***********الجزء الخامس***********
يوسف /بس بس
نغم /ي...ي..يوسف انت جيت!*في اللحظه دي قلبي اعلن انتصاره والابتسامه تلقائيا بقت علي وشي *
يوسف /خدي بس حمص الشام من ايدي
نغم /حاضر 😂
يوسف /اي ي ست كنت مستنياني!
نغم /لا لا..غريبه اني شوفتك هنا اصلا ..
يوسف /اممم ماشي قولتلك لم بهرب باجي هنا و شوفتك قاعده كنت راكن العربيه بعيد شويه و بتمشي جاي هنا فلقيتك جبت حمص الشام وجيت
نغم /و آه هربان من الكليه بقالك اسبوع لي؟
يوسف /لاحظتي هروبي يعني
نغم /لا مش كدا اصل وجودك مميز ف..
يوسف / ....!
نغم /مقصدش يوه..يعني اقصد متعوده ادخل من الكليه القيك ف وشي فاستغربت بس
يوسف /*ضحك*
نغم /يا عم بقي المهم كنت فين
يوسف/ خلاص متتوتريش مكنتش هربان ولا حاجه جدتي كانت تعبانه فروحتلها اسكندريه اشوفها
نغم/ الف سلامه عليها..♥
يوسف/هي الحاجه الوحيده اللي باقيلي بعد ماما فكان لازم ابقي جنبها
نغم /هي اللي انت بتهربلها لم القاهره كلها متسعش قلبك صح ..!
يوسف/صح... قوليلي بقي قاعدهه هنا لي بعيدا عن انك مستنياني..اي افكارك اتزحمت عليكي تاني ؟
نغم /ي رخم..لا عادي جيت اقعد و بعدين اصلك اختفيت و اخر مره كنت مضايق ف قلقت عليك و زي ما قولتلك كنت جايه اتمشي فقولت يمكن الصدف تجمعنا و اشوفك اطمن عليك عادي يعني
يوسف /* ابتسم * يسلملي قلبك اللي قلق و تسلم الصُدفه المُدبرة اللي وقعتني ف شوفتك يا ست الحسن انتي
نغم /* قلبي اتخلع من مكانه لا بجد اد اي كلامه يريح و اد اي وجوده مختلف و حلو فضلت طول اليوم مستغربه من مشاعري اللي بدات تتغير،، من حالي لفرحتي لم شوفت كلامه اللي سمعته من غير كتير بس قلبي متحركش غير لما يسمعه منه هو،، عارفين لم تحسوا الراحه ف قلوب اللي قدمكم،، مجرد نظره لعيونهم توديها لعالم مليان أمان..دي كانت نظره قلبي لعيونه الجميله ♥
* فضل اليوم دا يكلمني عن جدته و عن اسبوعه ف اسكندريه كنت اضحك لم يقولي اني جيت علي باله ف وسط الكلام.. حكالي عن مامته و فراقها و ان وجود جدته الشئ الوحيد اللي بيطمنه.. قلبي كان بدأ يدوب و سط كلامه و ضحكته..ملامحي كانت تتغير لنبره صوته ف حزنه.. اخر مره كنت قاعده معاه قالي * هيجيي يوم واحكيلك لوحدي *
يوسف عرا ضعفه و حزنه كله قدامي،، اتكلم معايا وكأني معاه من سنين،، و كأني اقربله من قلبه،، مملتش لدقيقه وانا بسمعه،، الوقت اخدنا لساعات كتير واحنا بنتكلم و حقيقي اليوم دا كان مميز لقلبي اللي بدا ينسي خوفه من القرب،، قلبي ف اليوم دا فتح باب لخلق حواديت جديده جواه و قصادها بتتلاشي حواديت مالك.. و لقدري ان معظم مشاكلنا متشابهه معقول يكون يوسف دواء لداء قلبي..♥
