******** الجزء التالت *******
* ركبنا العربيه و بدأ يتكلم معايا انا مكنش ف عقلي اي حاجه غير ان نغم خلاص سبتنا ،،!
عاصي/ اية سرحانه ف اي؟
اية/ اول يوم مش هنام ف حضنها،، مش هقرفها ف نومتها،، اول يوم مش هلاقي حد ارغي معاه للصبح و لا نضحك و لا نهزر ونصحي مروة و سهيلة ع صوتنا!
عاصي /اهدي بس كدا نغم بقت مع يوسف
اية /طب وانا ؟
عاصي/ عمرها ما هتبقي سهلة عليها صدقينى ،، انتي واحده بس هي سابتكم التلاته،، و مش هيبقي سهل علي يوسف انه يعوضها،، يعني غياب مامتها من جهه وعيشتكم معاها من جهه ،، فمتزودهاش عليها و بعدين انتي هتحسيها ام تحبي و تروحي لبيت جوزك ان شاء الله
اية /انا استحاله،، هفضل معاهم اصلا
عاصي /عارفه ي اية لازم تتفرقوا بس فراق مؤقت و دا اللي انتي بتهربي منه،، في فرق بين الفراق الدايم و الفراق المؤقت
اية/ و اللي هو
عاصي/ الفراق الدايم دا انكم هتبعدو خالص و دا عمره ما هيحصل انما المؤقت انكم هتتفرقوا ف بيوتكم انما مش ف تفاصيلكم و قربكم لان دا هيفضل موجود يستي لم تتجوز اشتروا شقق جنبها و اهو تبقوا جيران
اية/ تصدق فكرة حلوه
عاصي/ لا وانتي شكلك شقتك هتبقي جاهزة علي طول جنبها
اية/ هااا دا ال هو ازاي
عاصي/ ملكيش علاقه
اية/ هو انا من ساعه ما شوفتك تقولي ملكيش علاقه ملكيش علاقه دا لي ان شاء الله
عاصي /علشان فضولك يعلي شويه
اية / ما شاء الله دانت عرفت اني فضوليه من اول يوم اهو
عاصي/ امال يبنتي
* شغل اغاني و سرحت ف الطريق وكل شويه ابص لعربيه نغم اللي قدامي و ساكته
*************
سهيلة/ حاسه ان في كميه عياط جوايا عاوزه تنفجر
حمزة /لا دا انتي العاقله اللي فيهم استهدي بالله كدا
سهيلة /مش سهل عليا بعدها
حمزة /دا بعد مؤقت ي سهيلة
سهيلة/ يعني اي
حمزة /يعني يستي المنطقه بتاعهم عجبتني و البيت اللي جنبهم بيبتين عجبني و نسأل الله التساهيل خلصنا فيه
سهيلة/ بتهزر،، قول انك بتهزر
حمزة/ لا مبهزرش اكيد مش هنسيب امي هناك لوحدها هي وابويا وانا و زين شغلنا هنا فلسه مخلصين فيه وكانت مفاجاة محضرهالك ،، البيت تلات ادوار و كبير يعني امي دور و معاليكي دور،، وزين ومروة دور
