمنت لحد كدا غير مالك،، مع يوسف كنت حاسه اني ف مكاني الصح مكنش للخوف مكان و لم وصلنا لقيت سهيله و مروة واية قاعدين علي باب العمارة
مروة/ مش دي عربيه يوسف!
اية/ نغم و يوسف! و سوا!
سهيله/ دا بيعمل اي معاها دا لا و نغم ف عربيه يوسف و اه صدمتاه
نغم/ ما شاء الله علي التهزيق اللي هاخده دلوقت 😂
يوسف/ اي في اي !
نغم /مانتش شايف البصه كل واحده واقفه متنحه و رفعه حاجبها ازاي امي الي جواهم هتظهر دلوقت
يوسف /اول مرة اشوفك قلقانه 😂خايفه منهم ولا اي ؟
نغم /لالا مش حوار خايفه
يوسف /طب انزلي اسلم عليهم
نغم/ ت.. ت. تسلم عليهم!
يوسف/ آه اس..اس.. اسلم انزلي 😂
اية /كنتي فين ي ست انتي قلقتينا ي ماما
سهيله /* خبطتها ف دراعها،، بس ي ام لسان طويل اخرسي *
احم اي ي نغم كنتي فين قلقتينا عليكي ي حببتي
اية /و يوسف هنا لي ؟
سهيله /* ي بنتي اخرسي بقي
يوسف /ولا حاجه ي اية شوفتها ماشيه تايهه ع النيل فجبتهالكم
اية/ آه قولتلي مكتئبه كالعاده و ماشيه مكشره صح
نغم /اية!
مروة /وتلاقيها ماشيه تايهه كدا و مش مديه للدنيا اهميه و سرحانه
نغم/ ما تتلمو بقي
يوسف/ بتوصفوها بالمللي ما شاء الله
نغم/ والله
يوسف /طب يلا اطلعو علشان الوقت اتاخر
* سابونا لوحدنا*
يوسف /مكنتش متوقع الصدفه تجمعنا انهاردا بس حقيقي يسلملي القدر اللي بيلعب اللعبه دي معانا و تسلملي ضحكتك دي متكشريش تاني..اشوفك قريب ♥
* سبني ومشي وانا مصدومه بس طيف الهواء كان بيلاعب ضحكتي و قلبي حقيقي مرتاح.. و كالعاده لم طلعت قرروني وحكيت بالتفصيل الممل اللي حصل
سهيله /يعني يوسف كان بيشوف كوابيس زيك مامته متوفيه باباه متجوز بيهرب لنفس المكان..لم بيشوفك مبيحلمش بكاوبيس ..اي دا
نغم /آه حد يفهمني يعني اي كميه الصدف دي بقي
أية /بصي ي نغم زي ما قولتي ي بطل انت القدر بيلعب لعبته معاكي
مروة/ زي ما قالت المتخلفه دي بالظبط فارجوكي سيبي قلبك المرة دي و احنا معاكي اهو كالعاده لو حصل حاجه احنا ف ضهرك
* اترميت ف حضن مروة * بس انا خايفه 💔
مروة/ *طبطبت علي دماغي * متخافيش احنا معاكي ♥
نغم/ للمرة المليون بقولك اني ف حضنك ببقي ف حضن امي
اية/ طب واحنا ي اخت *نطوا علينا الاتنين و فضلنا قاعدين *
* عدا الليل وانا بفكر ف كميه الصدف اللي تجمعنا من وجوده لقربه لقلبي و راحتي معاه
* نمت وانا مش حاسه باي حاجه و كأني غرقانه لحد ما صحيت الصبح فتحت الاكونت بتاعه لقيته منزل بوست بيقول " شكرا للقدر اللي بيبعت الناس اللي قلوبنا ف حاجة ليهم ف الوقت الصح "♥
فرحت و برضو مستغربه ازاي مكلمنيش علي الفيس طب ازاي مطلبش رقمي،، معقوله القدر بس اللي بيجمعنا و رجعت ملامح الخوف تتملك وشي خايفه من اللي جاي،، خايفه من قلبي و اني افتحه،، خايفه من حب مالك اللي لسه مسيطر علي قلبي طب هنساه ازاي؟ او هأمن لحد غيره ازاي ،، حاولت مفكرش ف الموضوع
* الغريبه انه اختفي لمده اسبوع مبيجيش الكليه مبشوفهوش،، مبينزلش اي حاجه علي الفيس كان عندي فضول ابعتله مسج بس مرضتش،، فقررت اني اروح عند النيل آه اول مره اروح وانا مش مكتئبه ولا بفكر ف حاجه كنت رايحه بس علشان اشوفه بس،، قلبي كان حاسسني اني هشوفه و هيجي
روحت المكان اللي كنا فيه و قعدت حطيت الهاند فري ووشي للنيل فضلت ساعه كل شويه ابص حواليا و عقلي يقولي قومي امشي و قلبي يقولي لا استني هيجيي لحد ما لقيت اللي بيخبط علي كتفي
../ خدي حمص الشام من ايدي
نغم / يوسف جيت بجد ..!
#وانا_التي_لا_أميل_قد_ملت_لقلبك الجزء الرابع
#مي_مراد
