********* الجزء التالت ********
زين / مروة انتي كويسه
مروة / هاا * فتحت عيني وهو ماسكني علشان ماقعش توهت ف عيونه،، مين دا مين اللي انا بين ايديه دا *
زين / يبنتي فتحي عينك فوقي كدا انتي تايهه لي
مروة /لا انا كويسه
زين / بقي العيون دي متنمش لايام كدا
* اتنفضت من بين ايديه ولقيته بيضحك
مروة / نعم؟
زين /كان لازم افوقك وارجعك لوعيك بكلمه
مروة /وانت عرفت منين اني منمتش لايام
زين /ما قولنا العيون بتفضح
*ف الخلفيه اشتغلت اغنيه عمرو دياب الجديده
" ما تروحش يابني لطبيب يطبك انت علاجك حبيب يحبك "
زين /طب اي
مروة /عاوز اي
زين /بيقولك حبيب يحبك
مروة /طب وانا مالي
زين /هتحبيني
مروة /لا دي الدوخه راحت فعلا ولا انا شكلي مبسمعش ولا اي بتقول اي معلش
زين /هتحبيني..
مروة /ان شاء الله جمعه مباركه اوعي من قدامي
* مشيت من قدامه وانا دقات قلبي عماله بتزيد هو انا للدرجه دي عيوني فضحتني و بعدين من دا اللي هحبه وانا معرفهوش لا و واثق،، بس دا ظابط ي مروة ممكن يسحلك بس انا معملتش حاجه والله، خليكي قويه بس هو حلو اوي شكلي وانا بين ايديه ورافعه وشي بصه لعيونه كدا اي الفيلم الابيض واسود اللي وقعت فيه دا ياربي
اية / انتي كنتي فين ي ست هنام
مروة/ ف حضنه
نغم/ * كانت بتشرب غصب عنها بخت المايه كلها علي اية * ايه قولتي اي
مروة/ انتي حيوانه ي نغم الفستان
اية/ فستان اي دا لو رموني ف بيسين بغض النظر عن انها مهزءه بهدوء كدا هو سؤال ومش هزعق انتي قولتي ف حضنه صح؟
مروة /* بصتلهم بخوف * صح
نغم / حضن مين بقي ي حبيبتي
مروة/ هو مش حضنه اوي هو بين ايديه
اية /انا بسألك عن اي حصل دلوقت متخليش صوتي يعلي
مروة/ اية الناس وطي صوتك
نغم /انطقي ي مروة بدل ما هلبسك الكعب ف دماغك دلوقت
مروة /زين اخو حمزه
اية/ يا نهار اسود الظابط روحنا ف داهيه روحنا ف داهيه
مروة/ يبنتي هو قفشني بسرق انتي متخلفه انا بس كزت تعبانه و دوخت مره واحده و هو لحقني وقالي اني هحبه
