****** الجزء ما قبل الاخير 😅❤*********
نمنا م الهلكه االي كنا فيه
الفتره دي عدت بوجود عاصي ف اي تجمع لينا لبدايه قربنا من بعض،، كل يومين خروج و طبعا كل واحد ياخد حبيبته وافضل انا و عاصي نرغي و نهزر،، قربنا من بعض بحكاوينا،، كان يجمعنا كلام عن اهله شوية وانه ملهوش اخوات،، لشغله و ساعه سافره وحزنه انه سايب يوسف،، منكرش مكنش بيتصل بيا كان كل كلامنا شات لم يلاقيني مختفيه و يوم ما نتقابل يبعتلي مسج معتاده فرحت بشوفتك و لو حتي كنت معاه قبلها بيوم،، بدا يعودني علي تفاصيله و علي وجوده و علي هزارنا وانه بدا يلقط من تخلفي،، يوم ف التاني ف التالت وكان فاضل اسبوع علي سفره.....! و كان بقالنا اربع ايام تقريبا مبنتقبلش و دي كانت اول مرة اسمع صوته ف الموبايل
اية / عاصي !
عاصي / اية انزلي انا تحت البيت بتاعك
اية / تحت فين عندي ؟
عاصي / آه انزلي
اية / مال صوتك ؟
عاصي / مفيش عاوز اتكلم معاكي شويه
اية / حاضر نازله
* لبست و نزلت
اهلا اهلا استاذ عاصي
عاصي / اركبي يلا
اية / رايحين فين
عاصي / هنقعد ف اي مكان
اية / طيب
* ركبنا العربيه وانا مستغربه ملامح وشه و سكوته،، جاي ف وقت متاخر زي دا و خدني و مش فاهمه ماله بس الضيق كان فعلا مسيطر عليه وصلنا لمكان هادي كدا جنب شط النيل و قعدنا
اية / مالك ي عاصي في اي
عاصي / مش عارف متلغبط يمكن و مضايق
اية / لي بس اي اللي حصل
عاصي / الناس من الشغل كلموني و بياكدو حجز الطياره يوم الخميس
اية / * ملامح الحزن سيطرت علي وشي لا اردايا و معرفتش اتحكم فيها تقرببا مش انا اللي زعلت دا قلبي اللي زعل علي بعده بعد ما كنت اتعودت عليه * هتسافر! علشان كدا مضايق ؟
عاصي / مبحبش اتعود علي حاجه و ابعد عنها
اية / هتتعود من جديد متقلقش
عاصي / انا اتعودت علي الكلام معاكي علي شوفتك،، و اقصد كمان حمزة و زين و كله،، مبحبش اشوف يوسف وابعد عنه تاني ،، وفوق كل دا اهلي اللي فراقهم ف كل مرة بيبقي صعب
اية /* فرحت اني كنت قبل اي حاجه ف كلامه * اهدا بس متضايقش نفسك مهو شغلك وانت مجبور علي كدا،، و مسيرك ف يوم هترجع و تلاقينا برضو كلنا هنروح فين يعني
عاصي / هتستنيني
اية / * و كأنه بياخد وعد مني * هستناك فين هو انا هروح فين ي عم يعني انا موجوده اهو
