فصلية قيصر الفاتنه

16

جمانه : قيصر اتوسل بيه اطلع وافتح الباب ما رضيت حبيت اسويلهم فركت اذن ومنا وهيج هاي البدايه اله ما اراويهم منو وشنو يعني جمانه😈
قيصر : شوفي جمانه ماراح اضغط عليج اكثر حته تفتحين الباب ارتاحي واهدئي واتمنه من اروح اجي اتكونين هدئتي تماما حته نكدر نتفاهم ونحجي راح اعيفج هسا والله كريم بعدين ماشي 🙄
جمانه : جنت اسمعه بس مارديت علي وجنت مسويه روحي ابجي كلت بكلبي اي على اساس اني وياك شلون نتفاهم اذا حجينه هوه انتي بكلمتين مني تتحول بركان والله واثق من روحه هلولد 😂 حساب روحه شيخ شيخ على روحك ولك اني الكم وطبعا من بعد ما اخلص منكم وارجع الاهلي ابدي امسح الكاع بعمامي الي حطوني بهيج موقف لان بعدني ما ناسي سوايتهم وهسه بده الانتقام من صدك 😈
قيصر رحت اشوف امي جانت كاعده وكلساع فهد يذبله حجايه ورياض هم حجه ما سكت وجدي زعل عليهه واني من كد ماعصبت رحت هم ذبيت حركتي وضليت اصيح لان اني شنو ذنبي حته اسمع حجايه من وره المشاكل وهيج انهان من دون ما اكدر احجي جرحتني جمانه بكلامه حيل ماجنت حاسب حساب هيج يوم
قيصر : يمه ليش هيج سويتي ارتاحيتي هسه من انذليت كدامهه بدون ما اكدر اسوي شي يعني شيخ شطولي شعرضي كله تخاف وتخنس من امر اله هايه كدرت تكسرني جان رديت بس هيه صاحبة حق ماكدرت احجي ليش يمه ليش هيج تحطيني بهاي المواقف مو اني ابنج ما كافي عليه مشاكل الديوان تجيني انوب مشاكل البيت اشوكت ارتاح بس فهميني
ام صكر : 😡 الكبرررر امداي امده تربيتي لو جايبتلي نعال احسلي لو منك اشك حلكهه هلخايسه الحيوانه وحده نصابه وملعبه اولا اني ماسويتله شي ثانيا عيب عليك تحجي هلحجي وي امك جان استحيت امداك وامده تربيتي اي والله
قيصر : كلت بكلبي خرب حضي اجي يم امي اترزل اروح الجمانه اترزل امي ضلت تصيح علينه وتعصب اخر شي ارتفع ضغطهه وكعت بلكاع ركظنه بيهه على المستشفى اني بنسبه الي صرت اتمنه الكه فرصه ارتاح وابتعد عن المشاكل والديوان جنت منتظر هليومين يخلصن حته يجي يوم روحتي البغداد اني وفهد حته اخذ فترة راحه واغير جو بعيدا عن جمانه والديوان والمشاكل كلهه 😠
.................................................................
جمانه جنت بلغرفه ساكته وافتر مليت ماكو شي اسويه 🙄 اشويه الهناك سمعت صوت السعلوه فاتن تبجي ومعصبه وتغلط وتريد تكسر الباب وعبير وسمر مرة عمهه السعلوات يكظن بيهه ويسكتنهه ويجرن بيهه بس هيه بس معصبه وتبجي وتغلط
فاتن : اطلعي يلكبه اليوم ما اخلي بيج روح حيوانه كله من وراج امي تخربطت وكعت والله يلفصليه اذا صار على امي شي اقري على روحج الفاتحه اله اطلع روحج بيدي فتحي الباب كلبه اليوم اني اعلمج
جمانه : 😡 ديلااا يلمسترجله شايفه روحج جنج هايشه ماكلين عشاهه وجاي تهدديني دروحي منا بابا شايفه اذا الزمج اسويج خبزي محروكه بس استنكف اكضج لان جربه يمكن تليفين بس بلعيد او يمكن حته ماتليفين اصلاً 😝🤣
فاتن : هاي عليمن هلحجي ولج بيج خير اطلعي واحجي مو خاتله وقافله الباب وتتمرجلين عليه وتتفيكين بعدين انتي اوصخ منج ماكو كلج عباره عن خدامه صوج اخويه المطي هوه مكبر راسج اني لو بداله جان كومتج بكتله وكعدتج بكتله
جمانه : والله تدرين شي هاي اول مره تحجين شي بيه خير هوه مو بس اخوج مطي انتو كلكم مطايا وحيوانات الله رازقكم اسامي مثل الخلق والناس تروحون تسمون روحكم صكر وفهد تحنون الاصلكم ومدري شنو ماشاء الله حديقة حيوانات مو عشيره اشكد اضوج منكم 😒 ماتعرفون تصرفون كوه طلعون الواحد من طوره مو بشر
فاتن : لا يا كلبه افتحي الباب اليوم اكسره على راسج استهترتي حيل يرادلج ضب يلا اااا فتحي الباب ياقندره خل اراويج منو الحيوانات 😡😡
جمانه : لا باباتي مستحيل افتح الباب اخاف خاف تهجم عليه هايشه متوحشه مثلج واني ورده رقيقه ما اتحمل 😌😂
فاتن : خل يجي قيصر اذا ما احجيله كلشي واخليه يدفنج بليله ظلمه
جمانه : اوووك 😌 موافقه خل يجي قيصر واحجي وافتحي الموضوع وياه تسوين فضل حته ما احجيله اني ويكلي جاي تسوين مشاكل حته احجيله واراويه شلون تكولين عليه مطي اني فاتحه تسجيل هسه راح اشتغل عليه وامسح المقاطع الصوتيه مالتي الي احجي بيهه عليه واسجل مقاطع صوت جديده ادافع بيهه عنه وادمجهن ويه بقيت المقطع الصوتي واعيف بس ردي عليج واسمعه التسجيل ونشوف منو الي راح يبقه بيهه عظم سالم وحابه اكلج اني الي ادرس الشيطان وهوه يتعلم مني فلا تحطين راسج براسي لا اندمج ويلا ولي منا لا اسوي الي كتلج عليه وبدون تردد افتهمتي 😈
فاتن وعبير وسميره : 😯😯😯😯 😥
جمانه : هاا شكلتي شو سكتي سمعيني حسج غردي يلاا 😌