جمانه : جنت واكفه يم باب الصاله واشوفهم يسلمون وفاتن تشبك بنات خالاتها مثل المسودنه 🙄😂 انوب انتبهت اكو وحده لابسه ماروني ومربربه اشويه وبشرتها حنطيه على بياض وحافه حواجبها وحاطه تاتو طوخ 🙄🙂 وتباوعلي من فوك اليجوه يمكن هاي نسرين الي خابصتنه بيها السعلوه
قيصر: وين صافنه ام الجوج 😊
جمانه: 🙂🙌🏻 الله ياخذك فززتني اتنحنح كول شي شبيك بعدين ليش هيج فرحان واعصابك هادئه خليتني اتشائم 🙄🙂
قيصر: 😂😂 ناوي افتح صفحه جديده بدون مشاكل واصير حباب بعدين ماكلتيلي ليش تشائمين 🙄
جمانه: اتشائم اذا اشوفك انته او واحد من عائلتك فرحان ويضحك لازم تشوفون المر 😈 مثلي 🙂😂
قيصر: 😂 كلشي يلوكلج اله دور الشريره لان شكلج كيوت مو مال هاي السوالف
جمانه: انجب 🙂😂 انته عدوي اذا صرت صديقي بعد وي منو اتعارك وعلى منو اصب جام غضبي 😌 راح ابقى اضايقك منا اليوم القيامه 🤭✌🏻
قيصر: 🙂 خلق الله كلها كدامج مالكيتي غيري تنعلين سلفه سلفاه 😂
جمانه : اطمن واحد واحد بلسره اجيكم 😌😂
نسرين :اكلج فاتن 🙂 شو هاي ولا جنها فصليه شوف البس وشوفي قيصر شلون لطيف وياها شلقصه 🤨 شكلهم يغور اني وخطيبي مو هيج 🙂 بس الحق يقال شكلها حلو 😂 بديت احسدها واحس بديت صدك اكرها
فاتن : يمعوده هذا اخوي الي كدامج يضحك وياها بلسنه حسنه 🙂 كله عرك ٢٤ ساعه ساليني اني غرفتي بنفس ممرغرفتهم فوك حته الساعه ب3:00 بليل اتوقعي عركه بس الي يضوجني قيصر عدنه مبادئ 😒 مايمد ايده على مره ابد لو شعل راسه 🙄
نسرين: حظوظ 🙂 باقي الفصليات شابعات دك وهاي طايحه براس هذا الله ينطي جوز للي ماعنده سنون 💔🙂
فاتن : 😒 اي والله بس وداعتج اني وياج ونجمه وفرح اله نسود عيشتها قيصر جدي اختاراه للمشيخه بسبب هدوئه وهاي عقليته الباقين مو هيج
نجمه: سمعت اسمي 🙂 اني وياكم بكل خطوه 😂✌🏻
فرح : واني هم 🙃
فهد : جنت واكف وراهن واسمع كلت بكلبي دخيلك ربي هوه هذا الي يكولون عليه كيدهن عظيم 🙂😂 الله يستر اجتمعن على جمانه مثل اجتماع المنظمات الارهابيه على العراق 😒
فهد ؛شجاي دردمن ولجن 😏
نسرين : هااا فهدوي شلونك ما سلمت عليك اعذرني التهيت وي فاتن 😄 ماكو شي هيج جنه نسولف
فهد: وعليكم السلام 😒 ورحت وعفتهن
فاتن : هييي نجمه شبيج لا تصفنين 🙂 ندري بيج معجبه بفهد بس فضحتي روحج تره 😂 ثكلي ضليتي بس تباوعيله حته ما رمشتي
أنت تقرأ
فصلية قيصر الفاتنه
Humorقصه تتحدث عن فتاة ذكيه وذات شخصيه قويه تمتلك جمالا خارقا تقع ضحية العادات وتقاليد وضحية مجتمع متخلف و ذكوري لتقلب الموازين فتذهب فصليه وينتهي بهى المطاف سيدة لقصر وتصبح من محكومه الى حاكمه اتمنى لكم قرائة طيبه ♥
