فصلية قيصر الفاتنه

9

جمانه : ضميت جهازي وكعدت افكر اشراح ايصير بيه راح اضل اتعب هيج وبعدين بلنهايه حياتي شراح ايصير بيهه وكطع صفنتي قيصر من دخل للغرفه
قيصر : هاا هلو جمانه وين صافنه 😊
جمانه : هاا لا هيج 🙄 اشويه شردت
قيصر : زين لعد اني تعبان اريد انام
جمانه : اي اني هم كاعده من الصبح وتعبت من الشغل هم اريد انام
قيصر: اي لعد هذا الجانب من الجربايه الج وهذاك الي 😊
جمانه : هلو هلو حسبالك انام يمك بمكان واحد لا بله نزلي فراش وبطانيه ومخده من النضده 😒
قيصر : اوك مثل متردين على راحتج هسه انزلج
جمانه: قيصر نزل الفراش والبطانيه والمخده وفرشت على الكاع وكتله يله خلصت فرشتلك حته لاتكول هم ماخذه الجربايه وهم تخليني افرش الروحي تعال نام 😊
قيصر :🙄😐 شنو ليش مو انتي الي راح تنامين ع الكاع
جمانه : لابله منو كال هيج اني الي انام ع الجربايه 🤨😒 مو انت
قيصر : لا والله هاي غرفتي عاجبج بكيفج نامي ما عاجبج طلعي نامي بلمخزن
جمانه : خرب والله كتلتني بهذا المخزن ماطلع مخزن اذا الهدرجه عاجبك اخذ غراضك وروح نام بيه منو كاظك 😒😩
قيصر : شنو شنو لا بله الي تحجين هذا الحجي 🤨 زين عندي اقتراح ليش منحط مخدات بلنص حته محد يعبر على الثاني 🙄
جمانه : لا انته ماشايفني من انام اني ارفس والعب كونفوا وكاراتيه واني نايمه حابه اخذ راحتي 😌
قيصر : لعد نحط افراش بلنص لو انتي الي تنامين بلكاع بكيفج اختاري 😏
جمانه : والله لو تحط سور الصين بلنص هم ما اقبل بعد شتريد انت نام بلكاع 🙄
فيصر : لا اني ما نام ع الكاع انسي الموضوع متعود على مكاني 🤨
جمانه : ليش اتخاف على جسمك الهدرجه انت رقيق 😏
قيصر : جمانه احترمي ولاتضلين تجفصين بلحجي الحد الان اني محترمج 😡
جمانه : لعد نام بلكاع وكف نفسك شر الساني 😎
قيصر : امري الله بس اني اعلمج منا وهيج اذا ما اخليج تخافين تنطقين كلمه 😡
جمانه : لا لتخاف ميحتاج اتعلمني اني متعلمه كلشي واذا اتريد اني اعلمك 😎 ولعلمك اني ما اخاف من شي😌 بس من الله
قيصر : استغفرالله ياربي صبرني على هلبلوه يارب يلا كافي ونامي 😡
جمانه طفيت الضوه ورحت نمت واني احس بحلاوة الانتصار 😁😈
.................................................................

