***************اخر جزء ****************
* فضلنا ماشيين و هو ماسك ايدي لحد ما بعدنا عنهم
مروة / اسمعني والله العظيم كنت هقولك
زين / تقوليلي اي بتخبي عليا ي مروة بتستغفليني
مروة / ي زين والله
زين / طب ماضيكي ومليش دعوه بيه انما تردي عليه الفجر دا متاكد انك بتحبيه متاكد..
مروة/ اسمعني انت عارف اني بحبك انت والله نسيته والله
زين / ومقولتليش لي من الاول
مروة /خوفت خوفت منكملش او تبعد زيه خوفت انهار و امسك ايديك وانت تسبني،، خوفت اني اتذل واتهان واسمع جمله كل شي قسمه ونصيب بعد ما كنت عايشه ف حاله حب
زين / وانا هطلع زيه ازاي مين دا اصلا مروة متعصينيش
مروة /انت عمرك ما عليت صوتك عليا كدا ولا زعقتلي
زين / علشان انتي عصبتيني انتي عارفه يعني ابقي واقف و واحد يقولك انتي بتحبيني انتي رديتي عليا الفجر طب دانا مكلمك الصبح ازاي تخبي عليا
* قعدت ع الارض وعيطت
مروة / هحكيلك اسمعني..
زين / طيب بطلي عياط متعيطيش متعصبنيش اكتر
مروة / مختار ابن عمي كنا عيال صغيره وهما بيقولو مروة لمختار ومختار لمروة فتحت عيوني علي حبه ي زين من وانا عيله صغيره كنت كل يوم بكبر وحبي ليه بيكبر معاه جت مده و هما مشيو من البلد بس حبيته اكتر وقتها و بعدين رجع ورجعنا سوا اهلو كانو نسيوا اصلا الموضوع انت متخيل كنا بنتكلم من صغرنا وسوا لحد ما كبرنا
لحد ما جينا انا دخلت ثانوي وهو مكنش شاطر ودخل دبلوم ومع ذلك مبصتش لاي حاجه من دي والله ولا كان ف دماغي مدام موجود معايا خلاص مختار كان حنين وطيب اوي مكنش يعرف بنات غيري اصلا جيت بعد ما خلصت الثانوي حب انه يفاتح اهله ف الموضوع واتفقنا علي كدا و ف يوم كنا ف فرح و مبسوطين واهله خلاص يعتبر عرفو حبي ليه لقيته بيكلمني بليل بعد الفرح يقولي مش هينفع نكمل احنا مننفعش لبعض، مره واحده بدون مقدمات بعد ما كنت مبسوطه اني معاه ف الفرح اترجيته وفضلت ابكي ومنهاره واكلم قريبنا لحد ما ف يوم قالي بطلي مش هينفع فضلت شهور مدمره مش مصدقه احنا كنت لسه سوا ف الفرح عرفت ان اهله اللي ضغطوا عليه علشان يسبني قالوله ان تفكيري اعلي منه واني مش زي مستواه،، ان االلي زيي هتحتاج عيشه احسن من بتاعته ومش هتستحمل عشتنا ،، ان انا مش شايله مسئوليه انت متخيل مرات عمي و ولادها يعملو معايا كدا وعدت الايام و كلمني بيبكي ومرضتش ارجعله ومن ساعته ام جيت هنا وانا قافله علي قلبي لحد ما جيت انت وشوفتك وحبيتك والله نسيته
زبن / وانتي اي خلاكي تردي عليه امبارح
مروة / والله ما اعرف والله
