فصلية قيصر الفاتنه

5

جمانه : كعدت من الصبح تريكت اجه خالي عماد سلمت عليه ورحت اجهز روحي
سوسن : ماما جمانه لبسي اسود لان راح ترحيلهم تصيرين منهم فاحسن شي فرحي وياهم وحزني وياهم همه اهلج بعد
جمانه : يبووو على حظي 😒  ( صراحه اني كلش احب الون الاسود بس اتخبل منه اذا انجبرت عليه احب البسه وكت ما اني اريد ما احب ينفرض عليه )
سوسن : اتحملي ماما وهم راح انطيج شال وعبايه وبوشيه ترحين بيهن لان مثل متعرفين راح ترحين لشيوخ ايحبون الستر ومايقبلون البنيه هيج
جمانه : 😨😲عبايه وبوشيه ما والله ما ما البس لو اموت 😫
سوسن : ماما سمعي الكلام بس روحي بيهن على مايعقدون ودخلين البيت وراهه لعبي بكيفج وبراحتج بس اهمشي نخلص من هايه المصيبه ونفتك 😔
جمانه : اووووف 😤 صار ماما
سوسن : حبيبت امهه فديتج رايحه احضرهن الج
جمانه رحت بدلت وجهزت نفسي لبست فستان اسود مخصر وبيه تور من فوك ورداناته طوال وبيه حزام اسود ناعم وكعب اسود وعفت شعري محلول ورحت ودعت اهلي اولشي ودعت نهى
جمانه : حبيبتي نهاوي راح اشتاقلج والله 😭

