فصلية قيصر الفاتنه

6

جمانه : فتحت الباب طلعت المره الحبابه الدخلتني للغرفه جايبتلي اكل رحت كعدت على الجربايه شفتهه مصدومه تباوعلي وصافنه استغربت بعدين كلتلهه خاله بيج شي ليش صافنه  هيه انتبهت على روحه وكالت الهم صلي على محمد واله يمه انتي اهلج مايردوج ودوج فصليه شنو هلجمال
جمانه : ضحكت وكتلهه تسلمين خالتوو مو اهلي المايردوني بس عمامي خلوني بوجهه المدفع
باوعتلي ابتسمت كالت اني ام جود اشتغل هنا من زمان بيت الشيخ اي شي تحتاجين كليلي هسه اكلي ورتاحي ومن باجر تبدين تساعديني وبعدين اجي افهمج على كلشي وعلى طبيعة الشغل هنا
جمانه : ااوك خاله 😊 ابتسمت وراحت
طبعا حبيت خاله ام جود شكلهه طيبه وعلى نياتهه اكلت وكمت فتحت الكنتور جان كلش كبير وشفتهم مفرغين نص بديت اصفط غراضي بلكناتير بعدين رحت على ميز المرايه شفت كم عطر رجالي حطيتهم على صفحه بزاوية الميز وبديت اصفط عطوراتي ومكياجي على الميز صحيح مو كلش احب احط مكياج بس اشتريت هماتين علمود اخسر عمامي فلوسهم 😂
شفت حمام بلغرفه هم دخلت سبحت وطلعت ولبست فستان اسود خفيف سشورت شعري ونمت مادريت بعد بلوضع
......................................................
قيصر : من اجت الفصليه على بيتنه جنت بغرفتي تعبان هستوني راجع من الديوان وماهتميت انزل واتعرف عليهه وعلى اهلهه بعدين وره اشويه سمعت امي تغلط وتصيح على الفصليه نزلت اشوف شكو  هديت امي وخفت عليهه لا يهبط ضغطه لو تطيح لان امي منهد ما مات اخويه حالتهه سائت ودهورت شفت الفصليه بس ما شفت منهه شي لان جانت مبوشه وما متحمس اشوفهه اصلا وصيت ام جود تاخذهه للغرفه وقررت ما ادخل الغرفه اليوم حته الفصليه هم ترتاح شويه ومتصير مشاكل من اليوم الاول بعدين عقدنه وراحت دخلت للغرفه ما جنت متحمس اشوف شكل الفصليه ابد كلت اكيد راح ينطونه وحده زركه لو عوره ومحد ابتله بيهه غيري وزاد هذا احساسي لمن شفت ام جود طالعه من الغرفه وصافنه وتضرب اخماس باسداس 🤔 بليل الساعه بل ١:٠٠ ردت ابدل ملابسي فضطريت ادخل للغرفه بهدوء حته اخذ ملابسي واطلع دخلت وشغلت ضوه خافت مال نوم علمود لاتكعد بس انصدمت من شفتهه ملاك ونايم 😮😯😱 ضليت صافن لمن حسيت بيهه تحركت اخذت ملابسي وطفيت الضوه وكبل طلعت صورتهه ضلت بالي شعرهه اسود حرير طويل وبشرتهه تجنن جنه مال طفل ضليت بس افكر بيهه انوب كلت هاي شبيه اني معقول هيج افكر بوحده اهلهه جانوا السبب بموت اخويه حاولت انسه ورحت انام
.................................................................
