******** الجزء الاخير ********
طلعنا من المطبخ و انا فاردة وشي شويه
يوسف / هش هش نغم مكنتش اعرف ف يوم ان اية هتحب اوي كدا
نغم / لا اية حبيته و اتعلقت بيه صحبتي وانا عرفاها و دلوقت هو هيبعد و الخوف متملكها ..
يوسف / هيرجع لانه يستاهلها و شبهها
* فضلنا قاعدين شويه و كان الوقت اتأخر ،، كانت لحظه الوداع اللي قلبي بيهرب منها طول القاعده دي او طول الاسبوع عموما،، هحفظ التفاصيل دي كلها لحد ما اقبله بعد سنه،، مهما حاولت اشبع من ملامحه بحس انها نقطه ف بحره،، بحر عيونه يمكن ولا بحر ضحكته لا لا ولا بحر ابتسامته الخفيفه اللي بترد فيا الروح،، و هو روحه حلوه اوي
مروة / نشوف وشك علي خير
سهيلة / لو فرحي اتحدد ف اي وقت القيك ف وشي ف القاعه انت فاهم !
حمزة / داحنا نجبله طياره مخصوص تجيبه
عاصي / تسلموا
زين / انت واحد مننا وانت عارف كدا اي حاجه تعوزها احنا موجودين
* ف اللحظه دي طلعت مامت عاصي من شقتهم وجت علينا
يوسف / اهلا اهلا ست الكل بنفسك جايه عندنا داحنا نفرش الارض ورد بقي
ام عاصي / بس ي بكاش انت هتعوزني ف اي بقي ربنا وعدك بواحدة زي الملايكه جنبك اهي
نغم / تسلميلي ي طنط ربنا يخليكي ،، اتفضلي طيب
ام عاصي / لا انا شوفتكم من الشباك وهو طالع يودعكم كنت عاوزه اسلم عليكم من كتر عاصي ما بيحكيلي عنكم،، باين عليكم كلكم ولاد اصول زي يوسف وعاصي تمم
زين / واحنا نطول ي امي ربنا يخليكي
ام عاصي / تعيش ي حبيبي
* كل واحده عرفتها بنفسها وانا ساكته و لقيتها جايه عليا
ام عاصي / اكيد انتي بقي اية
اية / آه انا ازي حضرتك عامله اي
ام عاصي / * حضنتها * انا عارفه انها صعبه عليكي ابني و علقك بيه زي ماهو متعلق بيك متقلقيش انا موجوده ف اي وقت تشتقيله تعالي اقعدي معايا شويه ..
اية / * ضمتها و دموعي نزلت مني * تسلميلي ي طنط
ام عاصي / لا طنط اي بقي دانا جيالك مخصوص علشان اسمع كلمه ماما من حد غير عاصي
اية / تسلمي ي ماما ♥
ام عاصي / فراقك مش هيبقي سهل عليه برضو بس اهو هتتعودو و بعدين انا لو كنت اعرف ان مرات ابني المستقبليه هتبقي حلوه كدا كنت لغيتله سفره
اية / * ضحكت بصوت عالي * تسلميلي
ام عاصي / ايوة كدا اضحكي تعيطي علشان الواد دهو