نهى : 😭واني هم ياروحي اكلج جمانه انتي راح ترحين بعد متجين 😫
جمانه : والله ياعمري ما ادري انشالله ارجع 😔
نهى : يعني اكدر اخذ غرفتج هسه لولا
جمانه : ضربتهه على ظهرهه نرفزتني الحيوانه اكلج طايحة الحظ من اشوكت عينج على غرفتي 😡😬
نهى : صراحه منهد مانزلنه بهذا البيت 😂
جمانه : واني اكول ليش احسج مكيفه على روحتي وليش احس غرفتي مابيهه بركه ثاري من وراج اخذيه امداج 😒
نهى راحت ركض ماصدكت كلتله اخذيهه انوب رحت اودع ريتاج
جمانه : رتوجه حياتي ديري بالج على البيت وعلى ماما لاتخليهه تبجي من اروح راح اشتاقلج حيل 😭
ريتاج : ياعمري انتي لتقلقين احط ماما بعيوني واني هم راح اشتاقلج حيل 😭
جمانه : اكلج ريتاج من الاخير خوما حاطه عينج على شي من غراضي مثل نهى 😒
ريتاج : 😀😇 والله ما اظم عليج طالما سألتي راح اكلج 😂
جمانه : يعني حاطه عينج على شي  😨😲 بله كليلي شنو هوه ؟؟
ريتاج : اني عاجبني عطر عندج هذا الي اشتريتيه بلعيد يمكن اسمه نيكول اريده مرات اخمط منه جم رشه عن الحلال والحرام 😂
جمانه : دنكت طلعته من الجنطه ' هاج هذا الصخام الترديه مدري شنو من عائله عندي الله يسلمكم 😒
ريتاج : فدوه حبيبتي راح اشتاقلج باي 😚😙
جمانه: رحت الفضل اودعه
فضولي حبيبي اخويه راح اشتاقلك واشتاق للعرك وياك
فضل : واني راح ارتاح منج ومن عرايكج 😂
العفو قصدي راح اشتاقلج والله حيل 😢
جمانه : طاح حظك موصوجك صوجي اني كبرت راسك وكتلك راح اشتاقلك 😡😬
فضل : لا تزعلين يولو اصلا البيت راح يفرغ بدونج وراح نشتاقلج
جمانه: فديتك 😍 وين جان هذا الكلام الحلو والحنيه  قبل 😒
فضل : جنت ضامهن الهيج يوم 😂
جمانه : عابتلك 😂
رحت سلمت على مروان
جمانه : مروان حبيب اخته راح اروح وراح اشتاقلك كلش 😔
مروان : 😭
جمانه لاترحين محد يلعب وياي غيرج
جمانه: حبيبي مو بيدي لازم اروح اريدك تصير رجال وماتخلي ماما تصيح لو تتعب ماشي
مروان: ماشي 😔
رحت الماما حظنتهه مندون اي كلام وهيه هم جانت عيونه هيه الي تحجي
سوسن : يلا ماماتي حبيبتي صعدي فوك مثل ماوصيتج لبسي البوشيه والعبايه ونزلي
جمانه : رحت صعدت لكيت شال وبوشيه وعبايه ردت البسهن بعدين كلت عليمن البس الشال واختنك لبست بس الوشيه والعبايه وكلساع العبايه تزلك من وره شعري وكوه كاظتهه علمود لتطيح من راس وكوه امشي خاف انجبح على وجهي لان ما اشوف من وره البوشيه وما اريد ارفعه حته لا ابين ما لابسه الشال 😂 وامي تشوفني كوه سيطرت نزلت اجه فضل عود ايصيحني اركب بلسياره حته ايودوني وسمعته يضحك
رفعت البوشيه شويه وشفت وجهه احمر ومختنك كوه لازم الضحكه وكل شويه تفلت منه ويطلع صوت ضحك
جمانه : اضحك اضحك طايح الحض تضحك على مصايب اختك 😡😬
ماكدر يلزم روحه مات من الضحك
جمانه : شهل فطاريه هاي تره متضحك 😒
فضل : ولج انتي شايفه روحج اول تالي جمانه علاء تلبس بوشيه وعباه
جمانه: هه هه هه سخيف كوم ولي من كدامي 😒
نزلت البوشيه ورحت صعدت تحركت السياره اشويه رفعت البوشيه حته اباوع من الجامه ما رفعتهه كلهه حته محد ينتبه اني ما لابسه شال
نوب اشويه لهناك غفيت بلسياره لان كاعده من الصبح ومامتعوده والطريق طويل بعدين حسيت على بابا وخالو عماد يكعدون بيه طبعا بالي مو يمهم اول ماكعدت كلتلهم جوعانه
علاء : ولج لاتفضحينه وكتج هسه من ساع انكعدج حته تتغدين جنج جثه ماتقبلين هسه من وصلنه تردين تكعدين تاكلين
جمانه : ما والله معليه ولكم افتهموا جوعانه والحمزه اريد اكل تره ما انزل لو تموتون  كتلكم جوعانه يعني جوعانه
علاء : ولج مو وكتج هسه نزلي وبعدين نتفاهم
جمانه : ما انزل يعني ما انزل من الصبح ما ماكله شي شهل ظلم 😢
علاء : الخاطري والله هذا اكل موجود انزله وياج بس دخلي لان منا العالم منتظرين فشله
جمانه : اوووف ياربي خوش راح انزل بس والله اذا ما جبتولي اكل ارجع وياكم للبيت مو تكولون لو اضل اكلبهه مناحه هناا 😒
علاء : اوووف يلا نزلي وبعدين يصير خير
جمانه نزلت وشفت قصر شكبره والله حته مو قصر عبالك مدينه كامله وشفت شيوخ اكبار وشباب طبعا كوه امشي وكوه كاظه روحي من وره البوشيه والعبايه اريد اطيح كوه مسيطره والعبايه كلساع تريد تزلك من وره شعري 😂
احس جني بطريق من امشي رحنه وكفنه يم اشيوخ كبار اشوف اني بس مو واضح مغوش كلش 😂
علاء : شيخ هاي بنتي امانه عدكم اتمنه تحسبوهه وحده من بناتكم وديرون بالكم عليهه 😢
جد صكر : انشالله انخليهه بعيونه ودام دخلت هذا البيت فهيه صارت وحده من عدنه انحطه بعينه ونغطيهه برموشنه
جمانه : همه يحجون واني مو يمهم اباوع علبيت اكول اني اذا دخلت هذا البيت بعد ما اطلع منه اتيهه ويضلون شهر ايدورون عليه بيه 😂
علاء : شيخ احنه جايبين اكل والبنيه من الصبح ما ماكله وخاف تتخربط
جد صكر : افا عليك خليهه علينه هسه نجيبلهه اكل وتدلل
علاء : والله شيخ ماتقصر وانته زلمه معدل من ظهر زلمه واني مطمئن طالما بنتي يمكم وهسه احنه نترخص
جمانه : ودعت بابا وخالو بعدين كال الشيخ طببوهه راح يجي السيد يعقد اني كل الي بالي انو هوه الي راح يعقد عليه كلت خرب بحضي كل هذا الجمال واخذ شايب لو ادري جان اخذت اول واحد زحفلي حتلو اجكم على الاقل شاب  😭 لا والله اصلا لو ادري جان اني الزحفت ع الولد حته اتزوج 😂
دخلت شفت جوكه نسوان وهاي الي تسب وهاي الي تغلط واجت وحده كلش كامت تسب وتفشر شعلت جدي السابع عشر وتكول الله لايخليكم حرمتوني من ابني شكلهه ام المرحوم
قيصر : يمه مو وكتج هسه اجه الشيخ لاتتمرضين وتتلف اعصابج ودو الفصليه خل يعقدون ونخلص
جمانه :اجت وحده كالت تعالي حبيبيه خل يعقدلج الشيخ دخلتني الغرفه ضلمه جنه لان حته كمت ماشوف بلبوشيه وحتى ما ادري منو عقد عليه كل الي بالي عقد عليه الشايب الي حجه وي ابويه
السيد : جمانه بنت علاء هل تقبلين الزواج بشيخ صكر اذا قبلتي رددي نعم وانت وكيلي
جمانه:  نعم وانت وكيلي
عقدنه وهوه هم وافق وتم العقد اجت نفس المره الجابتني  حتى يعقدولي وصلتني للغرف وكالت ضلي هنا ولتطلعين ابد رايحه اجيبلج اكل اني هم ما كلت لا رحت طبيت للغرفه ماصدكت شمرت البوشيه والعبايه اختنكت منهن رحت رتبت شعري وكفت على المرايه وبديت امشط بعدين ظليت اباوع للغرفه رجاليه وكبيره حيل بس الجربايه تعادل غرفه من غرف بيتنه وظليت اباوع وشفتهم مدخلين الجنط مالتي كلت استريح وبعدين اكعد ارتبهن وتعجبت من الغرفه جانت شبابيه كلت معقول هاي غرفة الشايب ضليت صافنه وافكر اشلون راح اتكون حياتي اهنا وزاد تفكيري من شفت الاستقبال الحار من ام الولد المات وكطعت صفنتي من اندك باب الفرفه .......
......................................................
و للحكايه بقيه     يتبع .....