**********الجزء التاني **********
سهيلة / يوسف و حمزة سوا اي دا في اي
*حمزة اول ما شافني داخله السوبر ماركت ابتسم و كمل كلام مع يوسف و دخلت علشان اجيب الطلبات فا يوسف شافني
يوسف / سهيلة اي اللي منزلك دلوقت؟!
سهيلة / بجيب الطلبات كالعاده واية عاوزة ايس كريم
يوسف / مش غريب عليها هي دماغها طقة اصلا
سهيلة / لا هما التلاته كدا مش هي لوحدها
يوسف / العاقله اللي فيهم بتتكلم 😂
*حمزه كانت ملامح الاستغراب متملكة وشه وسؤاله اللي داير فدماغه باينلي ف عيونه تعرفي يوسف منين؟!
يوسف / الكلام خدنا اعرفكم دا بش مهندش حمزه ي سهيله مديري الفرعي ف الشغل و هو ال استحملني ف تعليمه و قبل كل دا صاحبي ،، و دي سهيلة تعتبر اخت خطيبتي نغم
حمزة/ اتشرفت ي سهيلة الحقيقه اننا اتعرفنا قبل كدا ي عم
سهيلة / اول ما افتكرت الموقف ضحكت،، آه اتقابلنا قبل كدا هنا ف السوبر ماركت انا والباش مهندس
يوسف / بش مهندس اي ي بنتي حمزه عادي اي الرسميات دي هو آه بش مهندس شاطر و هو اللي فهمني الشغل كله
حمزة / و ياريتك بتفهم
يوسف / يا عم طب حسن صورتي قدمها
حمزة / انت ليك صورة اصلا ي يوسف !
يوسف / الشهادة لله لا،، بس كفايه فضايح علشان دي هتروح تُكب ف عب نغم وش
سهيلة / لا ونبي
يوسف / حقيقه ولا مش حقيقه !
سهيلة / استني هفكر لا حقيقه اتفق 😂ويلا روحلها علشان مستنياك
يوسف / حاضر الكلام خدني يلا عاوزين حاجه
*يوسف مشي
حمزة / اممم اسمك بقي سهيله!
سهيلة / دا سؤال 🙄اه
حمزة / وانا حمزة من غير باش مهندس
سهيلة / آه مانا عارفه من المره اللي فاتت لم كنت ماشي تكلم نفسك
حمزة / ي نهار فضايح
سهيلة / ولا فضايح ولا حاجه يلا عن اذنك
حمزة / اتفضلي
* مشيت وانا بلعن غبائي يعني ساعه ما الفرصه اللي مستنياها جت و وقفت معاه تسرعي خلاني غبيه و روحت ماشيه بس هو اصلا صاحب يوسف يعني هعرف اوصله بعد كدا.. خلصت و مشيت و هو لسه ف السوبر ماركت
حمزة / بس بس
سهيلة / ....
حمزة / سهيله!
