*******اول جزء ******
مروة / ..هو انا لي حاسه ان الهواء انسد من ورايا هو في ايهههه
*بلف وشي انا لوهله رقعت بالصوت و بعدين لقيت اللي بيحط ايديه علي بوقي وسكتني
مروة / عفريت صح،، عفريت بس هو في عفريت حلو كدا،، وهو انا اي اللي خلاني اجي اقف ف الضلمه لوحدي متاذنيش ونبي
../ بس بس انتي هتعيطي انتي مش لسه داعيه
مروة / عفريت بيرد انا اول مره اشوف عفريت بيرد ي ماماااا
../ اتهدي بقي اي التخيل دا اسكتي
مروة/يعني انت مش عفريت
******* Flash back *****
سبتهم ووقفت قدام البحر،، يمكن هدوئي يشبه لموجه،، لوهله اتخنقت و كأن حد حدفلي حمل العالم كله جوة قلبي
سؤال دايما شغلني هو لي العالم مكنش منصف معانا من البدايه ،، لي لازم نتوجع الاول علشان نفرح بعدين
يعني فرحة سهيلة بالدبله اللي بتتحط ف ايديها دلوقت دفعت قدامها عياط و قهرة قلب من اللي احمد عمله فيها اهي دلوقت قلبها دق من جديد بحب واحد تاني طب لي مبنقبلش الشخص الصح من اول مرة،،
كذلك نغم لهفه عيونها ليوسف وهو مش واخد باله ،، تقول انها لاول مرة تعرف الحب
*انا اللي جربته لحد دلوقت قهره القلب و وجع الحب و مراره هو انا ممكن اعيش الحلو اللي فيه لي بقيت كدا و لي حياتي وصلت لكدا ،، انا كنت اكتر واحده بتضحك ف العالم بس فجاة السكوت صابني و صاب قلبي،، نفسي جدا ارجع لحياتي الهبله آه هو كله بيقول هبلة بس نفسي ارجع كدا من قلبي و مديش للدنيا اهميه مبقاش يوصل لقلبي إلا البرود ،، تقريبا انا فضلت امثل القوه و البرود لحد ما احتلتني خالص ،، آه نسيته و مبقتش احبه وآه عدا وقت طويل والوقت فعلا بينسي،، بس انا قلبي حزين و عاوزه احب انا عاوزه احب يارب،، عاوزه واحده حليوة كدا وامور يخطفني هو انا صعب اتحب
دي النيلة عليا وعلي غمي هو انا قلبها غم كدا لي وواقفه لوحدي ع البحر كدا اي هعيط ولا اي لا يارب مش عاوزه ابقي عيوطه يارب
******** الحاضر *****
مروة / يعني انت مش عفريت ؟!
../ وهو في عفريت بيتكلم يعني
مروة / لا مهو مفيش عفريت ضحكته حلوة كدا، هو انا بقول اي انت مين يا باشا ..!
../ عفريت بجد،، ومتوقفيش لوحدك تاني هنا للبحر يسحبك اصله بيحب يحسب الناس القمر
مروة / والله ،، وهو في عفريت بيعاكس؟!
../ هو في عفريت يشوف القمر دا و ميعاكش
مروة / والله بعد اذنك ..
../ اقفي هنا لسخطك
مروة / دي النيله عليا انت مين ي عم ..!