جمانه : مر اسبوعين واني بيت الشيخ والصراحه مرن بصعوبه من كد الشغل والمشاكل الي واجهتني وقيصر هم ما اشوفه هواي مشغول بلديوان هم هوه يتجنبني حته لا نتعارك وتصير مشاكل اكثر واني اشتاقيت الاهلي حيل بس شنو اسوي ما بيدي شي
جنت بلمطبخ اساعد ام جود ودخل علينه ولد شاب بداية عمره جايب غراض اجه سلم وراح باس راس ام جود الي فهمته انو هذا ابنه جود
.................................................................
جمانه : يلا جود عرف عن نفسك 😊
جود : اني اسمي جود عمري ١٩ سنه تارك الدراسه بس كلش احب القرائه والمطالعه وطبعي هادئ ومنعزل اني اشقر وعيوني بني على عسلي طولي ١٧٠
.................................................................
جود : امي اتصلت بيه وصتني على غراض من السوك حته اجيبهن اله جبت الغراض ورحت انطيهه الغراض دخلت للمطبخ جانت هيه تشتغل وياهه بنيه سبحان الي خلقهه على الجمال الي شايلته دخلت سلمت ورحت بست راس امي وانطيته الي طلبته
جود : اتفضلي يمه هذا الي وصيتيني عليه كله جبته اتأمريني بشي بعد 😍
ام جود : لا يمه الله يرضه عليك انشالله جود اعرفك على جمانه الفصليه الي اجت قبل فتره الهنا جمانه هذا ابني جود
جود : اهلا وسهلاً اختي جمانه تشرفت بيج 😊
جمانه : اهلا وسهلا بيك خيو الي الشرف والله 😊
جود : يلا اني رايح انشالله نحجي بعدين ونتعرف على حضرتج اكثر 😊
جمانه : اكيد راح نتشاوف مره ثانيه ونحجي سوه وع كولتك نتعرف اكثر على بعضنه 😂😊
لفتتني شخصية جود جان كلش هادئ ومثقف اني صراحه ما اعرف عن حياة جود وامه وليش هيه تشتغل بلبيوت وشنو قصتهه قررت اتقرب اكثر من جود وامه حته اساعدهم وهم اعرف تفاصيل اكثر عنهم
دائما جنت اشوف جود كاعد وحده وبيده كتاب يقراه هسه عرفت السبب وره شخصيته وثقافته هوه مخلص اغلب وقته بمطالعة الكتب مهوس بيهن
جنت صافنه اباوع الجود من بعيد وما حسيت اله على صوت فززني
قيصر : جمااااانه 😡
جمانه : 😰🤪😳 هاذا انت اشبيك خوفتني شتريد 🙄
قيصر : صارلي ساعه احاجيج وانتي ولا كأنو بيمن صافنه 🤨😒
جمانه : استغفر الله ربي حته الصفنه حرام جنت افكر بشي
قيصر : اي وشنو هوه هذا الشي الي مخليج فاصله عن العالم 😑
جمانه : كتله شعليك أنته ورحت وما احس غير انجريت من شعري 😡
قيصر : 😡 اولا من احجي وياج تحترميني ماترحين واني كاعد احجي
ثانيا من احجي وياج لا طولين السانج عليه افتهمتي انتي كلج فصليه لاتجبريني اعاملج بطريقه مو حلوه 😡
جمانه : لمن تحشر نفسك بشي ميخصك تاخذ جواب ميعجبك انته حاشر نفسك حته بافكاري شسويلك 😡😒
قيصر : انتي مصره تحجين وياي بهل طريقه السزز يعني 😡
جمانه : اي مصره واذا الهدرجه تضايق وتعصب من تحجي وياي الاحسن تجنبني وخليت ورحت عفته صافن ويحجي وي نفسه 😂
.................................................................
قيصر من وكت ما اجت جمانه على هذا البيت واني كمت ما ادخل البيت كلش قليل من كد ما صارت مشاكل بينه وبين امي وفاتن وجناينه ونسوان العشيره 😫 جنت احاول اجنبه حته ما اتعارك مع ذلك جنت اغلب الوكت افكر بيهه واتذكر ملامحه الملائكيه بس شخصيته مال شيطان مستحيل احد يصدك انو هذا الشكل الملائكي وراه كل المصايب 😂 ومره جنت راجع من الديوان وشفت جمانه صافنه على جود حته ناسيه ترمش بعينه حسيت بشعور غريب ردت اروح اخنكه عصبت منهه حيل حاجيته صحتله مانتبهتلي رحت يمهه وصرخت وهيه فزت اخر شي تعاركنه وعافتني وراحت ضجت من تصرفهه حيل حسيت النار بداخلي مشتعله 😡
.................................................................
جمانه :رحت للمطبخ حته اساعد خاله ام جود بلعشه وسالته خاله جود باي مرحله وشنو يدرس
ام جود : لا بنيتي جود تارك الدراسه من زمان ماكمل دراسته وكاعد هسه يشتغل بيت الشيخ يساعد الولد والشيخ الله يحفظه حاسب جود مثل ابنه
جمانه : زين خاله جود ليش ماكمل دراسه شنو السبب 🥺
ام جود : بنيتي ظروفنه ما خلته واني اشكد لحيت عليه والشيخ هم بس رفض كال اني اريد اشتغل وبوكته الشيخ زعل عليه فتره بس بعدين اتقبل قراره 😊
.................................................................
جمانه : شخصية جود هادئه وغامضه خلت عندي فضول اعرفه اكثر لذلك قررت اتقرب منه اكثر حته افهم اشلون يفكر وليش هوه هيج مبتعد وساكت دائما ضليت اراقبه فتره الحد ما بيوم من الايام شفته كاعد بلبستان ويقره رحت يمه
جمانه : هلو جود شلونك 😊
جود : اهلاً جمانه عذريني مانتبهتلج شوكت اجيتي جنت اقره اني زين انتي شلونج
جمانه : اذا انت زين اني هم زينه الظاهر الكتاب الي كاعد تقراه حلو حته الهدرجه مندمج وما شفتني من اجيت 😂
جود : 😂😊 ابنظري كل الكتب حلوه اني احس الكتب اصدقائي وكل كتاب يمثلي عالم مختلف
جمانه : واوو حلو تعبيرك صراحه عندي سؤال فضولي طالما انت هلكد اتحب القرائه والكتب ليش ما كملت دراستك 🙄
جود : مو بيدي الظروف حكمتني ما حبيت اخلي امي وحدهه تتحمل المسؤليه
جمانه : بس يمكن لو مكمل دراسه جان ساعدت امك اكثر 😢
جود : جمانه الظروف جانت اقوه مني وامي منا لمن اكون كملت دراسه تهلك من التعب وشما اسوي ماراح اكدر اوفي حقهه 😞
جمانه : زين اكدر اعرف شنو ظرفك او شنو الشي الي بلظبط خلاك تاخذ هيج قرار 🥺
جود : اوك راح احجيلج كلشي بلتفصيل الممل
.................................................................
وللحكايه بقيه يتبع