جمانه : كعدت نص اليل تفاجأت الساعه ٢:٠٠ كعدت جوعانه لبست روب طويل بيه كبوس حطيته على راسي ونزلت ادور على شيء اكله بس ما عرفت وين اروح لان البيت كلش كبير الى ابعد حد بحيث اذا مشيت بيه بعد ما اعرف ارجع للغرفه يمكن 😅 احتاريت وين اروح انوب استسلمت وتذكرت عندي اشوية حلويات بلجنطه ونساتل رحت طلعتهن وطلعت موبايلي بيه افلام وكعدت اكل واباوع  ومامتحمسه الطلعت الصبح بس استغربت اتوقعت الشايب الي ع اساس هوه زوجي راح يجي للغرفه وينام بس ماجان اكو احد غيري صارت الساعه تقريبا ٣:٣٠ سمعت طكطكه بره طلعت اشوف منو اخذني الفضول 😁 شفت خاله ام جود وبيدهه عجين يمكن تريد تخبز  رحت يمهه شافتني كتله صباح الخير خاله
ام جود :😊 صباح الخير حبيبه  شلونج اليوم
جمانه : زينه خاله بس جوعانه صراحه وما ندليت المطبخ بعدني ما متعوده على المكان 😅
ام جود : 🤭 عادي حبيبه صح المكان كبير بس راح تتعودين عليه وتحفظيه حفظ وهسه تعالي خل احطلج ريوك اكلي على ما اشنك العجين ونطلع للبستان حته نخبزه منا وهيج لازم تشتغلين بس ما راح اعيفج وحدج راح نتساعد 😊
جمانه : صار خاله 😊
خاله ام جود صبتلي ريوك وكعدت اكل جنت متحمسه اطلع واشوف البستان وامشي بين الشجر لان هناك بغداد ماعدنه هيج شي عدنه منتزهات صح بس مو مثل حلاوة البستان
خلصت اكل وطلعنه اني وخاله ام جود للبستان حته نخبز طبعا اني ما اعرف اخبز بس رحت اساعده اشويه ارتب الخبز واشيله وياهه 
جمانه : خاله بس مو كاعده من وكت كلش ٠🙄
ام جود : لا حبيبه هنا احنه مومثلكم اتكعدون بنص الظهاري احنه نكعد غبشه وهسه من تصير بل٥:٠٠ الكل راح يكعد صغار كبار
جمانه : كلت بكلبي انا اخوك يعني كل يوميه راح اكعد هيج وكت 😫
كملنه خبز وصلنه للبيت ساعدت ام جود بلريوك وكتله راح ابدل ملابسي وارجع لان خاف ايكعدون ويلكوني هيج فشله 😅
ام جود : اي حبيبه على راحتج روحي اني راح اصب الريوك 😊
جمانه : جنت جايبه ملابس سود مثل ما وصتني ماما حته البسهن بعتباري وحده منهم بس من شفت همه اشكد كارهيني ومامعتبريني هيج غيرت رأي وضليت البس ملابسي العاديه لبست بدي سمائي ارداناته وصدره تور وبنطرون اسود ورفعت شعري ذيل احصان ولبست اكسسوارات بسيطه نسقتهه وي ملابسي ونزلت من الدرج لان غرفتي فوك شفت عشيره شكدهه شكبرهه وسفره ممدوده اكثر من عشر امتار  انصدمت جانو يتريكون ومن نزلت شافوني ضلوو صافنين ولد وبنات عليه سويت نفسي ماهتميت ونزلت بكل ثقه وكلت صباح الخير
نصهم ماردو ونصهم ضل يعيب بس الشاب الحلو  اعتقد نفسه الي كال البارحه اجه الشيخ والشيوخ الي استقبلو ابويه والشايب ردوو
جد صكر : صباح الخير بنيتي تعالي تريكي انتي صرتي وحده منه😊
ام صكر :😡😡 شنوو شنو تتريك وصارت وحده منه تخسأ والله انشالله حاسبه نفسهه شيء هيه كلهه فصليه يعني خدامه لا غير وضلت تغلط
جمانه : 😏باوعتله بكل ثقه وحجيت  تسلم كلك ذوق بس اني تريكت اكل انت الف عافيه وابتسمت ورحت للمطبخ 🙃
ام صكر : شلون وحده صلفه وحقيره وادب سزز اله اربيهه 😡🤬
جد صكر : ام قيصر على كيفج وي البنيه 😒
ام صكر : شيخ انته على راسي بس هاي الادبسزز مستحيل اتقبلهه شوف لبسهه وصلافتهه 😤😡
جد صكر : ميخالف بعدهه جديده ومتعرف شيء والي صار مو ذنبهه ولاتنسين هيه من بيئه مختلفه وبس تتعود علينه راح تصير مثلنه 🤨
جمانه : من خلصوا ريوك وشلنه الماعين جانت كارثيه بعنى الكلمه 😫
جمانه : خاله ام جود شلون جنتي ادبريهن وحدج🤨🤔
ام جود : لا حبيبه مو وحدي اني وجناين هذا البيت بس شكلهن من شافنج بعد غسلن ايدهن وراح يعتمدن بس علينه 😅😫
جمانه : اويلي 😫 شيخلصهن لعد خل نبدي والله كريم
كمت شديت حيلي وكعدت اغسل اماعين خاله ام جود ساعدتني اشويه وراحت حته تبدي تسوي غده كملتهن ورحت طلعت روحي
واني رايحه للغرفه سمعت العجوز الشمطاء 🧟‍♀️(ام صكر ) تحجي وي الحليوو  😍(قيصر )
ام صكر : يمه قيصر تعال اريدك بشغله 
قيصر (صكر): اي يمه احجي عيوني الج 😊
جمانه : اها يعني الحلوو😍 اسمه قيصر ( اش جمانه شبيج زحفتي مو على اساس متحبين الولد شصار والله خطيه اني صار مصيري الشايب اكبر من ابوي 😫يله على الاقل حباب )
رحت عفتهم ودخلت للغرفه وما احس اله اندفع الباب ودخل قيصر واني صرخت وكتله انت اشلون تدخل اهنا ماتستحي 😡؟ماتكول اكو بنيه هنا لو ماكو اصول  واخلاق 😤
..................................................................وللحكايه بقيه           يتبع