وقعت علي الارض و فضلت اعيط بانهيار
يوسف / اهدي بس في اي
نغم / هو ازاي قدر جبروته دا جابه منين طب هيتجوز انا مابي،، لي بيتصل،، لي بيفكرني ي يوسف فهمني ،، لي يقولي انه بيحبها اسامحه اسامحه ازاي و هو رجع يوجعني من اول وجديد،، فتح جرح فضلت اعافر سنه علشان اقفله واول ما كان بدا يلتئم فتحه من اول وجديد ،، سنه ف نقطه الصفر مبخرجش منها و كل ما اقوم اقع،، سنه وانا بنام معيطه ي يوسف و من ساعه انت ما جيت مبقتش اعيط طب هو لي يرجع يفكرني من اول و جديد ،، عمره ما كان سبب غير ف عياطي و كسرتي
يوسف / * طبطب علبا * اهدي بس و قومي من ع الارض بطلي عياط بقي علشان خاطري قومي بس
* قومت و خدني قعدني فضلت احكيله عن مالك و ازاي سابني ازاي كسرني وقت موت ماما لم ملقتهوش،، لم مكنتش محتاجه غير حضنه و هو اول واحد نافرني ،، و بعد مده لما الكاوبيس زادت عليا بقي يمل يسمع ببرود و يتعامل مع الموضوع عادي دا كان بيتعامل مع موت امي عادي بمبداء ان كلنا هموت كان هيعمل اهميه لكاوبيسي؟
قلبي مكنش متشعلق ف حد غيره ي يوسف،، كان يروحله و يرجع متفتفتت ميت حته و يلملم نفسه و مع اول لحظه ضعف تانيه يروحله من جديد مالك مستحملش حزني ولا كوابيسي و لا زعلي وانهياري فبدون ادني مبررات قرر يبعد و ميبصش وراه حتي،، مسألنيش ولا كان مخلي لقلبي اهميه كل اللي عمله بعد و سكت مبقاش يرد عليا و علي تليفوناتي و انا كنت ف كل لحظه وجع اتصل بيه برضو مهو انا مكنش ليا غيره هو و امي،، فقدت حنيه ابويا اللي نفرني و صدمني بجوازه كنت بدور علي الحنيه ف مالك بس ملقتش غير كل قسوه و وجع
فضلت فتره مش مستوعبه بعده و بقول يمكن مالك القديم يرجعلي بس صحيت ف يوم واتفاجئت بخبر خطوبته مش فاكره حاجه م اليوم دا غير اني فضلت طول اليوم ساكته مبنزلش اي دمعه،، لحد بليل بداءت اضحك ضحك هستيري انتهي بيا لم فوقت ولقيت نفسي ف المستشفي علي جهاز التنفس واخده مهدئات ومش حاسه بالدنيا قالولي ان الضحك الهستيري قلب عياط و هلوسه لحد ما وقعت
هربت من بنها بالذكريات بتاعت ماما و بابا و مالك وخطوبته وجيت هنا بعيدا عن كل دا كنت انام م الكوابيس و اقوم معيطه كل ليله علي كدا لحد ما قابلتك مبقتش احلم بكوابيس مبقتش اعيط وجي انهاردا يطلب السماح علي اللي عمله ي يوسف فهمني دا ينغفرله ازاي! حتي لو حبه قل جوايا بس وجعه لسه مفتفتت قلبي و معلم فيه اوي
يوسف / * مسك ايدي * لا اللي زي دا مينغفرلهوش ،، اللي زي دا والله ما يستاهل قلبك و لا برئتك دي انتي خسارة فيه ي نغم دا باعك محبش اصلا فلازم تفهمي حاجه زي دي و متخلهوش من مجرد اتصال يرجعك لنقطه الصفر متتهزميش بسهوله كدا،، جحوده المفروض يقوي قلبك مش يضعفه
نغم / يمكن حبني بس كان خلاص مل من حزني
يوسف / اللي بيمل دا يبقي محبش مفيش ملل ف الحب دا المفروض كان يبقي قلبه واكله انه يكون اول واحد حنبك اول واحد يسمعلك،، كان يبقي بيحارب علشان يخبي ضعفك ف حضنه مش يزودهولك و يظهرك للناس كدا،، و بعدين ازاي واحد يبقي معاه واحده بطيبتك و البرائه دي و ميعشقهاش مش يحبها! "ربنا هيعوض قلبك ي صغيره و الجبر هيبقي عن قريب "
