رياض 😂😁 سمعت شنو كالت عليه هاي الوكحه وصار عندي فضول اعرفها اكثر مدري ليش كلت خل اخليها تمشي مسافه والحكها بسياره بدون متحس
عبير وصلت للبيت شمرت الجنطه بصف الصاله وضليت اصيح (عاده سزز ما ابطلها 🙂): مرووه ولج مروه جوعانه شكو اكل شنو الغده
مروه : وسم وزمهرير 😡 فضحتينا و يعني شكو غير مركة عدس وخبز منتظره اطبخلج قوزي
عبير: استغفر الله ربي حشى نعمة الله نتغده مركة عدس ونتعشى شوربة عدس 🙂
مروه : 😑 قابل انتي بت وزير هوه احنه فكور قابل زناكيل
عبير:🙂على طاري الزنكله الله ينطي جوز للماعنده سنون منطي سياره ابيع اعضائي وما اشتريها الواحد ما يعرف يسوق يمشي بيها صفح جا دعمني وموتني
مروه:☺ حرامات لو شويه شاد حيله ومخلصنا
عبير: 🙂 عيفج من هاي السالفه الله منطيه خلقه يمه احنا جلحان ملحان بعرسج وانتي بقمة اناقتج اطلعين عوبه يمه
مروه: 😡ولج بعدج بطول النعال وتتغزلين كدامي بنت الكلب خل يجي ابوج اذا ما احجيله بلكت يكسر راسج ويأدبج
عبير: كمليها لجمله ونخلص منج 🙂 حفظتها بعدين اني موبطولج ثانيا هسه انتي غلطتي على ابوي راح تكليله هاي فقره لو اكله اني 😂
مروه : امشي كلي تبن مكطوع المي كومي روحي نكلي كم سطل من الجيران ترسي التانكي راح يصير اليل اتحركي
عبير: استغفر الله ربي الله يصبرني وين عايشين بصحراء شويه كلفو نفسكم جيبو ماطور شلون ماكان راح يصير عندي انحناء بظهري من النكل من وراكم راح يصير عندي دسك 😑
(ملاحظه الدسك مرض من امراض العمود الفقري)
مروه : بلا لغوه وتحركي ميفيدج الحجي 😒
.................................................................
رياض مشيت وراها الحد ماشفتها دخلت البيت تعبان فد مره واضح انو حالتهم الماديه مو هلكد ضليت اباوع صافن فكرت انو اقدملهم مبلغ بحجة تعويض عن الحادث الي صار لأنو كلش ضجت من شفت وضعهم وهم للأمانه عجبتني البنيه صح وكحه ما تنجرع بس استلطفتها
عبير طلعت شايله السطل أريد اترسه من الجيران احنا منطقه شبه مهجوره يعني جيرانا مو بصفنا يبعد عنا شوي مسافه و اول مافتحت الباب شفت الخبل الدعمني كدام باب البيت الظاهر لحكني 😐
رياض شفتها طلعت 😶 انصدمت ما عرفت شسوي كلت هسه تاخذني حاصل فاصل ماتوقتها تطلع بعد او على الاقل مو بهل سرعه
عبير 🤔 اتجاهله لو ما اتجاهله خل اسكت وامشي اغلس اذا ظل بمكانه عود اطيح حظه خطيه خل انطيه فرصه يفلت 🙂باوعتله صفح ومشيت
أنت تقرأ
فصلية قيصر الفاتنه
Humorقصه تتحدث عن فتاة ذكيه وذات شخصيه قويه تمتلك جمالا خارقا تقع ضحية العادات وتقاليد وضحية مجتمع متخلف و ذكوري لتقلب الموازين فتذهب فصليه وينتهي بهى المطاف سيدة لقصر وتصبح من محكومه الى حاكمه اتمنى لكم قرائة طيبه ♥
